انكسار الياسمين

البارت السابع والثلاثين

انكسار الياسمين
بقلم الكاتبه امل مهدي
البارت السابع والثلاثين
___________________
كلولها ادور غصن توكف عليه
للخريف انطيته غصن الشالها

ارضت بدمعه كلت عصت هواي
ابمهرت احساسي عثر خيالها

____________________

سيدعلي _

كان شكي بمحله الوصللهم المبايل زينب وستبرق
وبما انو التصوير من الخلف يعني ما عرفوهن

اول مره اكتشف اني جنت عايش ويه شيطانه مو انسانه
اشلون خلصت كل هاي السنين وياها ما ادري...
حياتي كلها مافد يوم رفضتلها طلب فلوس لبس ذهب كلشي
قبل ما تطلبه يجيها
طلعت بوجهي للنجف دخلت الظهريه بيت عمي باقر
دگيت الباب.... فتحته آمنه...

_ علييي وحضنتني.... سلم...شنو هلمفاجأه
اشلونك

_ تحت رحمة الله... مهيمن هنا

_ اي ادخل هو وعمي بالهول

تلكاني مهيمن وعمي وجهم ثگيل

مهيمن نسخه من عمي مادي يگتل نفسه على الفلوس ولهذا هو هم داعه بحصة آمنه بعد وفاة ابويه بس آمنه كلتله اذا آخذها اشتري بيها بيت وفعلا اشترت بيت بنفس الشارع مال عمي باقر
اما آلاء سلمتهن بيد مصطفى يشتغل بيهن فاهيه وفقيره واجمل خواتي
تحب مصطفى وهو هم يحبها ما يطيق البيت إذا هيه ما موجوده
بي... بس هو ما يستاهلها حياته عباره عن علاقات ونسوان واخر شي تورط ويه وحده وضطر يزوجها ويأجرلها بيت ويوصلها بالأسبوع يوم
أخبارهم كلها يمي وهمه يصورون اني بعيد ما ادري بكلشي

سيد باقر _ خير شكو جاي

سيدعلي _ صيحلي زينب عندي حجي وياها

مهيمن _ انته مو ازوجت شعندك جاي بعد

سيد باقر _ كل ضني جاي يصلح الأمر.... صحتها

زينب _ تباوعلي بزعل ..... اشلونك ابو ليث

سيدعلي _ كلهم اصورو جاي اصالحها لان يعرفون امي مريضه
طلعت الجزدان وشمرته گدامها

زينب _ تفاجأت منين جابه.... شنو هذا

سيدعلي _ ماتوقعت الحقد يخليج تفضحيني وتسلمين رگبتي بيد
ولد الشوارع هذا الجزدان البي الموبايل
ولتفتت على عمي من سالتك تهجمت عليه ومشيت ورى
بناتك... عديت الأولى بس هاي مستحيل اعديها

سيد باقر _ على كيفك تعال اكعد استريح وانه افهمك

سيدعلي _ شتفهمني ... تدري الموبايل بي صور وهددوني عصابه لو
انطي عشرملايين لو عرضي ينشر بكل المواقع

زينب _ اني معليه استبرق أخذته.... نطته للمجديه

سيدعلي _ ابتسمت بوجها بستهزاء..... زينب انتي طالق

زينب _..............!!!!!! لطمت على راسي... طلگتني

سيد باقر _ شنو انته ماتحتر م تطلگ بنتي گدامي هاي جزاتها
فوگ ما سكتنالك تاخذ عليها اني صوجي الانطيتها
الواحد مسربت محسوب علينه من هاي اللحظه انه
متبري منك الحگ امك
سيدعلي _ هواي غلط سكتت بس من حجه على امي انهديت بي
امي مو علويه بس أشرف أكبر سيد واني ابن سيد
حسين مو انته التحكم عليه.... واذا انته رضيت البناتك
بالسونه ابنت الناس ونكشفن علغريب اني ما ينكشف
عرضي بالسوگ
ويصير فرجه للرايح والجاي
واذا على زواجي فما سويت اكثر من السوى مصطفى
صار صياح ومرادد وغلط عليه وسبني واني ارده بس بدون
غلط
آمنه _عزه بعينج آلاء مصطفى مزوج