နေကျချိန်ဖြစ်သောကြောင့် အပူချိန်မှာသိပ်မပြင်းတော့။ဘုရားရိပ်မို့ ပို၍အေးချမ်းနေခြင်းဖြစ်နိုင်သည်။ဆည်းလည်းသံတစ်ချွင်ချွင် နှင့် တောပန်းရနံ့ခပ်သင်းသင်းက လေပြည်၏ ဆော့ကစားမှုကြား ရွှင်မြူးနေသည့်အလား။
သဝဏ်၏ ကြောက်စိတ်တို့ အနည်းငယ်တော့ပြေလျော့လာသလိုပင်။
ဟုတ်သည် ယခုရွာဦးကျောင်းနောက်ဘက် ရှေးဟောင်းဘုရားများကြားရောက်နေခြင်း။ဖြစ်ပုံကတော့ ကြီးကြီးမြတို့ပြန်မလာခင် လူဆိုး၏ခေါ်ဆောင်မှုဖြင့် ရွာဦးကျောင်းသို့လိုက်ခဲ့ရသည်။အမေးမမည်သော "ရွာဦးကျောင်းလိုက်ပို့မယ် သွားမှာမလား"ဟူသောစကားအဆုံး ကြောက်ကြောက်နှင့်လိုက်ခဲ့ရခြင်း။ ငါးယောက်လုံးသွားကြရာတွင် သူကသဝဏ့်ဘေးနားကပ်လျှောက်နေပြီး ဟိုသုံးယောက်က နောက်ကလိုက်လာသည်။
ဘာစကားမှမပြောဖြစ်ကြပေမယ့် ကြောက်စိတ်ကြောင့် ရင်တထိတ်ထိတ်။ရွာအပြင်ဘက် လူရိပ်လည်းမမြင်ရ ။မတော်လို့များ လက်သီးနဲ့ထိုးရင်တောင် တစ်ချက်ထိုးရုံနဲ့ ခွေကနဲလဲမယ့် ခန္တာကိုယ်မို့။ရန်မဖြစ်ဖူးသူမို့ အသားနာမှာတော့ကြောက်ပါသည်။ထို့ကြောင့် ဘာပြောပြော တိတ်တိတ်လေးနေနေဖို့လည်း တွေးထားပြီးသား။
သို့သော် ဘုရားပေါ်မို့လားမသိ။ဘာမှလည်းမပြောလာသလို အရိပ်တကြည့်ကြည့်လည်းရှိသလိုပဲ။သူဘုရားရှိခိုးလျှင် ငြိမ်ငြိမ်လေးရပ်စောင့်ပေးတတ်သလို သူသွားချင်သည့်နေရာသို့လည်း စိတ်ရှည်လက်ရှည်လိုက်ပို့တတ်သေးသည်။ထို့ကြောင့် ယခုအချိန်တွင်စိတ်လက်ပေါ့ပါးကာ သိပ်မကြောက်တော့ခြင်းပင်။
"ဥဥ"
သူ့ခေါ်သံနောက် မော့ကြည့်လာသည်မှာ အူတူတူလေး
"အစ်ကို့ကိုခေါ်နေတာ"
"ဟမ် အဲ့တာကိုယ့်နံမည်မှမဟုတ်တာ"
"ဘာလို့မဟုတ်ရမှာလဲ အစ်ကို့ငယ်နံမည်က ပိုးဥဆိုတာ ကျွန်တော်သိပြီးသား"
"မဟုတ်ပါဘူးနော် ငါ့နံမည်ရှိပြီးသား အဲ့လိုခေါ်လို့မရဘူး"
အံမယ် ရန်တွေ့တတ်တယ်ဗျား။နေ့လည်ကနဲ့တခြားဆီ။သူပေးတဲ့နံမည်ကို တော်တော်မကြိုက်တဲ့ပုံပဲ။ဒါပေမယ့် သူကလဲအဲ့လိုပဲ ခေါ်ချင်နေတာကခက်တယ်။
YOU ARE READING
သူကြီးသားကဆိုးလိုက်တာ(Complete )
Romanceတစ်ချို့လူတွေက ချစ်တဲ့သူပျော်ရွှင်ဖို့ဆိုတဲ့ အကြောင်းပြချက်နဲ့ ချစ်သူကိုစွန့်လွှတ်တတ်ကြတယ်တဲ့ ကျွန်တော်ကတော့ ချစ်ရတဲ့အစ်ကို့ကိုပျော်ရွှင်အောင်ထားနိုင်ဖို့ ပိုင်ဆိုင်ရမှကိုဖြစ်မှာပါ #ဘုန်းဋီကာမောင် ကိုယ်အမြဲပြုံးနေဖို့ဆိုရင် မင်းအမြဲပျော်နေဖို့ပဲ လိ...
