خدك الغيم و عيونك سما رحبه

٢

فوت و كومنت جميلاً يشبهانك 💗🍯

عند بشرى كانت تصلي العشاء بخشوع وهي ساجده وتدعي من اعماق قلبها ان ربي يوفقها و يرزقها كل خير و خيره في حياتها وللحظه بس نطق ثغرها بدعاء استغربته من نفسها "اللهم عوضني عوضناً جميلاً موداً و رحيماً ياخافك و يحبك و أهله ياخافونك و أصيلين اهل الاجواد"
دعاء غريب مبعثر خرج منها والاغرب انها نطقته من قلبها بنبره مكسوره!

بعد أسبوعين كان وقت إختبارات بشرى وكانت تجهز اغراضها عشان بتبقى بشقه قرب الجامعه الى نهاية الاختبارات مع ابوها وفعلاً سلمت على اهلها وهم يدعون لها بالتوفيق و فواز ابوها يوصي عياله على الاهل لين يرجعون، في السياره تكلم ابو جمال: ها يابشرى مستعده؟
بشرى بإبتسامه: ايوو بابا وحرفياً انا متحمسه مررره
ضحك ابو جمال ورد: عااد هاا لازم تجيبين مرتبة الشرف انا اثق فيك و عارفك بتجيبينها و تجيبين ابو ابوها
ضحكت بشرى بفررح: بجيبها من ورا تحفيزك ودعمك لي ثقتك في لحالها تكفي اني ااكد لك انها بين يدي الحين
ربت ابوها على كتفها وهو يردد: بنتي الكفوو
وكملو طريقهم للمدينه الجامعيه..

في ديره اخرى كان ادهم عند ابوه بالمشب شاب ناره و يصب لاابوه الشاهي على الجمر، ابو سلمان: العلوم ياادهم
رد ادهم وهو يتلثم عن النار لانها في مكان مغلق و ريحتها كتمه شوي: العلوم تسرك ياابو سلمان
همهم ابوه وهو يشرب شاهي ونطق: وش صار مع الشايب؟ لقيت تبرير؟
ناظره ادهم ثم صد يقوله بنبره حاده: ليكون صدقتك بولدك ياابو سلمان؟؟فوق هذا تبيني ابرر وش ابرر له على شيء ماسويته؟؟ هذا الي باقي
رد ابوه بعتب: لا يالادهم ماني مصدق فيك بس انا ماابي السالفه تبقى كذا وانت ماسويت شيء لكن برر انك ماسويتها قبل لايقومون اهل الديره ويصدقون فيك هدوئهم هذا هدوئ الشك و الحيره وان زاد صمتك صدقو فيك
زفر ادهم بحده ورد: يصير خيرر يصير خير
هز ابوه راسه ثم قال: قوم قوم أختك نجود تنتظرك عشان توديها للجامعه لاتنسى
وقف ادهم وقال: زين بتصل على ياسر يجي عندك ماهي حلوه تقعد لحالك
مشى طالع من المشب وهو يرسل لنجود تجهز وفي طريقه قابل اخره سلمان وسلم عليه : ارحب ياابو حمد وينك ماشفتك امس
رد سلمان (ابو حمد): والله صارت لي شغله ولاجيت علومك
ادهم: بخير يلا مااطول بروح اودي هالنجود
سلمان: بأمان الله
رد له ادهم وطلع لسيارته لقى نجود تنتظره فتح السياره وركبو وقعدت تعدل شكلها وهي تقول: اخبارك ياادهم
رد عليها بابتسامه: ارحبيي يانجود الحمدلله ليكون انتظرتيني البارح؟
نجود وهي تلتفت له بضحك: ايوالله انتظر الحلويات بس شكلك نسيت
ضحك وهو يحرك ويمسك الطريق ورد: اعذريني والله ماقدرت جايك مواصل
نجود: افاا اخوي انت شدعوه عادي
ادهم: زين زين
..

في المدينه الجامعيه وصلت بشرى و ابوها لشقتهم ونزلو اغراضهم لانهم بيجلسون اسبوع، دخلو شقتهم ورتبو الاغراض في مكانها و بدات
تفتح كتبها وتذاكر لين لفت لاابوها وقالت: بابا بذاكر الحين لكن اذا حسيت انك مليت علمني عشان اسولف معك
باس ابوها راسها وقال: ياعيوني انتي مايحتاج ذاكري وانا بسمعك هذي لحالها تسليه
بشرى: بس بابا انا اعرفك طول اليوم يصير عندك ضيوف ومتعود على الانشغال يعني..
قاطعها ابوها بحاجب مرفوع: شفيك انا اصلاً باخذ الاسبوع ذا اجازه واعيش بهدوئ
ضحكت بشرى ورجعت تذاكر بينما ابوها قعد يستكشف الشقه من الى..