နေ့အလင်းရောင်ကွယ်ပျောက်သွားပြီးနောက် တမာတန်းရွာကလေးထဲ၌ မီးရောင်စုံကဟိုတစ်စွန်းဒီတစ်စ။မီးစက်သံအချို့နှင့်အတူ လျှပ်စစ်မီးရောင်က ဟိုတစ်စုဒီတစ်စု။အချို့အိမ်များ၌ ဖယောင်းတိုင်အလင်းရောင်တို့က ထရံကြားမှာ ပြောက်တိပြောက်ကြား။ရွာအရှေ့ထိပ်သူကြီးအိမ်၌ လေထုကထူးဆန်းစွာ တိတ်တိတ်ဆိတ်ဆိတ်။
"အဟမ်း"
အပေါ်ထပ်မှဆင်းလာကာ ဟိုသည်ကြည့်ရင်း
ဋီကာချောင်းဟမ့်မိတော့ ဦးချစ်ကိုကပေစောင်းစောင်းကြည့်လာလေသည်။ပြီးနောက်မျက်နှာပြန်လွှဲသွား၏။ဋီကာနည်းနည်းနေရခက်သွားသည်မှာထူးထူးဆန်းဆန်း။
ညနေက အမေ့ခံလေးတစ်သိုက် ညနေစောင်းမှ ထိပ်တုံးမှလွတ်လေသည်။ထို့နောက် ဟိုသုံးယောက်ကကိုယ်စီအိမ်ပြန်သွားကြပြီး ဋီကာလည်းအနောက်ချောင်းသို့ ရေချိုးထွက်ခဲ့လေသည်။
ပြီးနောက် ကိုကျွဲထန်းတောသို့မဝင်ဘဲ အိမ်သို့သာတန်းပြန်လာခြင်း။မတွေ့ရတာကြာပြီဖြစ်သော မိခင်အားစိတ်မပူစေရန်အတွက်ဖြစ်သည်။အင်းဟုတ်တယ် အဲ့အတိုင်းပဲ ဆင်ခြေပေးတာမဟုတ်ဘူး ။
ငပွေးတို့လာလည်မည်ဆိုသည်ကိုလည်း ငြင်းထားလိုက်သေးသည်။အလကားဟိုတစ်ယောက်ကိုမြင်ဖူးချင်နေတာ။အလာမခံနိုင်ပါဘူး အမေကခရီးပန်းလာတာ စောစောအိပ်ရမယ် ။ဟုတ်တယ် အဲ့တာကြောင့် ။ဒါလည်းဆင်ခြေပေးတာမဟုတ်ဘူး အမှန်တွေပြောနေတာ။
အိမ်ပြန်ရောက်တော့ ဝတ်နေကျပုဆိုးတွေအား စိတ်တိုင်းမကျ။ဟိုမြို့သားက သားသားနားနားဝတ်ထားချိန်မှာ သူကပေတိပေစုတ်နေစရာလား။သူက သူကြီးသားလေ ဟုတ်တယ် လူအထင်ကြီးအောင်နေရမှာပေါ့။အဖေ့ဂုဏ်သိက္ခာကိုထိန်းပေးရမယ်လေ။ထို့နောက် အလှူရှိမှဝတ်လေ့ရှိသော ပုဆိုးမိုးပြာရောင်အား ခြေမျက်စိထိရှည်အောင် ဝတ်လိုက်သည်။
ပြီးနောက် သိပ်မဝတ်ဖြစ်သော နက်ပြာရောင်ရှပ်အားဝတ်ကြည့်မိသည်။မဟုတ်သေးပါဘူး အသားကညိုပါတယ်ဆို ညအမှောင်မှာမှောင်နေမှာပေါ့။အဖြူလေးပဲကောင်းပါတယ်။သပ်ရပ်တာပေါ့။ထို့နောက်ယောင်ရမ်းကာ ခေါင်းဖြီးမိမှ ဆံပင်ကလက်တစ်ဆစ်လောက်သာရှိမှန်းသတိရမိသည်။သေပါပြီ ဒီဆံပင်ကေနဲ့တော့ အနေခက်တော့မှာပဲ ။
YOU ARE READING
သူကြီးသားကဆိုးလိုက်တာ(Complete )
Romanceတစ်ချို့လူတွေက ချစ်တဲ့သူပျော်ရွှင်ဖို့ဆိုတဲ့ အကြောင်းပြချက်နဲ့ ချစ်သူကိုစွန့်လွှတ်တတ်ကြတယ်တဲ့ ကျွန်တော်ကတော့ ချစ်ရတဲ့အစ်ကို့ကိုပျော်ရွှင်အောင်ထားနိုင်ဖို့ ပိုင်ဆိုင်ရမှကိုဖြစ်မှာပါ #ဘုန်းဋီကာမောင် ကိုယ်အမြဲပြုံးနေဖို့ဆိုရင် မင်းအမြဲပျော်နေဖို့ပဲ လိ...
