Ups! Ten obraz nie jest zgodny z naszymi wytycznymi. Aby kontynuować, spróbuj go usunąć lub użyć innego.
حبايبي مهم جدا اصوتون على النجمه وتتركون تعليق حلو مثل أرواحكم الطيبه
اتمنالك وقت ممتع مع البارت السابع وما آلت عليه ضروف رافع
انكسار الياسمين
الكاتبه امل مهدي
البارت السابع
**********
انا المبيوك انا المامش
انا البس اسمه بشر عايش
انا الثكلت عليه روحه
وانا الكل تايها وكل عابره تلوحه
**********
ابتسام _
دك الجرص كرار..فتحت الباب بنيه
كرار _ جبتلكم ضيفه
ازهار _ اهلا وسهلا
كرار _ اقدملج خاله ام رافع جايه وجايبه ريحة العراق وياها
ابتسام _ كلنه ضحكنه
شلونج ازهار....
_ هله خاله تفضلي يا هله ومرحبه
ابتسام _ وبيج اكثر بنيتي
كرار _ سحب الجنطه ودخلها
ما وصيج ازهار اريد اشيليها بالصلوات يله اني اروح
ابتسام _ يوم كرار
كرار _ امريني خالتي
ابتسام _ ما يأمر عليك ظالم وليدي
باجر لا تتأخر عليه
_ من الصبح اني يمج خاله
حجه وهو يباوعلي وعينه دمعت
اتأكدي ما اعوفكم الا تخلصون وبيدي اصعدكم الطياره
لا تخافين خالتي انتي بنص العراقين كل احنه ولدج
ابتسام _ الله يحرسك
ازهار _ تعالي خاله بهاي الغرفه ارتاحي اسبحي بدلي اني بالمطبخ
بس تجي رغد اصيحلج نتعشه
ابتسام _ دخلت وهيه جابتلي الجنطه
الحمد لله اطمنت على رافع من خابرته
سبحت وبدلت ملابسي تعبانه
والتعب البراسي اكبر من تعب جسمي
توضيت وكعدت اصلي مال الظهر والعصر قضاء
دعيت وبجيت وتوسلت بكلب خايف وخاشع ربي لا تخذلني تعنيت للبلاد الغريبه الخاطره اخذ عافيتي
وحيلي ونطيهيا بس كون يكوم على حيله واشوفه يمشي على رجليه
بيدي القرآن وحسيت وحده وكفت
قريبه عليه
رفعت راسي لكيت ازهار واكفه ودموعه نزلت
_ اسم الله حبيبتي ليش تبجين
ازهار _ ذكرتيني بامي هم هيج حنينه وطيبه ودوم جانت تدعيلي
ابتسام _ لعد وينها هسه
ازهار _ السنه الفاتت ماتت واني ما شفتها ولا حتى ودعتها
غطت وجها بايدها تمسح دموعها
ابتسام _ الله يرحمها ويصبرج حبيبتي صدكي هسه هيه تحس بيج وتفرحلج
ازهار _ دنكت مايده كلامها
يله خاله كومي نتعشه واعرفج على صديقتي رغد توها اجتي
