Ups! Ten obraz nie jest zgodny z naszymi wytycznymi. Aby kontynuować, spróbuj go usunąć lub użyć innego.
انكسار الياسمين
بقلم امل مهدي البارت السادس عشر *************** انا الشمس هاي مرات اعتقد ماعدهه عفه من تطلع عليج اتصفن الناس هوه الترف ينضم انتي ترفه ***************
ياسمين _تفاجأت
ما كان أبالي يطلع ولا حاسبتله اصلا ولا أريد اذكره ماكو بگلبي اي شعور غير الكره اختنگت تخيلته يرجع مثل قبل ما ينسجن....
ظليت متفاجأه وساكته حتى شكله متغير وسمنان
محمد _ اشلونج ياسمين ياسمين _.....!!! _ هذا اكيد علاوي ودنگ عليه وشالله يبوس بي تعال حبيبي اني بابا
بجه علاوي مستغرب... رجع باوعلي.... حقج تتفاجأين اني ما ردت احد يدري ردت افاجاكم يبا وعلى مركز كانه اول مره يشوفني طلعت إيمان..... صاحت _ محمددددد ياعيوني ركضت عليه وحضنته حبيبي الحمد لله على سلامتك غير اتگول تحجي حتى نتلگاك
ياسمين _شلون يربي راح ارجع مثل قبل لو اعرف ليش رافع ما قبل اطلك منه وهو بالسجن جان ارتاحيت
محمد _ دخلتني إيمان للهول رافع يتغده الصينيه گدامه
اشلونك ابو حسن انشالله زين ومديت أيدي اصافحه
رافع _ تفاجأت بي.... من شفته گدامي اكلني بالسلام يصور هاي الثلاث سنوات الانسجن بيه كفرت اخطائه بحق ياسمين
تجاهلت ايده مستحيل احط أيدي بايده لو ينگلب ملاك.... گلتها قبل وهسه هم اگولها ورجعت اكمل الاكل كأنه ما شفته
محمد _ رجعت أيدي ودنگت راسي... بفشله حقك وادري ما مسامحني على راحتك بس والله تندمت وتغيرت اني مو ذاك محمد طلعت من السجن غير شكل ندمان واني مطلوبلك اعتذار عن كل الاذ يه السببته الك
رافع _ رجعت أكل مجاهل وجوده بس من اعتذر جان لازم ارده
اذا اتغيرت النفسك اني بالنسبه الي اعتذارك ا مرفوض وجوه نعالي ما اسامحك العمر كله اذا صدك تغيرت اثبت لأمك وللناس انته تغيرت وشيل حملهم
