7

499 2 0

by angle440494

by angle440494

Unicode
......................

''ဇေး........''

ဇေးအနောက်ကိုလှည့်မကြည့်ပေ။လူနည်းနည်းရှင်းတဲ့ နေရာရောက်မှ ဇေးရပ်လိုက်ကာ အနောက်လှည့်ကြည့်လိုက်သည်။

ဇေးခံစားချက်တွေကို ထိန်းထားလိုက်သည်။မောင်က ဇေးအနားရောက်လာပြီး ဇေးအားပြုံးကာကြည့်နေသည်။

''ဘာကိစ္စလည်း မင်းအရိပ်......''

ဇေးက နာမည်ခေါ်လိုက်တာကြောင့် မင်းအရိပ်အလိုမကျဖြစ်ကာ မျက်ခုံးတစ်ဖက်ပင့်လိုက်သည်။

''ဘာ.....မင်းအရိပ်.....မောင်လို့မခေါ်တော့ဘူးလား.....''

ဇေးမျက်စောင်းထိုးလိုက်သည်။ဒီလိုအချိန်မှာ မောင်လို့ ခေါ်နေရမှာလား။ဖြစ်နိုင်ရင် နားရင်းဆယ်ချက်လောက် အုပ်ချင်နေတာ။

''ကိစ္စမရှိရင် ငါသွားပြီး.......''

ဇေးလည်း လှည့်ထွက်လိုက်သည်။
ဇေးခြေတစ်လှမ်းအစမှာပင် မောင်က အနောက်ကနေ သိုင်းဖက်လာသည်။ဇေးပတ်ဝန်းကျင်ကို ကြည့်လိုက်သည်။တော်သေးတယ် လူရှင်းနေလို့။

''မင်းဘာလုပ်တာလဲ....သူများတွေမြင်ကုန်မယ်...လွတ်စမ်း.....''

''ဘယ်သူမှမမြင်ပါဘူး...မြင်လည်းကိစ္စမရှိဘူး...''

ဇေးသက်ပြင်းချလိုက်သည်။တဇွတ်ထိုး အရမ်းလုပ်တာပဲ ။

''ခဏက ဘာဖြစ်လို့ ရုတ်တရက်ကြီး ထသွားရတာလဲ.....''

''ငါးစားပြီးလို့ ထသွားတာလေ....''

''အဲ့လိုဆိုလည်း လမ်းကိုကြည့်မှပေါ့.....''

''သြော်....မင်းငါ့နောက်လိုက်လာတာ ဒါပြောဖို့ပဲလား....''

''ကျန်သေးတယ်.... ခဏကကောင်နဲ့ ဝေးဝေးနေ....မောင်သူ့အကြည့်တွေကိုမကြိုက်ဘူး.....''

''ဘယ်ကကောင်လဲ....ဘာတွေလာပြောနေတာလဲ.....''

''ခဏက ဝင်တိုက်တဲ့ကောင်လေ.....''

''သူက the whole kingကြီးလေ....ဘယ်လိုမပတ်သက်ပဲနေလို့ရမလဲ....ပြီးတော့ အရပ်ကလည်းအမြင့်ကြီး ရုပ်ကလည်းချော.......အွန်း....''

ဇေးစကားမဆုံးခင် မင်းအရိပ်က ဇေးပါးစပ်အား လက်ဖြင့်အုပ်လိုက်သည်။