"ဘာလာလုပ်တာတုန်း"
"လာမှတော့ ကိစ္စရှိလို့ပေါ့"
"ငါမအားဘူး"
"မင်း မညစ်ပတ်နဲ့"
"နေစမ်းပါအုံးငဘုန်းရာ မင်းမလဲ အကူညီတောင်းဖို့လာလို့သာပဲ"
"မကူညီနိုင်ဘူး"
"ရွှေကျီး"
"မင်းဘယ်လိုဖြစ်နေတာတုန်းငဘုန်း"
သူကြီးသားနှင့်ရွှေကျီးကြား ငထွေးခေါင်းကိုက်နေရပြီ။သူကိုကလျှာရှည်ပြီး လိုက်လာမိတာ။ဒီနေ့ကြီးမြက ကိုသဝဏ်ကိုခေါ်ထုတ်သွားသည်။ငပွေးကအဖေနှင့်ယာထဲလိုက်သွားပြီး စာကလေးကသံချောင်းတို့နှင့် ချောင်းထဲလိုက်သွားသည်။
ဤသို့ဖြင့် အလုပ်မရှိသော သူကြီးသားကသူ့အားဆွဲခေါ်လာကာ တောင်ရွာသို့ထွက်လာခြင်း။တွေ့ချင်သူကိုတွေ့တော့လည်း စကားအပြောကမတတ်။ဟိုကလည်း အရင်တုန်းကရန်ငြိုးနဲ့ သိပ်မကြည်။အဲ့တုန်းကလည်း ဘာမပြောညာမပြောနဲ့ သူကအရင်ဆွဲထိုးတာ။
"ကဲပါရွှေကျီးရယ် သူ့စကားကိုဗွေမယူပါနဲ့ကွာ ရွာနီးချင်းတွေပဲဟာ ပြီးတော့ဒီကိစ္စကမင်းပဲကူညီနိုင်မှာမလို့ပါ"
"ငါသူ့ကိုမကျေနပ်သေးဘူး"
"ငါကလည်းမေးချင်နေတာ အဲ့ဒီတုန်းကမင်းငါ့ကိုအရင်ထိုးတာ ငါကဘာလုပ်ထားလို့တုန်း"
"မင်းလုပ်ထားတာမင်းသိလေ"
"ငါမသိလို့မေးနေတာလေ"
"မင်း "
ရွှေကျီးကပြောမထွက်သလို စကားကိုခဏရပ်သည်။
"မင်းလှိုင်ဦးရှေ့ ပုဆိုးလှန်ပြီးအပေါ့သွားတယ်လေ"
"ဘာ"
ငဘုန်း ရုတ်တရတ်ကြောင်တောင်တောင်ဖြစ်သွားလေသည်။
"ငါပြောနေတာ အခုငါယူထားတဲ့ငါ့ယောကျ်ားရှေ့ မင်းပုဆိုးလှန်တယ်လို့ "
"ဟုတ်လို့လား"
"မင်း မူးရူးနေပြီးတော့ အခုမှမသိသလိုလာလုပ်မနေနဲ့"
"ဟ သေးပေါက်တာ ပုဆိုးမလှန်လို့ ဘယ်လိုပေါက်ရမှာလဲ"
"မင်းနေ့ခင်းကြောင်တောင် လမ်းလယ်ခေါင်ကြီးလှန်တာလည်း ထည့်ပြောအုံးလေ"
YOU ARE READING
သူကြီးသားကဆိုးလိုက်တာ(Complete )
Romanceတစ်ချို့လူတွေက ချစ်တဲ့သူပျော်ရွှင်ဖို့ဆိုတဲ့ အကြောင်းပြချက်နဲ့ ချစ်သူကိုစွန့်လွှတ်တတ်ကြတယ်တဲ့ ကျွန်တော်ကတော့ ချစ်ရတဲ့အစ်ကို့ကိုပျော်ရွှင်အောင်ထားနိုင်ဖို့ ပိုင်ဆိုင်ရမှကိုဖြစ်မှာပါ #ဘုန်းဋီကာမောင် ကိုယ်အမြဲပြုံးနေဖို့ဆိုရင် မင်းအမြဲပျော်နေဖို့ပဲ လိ...
