خدك الغيم و عيونك سما رحبه

١١

فوت و كومنت جميلاً يشبهانك🍯💗

..

<<القاعده العسكريه>>

في مكتب الرقيب ادهم بن عبدالرحمن، كان يوقع على الاوراق قدامه ويختم لين سمع طرق الباب رد: ادخل
انفتح الباب ودخل العسكري الي طلب رخصه منه امس وتقدم يحط الاوراق على المكتب وقال: سيدي تقرير الطبي الخاص في ابوي واحتاج رخصه
مسك ادهم الاوراق وناظرهم بتمعن ثم فتح الملف جنبه وقال: اسمك؟
العسكري: سعود بن ناصر آل...
هز ادهم راسه وقال: تمام كتبت لك رخصه تقدر تتفضل
دق تحيه وخرج بينما بقى ادهم يكمل توقيع حتى رن جواله ناظرهه بطفش من مقاطعة شغله وشاف رقم ياسر فتح الاتصال ورد: نعم!
ياسر بمررح: ورراك يالنفسيه رد زين اقول
ادهم بصبر: شعندك؟؟
ياسر: يعع المهم أختك نجود تقول بروح لصديقتي وش اسوي بها؟
دعك ادهم عيونه وقال: شف ابوي اذا سمح ودها هذا انت لاشغل و لا مشغله
كان ياسر بيرد بس قفل ادهم الجوال بكبره و كمل شغله لجل يطلع من الدوام قبل الفجر..

<<بيت أبو سلمان>>

كانت نجود تجهز شنطتها عشان بتروح بكره لبشرى بعدما ادمعت كم دمعه على ابوها لين وافق و هي شوي وتطير من الفرحه حطت كل الي تحتاجه وسكرت الشنطه وفتحت جوالها تراسل بشرى تقوله عن الجيه
^بشوووووره^
دقايق حتى جاها الرد ^لبيييه نجوودي^
ضحكت وقالت ^عندي لك مفاجأه حززري؟^
بشرى ^خيرر انشاءالله شعندك؟؟^
ارسلت نجود فيسات حب وقلوب و نوافير
وقالت ^بجييييك بكرررهه^
ارسلت بشرى الفيس المصدوم وقالت ^كذاابه!!^
انهارت ضحك نجود ودقت عليها وردت بسررعه تصيحح :نجوووودوووه
قالت نجود: ورربيي بسير عليك بكرهه
بشرى وهي شوي وتدخل الجوال: لاتكذبين كيففف؟؟ شلون اقنعتيهم
ردت نجود: موب صعبه علي هه انا بنت عبدالرحمن
كشرت بشرى وقالت: ياشينك اقول عااد طسيي
نجوود: جهزي لي بس ذاك الحلا الزين و القهوه البشوريه الحلووه
ضحكن سوا و كملن علومهن والمواعيد والوقت و بعده قفلن...

<<ديره ثانيه بيت ابو جمال>>

كانت بشرى مع شروق و اخوانها في جلسة الحوش بعد ماانهت مكالمتها مع نجود جلست معهم و كان متعب يحرك حطب النار و شروق تصب شاهي جلست بشرى جنب جمال وقالت: وانت ياحلوو بتسمعني صوتك والا كيف؟؟
شروق: اييي ياخي من زماان عنك صوتتك احسه يدفيني بالشتاء
شمق متعب لها: يعني ماادفي انا؟؟
مدحته شروق عشان لايفصل عليهم و يمدح نفسه يبلشون فيه: يووه عاد انت متعب بس اناظر فيك احسك كذا داافي مرره و اذا ابتسمت بعد احس كانك تدفينا باابتسامتك
جمال و بشرى ماسكين الضحه و متعب ناظرها بتكشيره و كمل يصب شاهي وقالت بشرى: خلو عنكم بس سمعنناا ياحلووو
تكئ جمال على المركى و بدأ يغني:
"مادريت ان رحلت ايامي محطتها القريبه تبتدي بااخر وطنكم كم كنت اتمنى اطق بابه، جيت و ضلوعي دهر و القلب وعروقه جديبه، ساقك الأمر الإلاهي و امطرتك اكرم سحابه.. ساقك الأمر الإلاهي و امطرتك اكرم سحابه ، مااخذتي مهجة فراقي بسطوتك الرهيبه، ماقدرت امد كفه و لاقدرت ارد اجابه"
صاحت شرورق: ياربييييي ع الصوت و الكلمات و التلحيننن ياربييي
صفقت بشرى: وربييي فنان يافنااان انت بس ابي اعرف هالصوت منين جبته مااخبر احد صوته حلوو بالغناء
غمز جمال وقال: جبته من البابا
شروق بتعجب: صبر صبر ندري ان بابا صوته حلوو وسمعنا ترتيله للقران يمووت لكن ماعمره غنى
أيدتها بشرى: صدق بابا ماعمره غنى
ضحك متعب وقال: اسمعن
وعدل جلسته : مرره لما رجعنا انا و جمال من السهره دخلنا البيت و كنا بنكمل طريق للغرفه بس سمعنا صوت البابا وهو يغني و قلنا مستحيل لانه ماعمره غنى بس كان يرتل القران المهم امي كانت تسرح شعرها و هو يناظر والله ياعليه صووت اخس ياجمال ماتاصل ربع صوته
جمال: حلفت ذيك اللحضه مافيه صوت يقدر ينافس صوت الوالد
ناظر متعب ببشرى و شروق و كانو ساكتين يناظرونهم قال: شفيكم؟
بشرى بغيض: يالي ماتستحووون تتسمعون لهم
شروق: عيب انت ويااه
جمال: لو انكم سمعتو صوته وقتها كان ماحركتو ساكن ابد
متعب وهو يحاول يقلد ابوه: الوكاد اني بشطت الكحل غنيب لبحرها
طقته شروق: اسكتتت صوتك مززعج يعع
متعب: تراك حشرتيني انتي روحي مناك
قالت بشرى: طيب وش غنى؟
فز متعب وهو يأشر على جمال: سمعهن سمعهن علي الحرام ان ماتاصل التلحين ولا صوت بس شيء افضل من لا شيء
جمال بهياط: ارفع علومك ياولد واحترم اخوك الكبير
قلبت بشرى عيونها وقالت: بتسمعنا والا شلون؟
جمال: الا هه اسمعو احممم
" جادل كل الدروب المشبعه تنبت بثرها جت تبي جرح و قصيد و خلت الثنتينِ ليا من نشدها كالوساع الخرس عن دنيا حورها وش جمع سحر الغموض بسودها والنرجسيه الوكاد اني بشطت الكحل غنيت لبحرها مااحلى هوسة هدبها و المساء و السامريه من يعلم مستريح الريح عن فوضى شعرها الحرير الي كساها كالمتون العسجديه علموها ان مازح الغره و نشد عن قمرها لايخاف ان شاف له ظلما و شاف الشمس حيه لا يخاف ان شاف له ظلما و شاف الشمس حييييه"
ناظرته شروق بصمت و قالت بشرى: كمل
جمال: بس كذا
شروق: كمل انشاءالله بعد ذا الاغنيه تكيت تتفرج بعد؟؟
شرق متعب بالشاهي وقال: اهجدي بس فحطنا للغرفه على طول
انسدحت بشرى وحطت راسها على مركى متعب و راسها على راسه و جت شروق و انسدحت بينهم وقالت: خل عنك هذا و اقراء علينا خل ننام
غمضو عيونهم ينتظرونه يقراء تنهد و بدأ يسمعهم سور من القران حتى غلبهم النوم فعلاً ونامو، كشر بتعب وقال: والله البلشه هذول كيف بشيلهم
و مسك كاسة الشاهي و شرب منها يراقب النار قدامه..