سلام عليكم
لاتنسون تصويت البارت
وكتابه كومنت جميل مثلكم
.
.
.
.
همست وكلتلي .. تره سوزان أتاجر بالبنات
" شنو يعني أتاجر بالبنات ؟ "
شفتهن صفنن عليه ردت نسرين بعدم تصديق
" عود صدك متعرفين شنو يعني ؟"
هزيت راسي ورديت " والله ماعرف "
جاوبت سمر
" أشكال الاستغلال الجنسي، العمل الجبري، الاتجار بالبشر بغرض نزع الأعضاء أو التسول القسري، أي صورة للعمل الجبري وأي صورة للعمل تحت التهديد أو العمل الي يصير بيه استغلال ضعف الشخص "
" مفهمت وضحي "
زفرت نفس نسرين وكالت بملل
" بالمختصر هي متحبج ولا مهتمه الج وكل ها نظراتها وتعاملها وياج مجرد تريدج تثقين بيها حتى تمشي خطتها "
انصدمت صدمه حياتي حجيت بخوف
" زز زين انتن هم ؟"
هزن راسهن بأي
" ليش متشردن يعني ؟"
ضحكت نسرين باستهزاء
" وين نشرد حبيبتي وين مترحين تلكين رجالها وراج شنسوي راضين بامر الواقع ربنا يحلها "
تنهدت سمر بضيق وكالت
" اني عشت هنا سنتين الوحيده الي ضليت هنا ليش وشنو سبب ماعرف ، جانن يجن بنات ايه من الجمال وره اسبوع اسبوعين يختفون قبل لاتجين بهيج كم اسبوع جابت قمر وجمانه وساره ثلاثتهم سوه ، بوقتها جانت نسرين قبلهن جايه استغربت بجيتهم ثلاثتهم ، لان هي متجيب اكثر من وحده بس هلمره ثلاثه ، والمشكله الاكبر ان ليهسى مختفوا وحتى نسرين صارلها شهر اهنا وماكو شي ، وبعدين اجيتي انت وهسا عرفت شنو سبب ، كلما انطت بنات اكثر كلما حصلت اضعاف السعر "
الخوف والرعب وتوتر كلشي صار بيه احس نفسي اختنكت اني وين ليش سمعت كلامها المشكله ان اني ممتعلمه ان اذا شخص غريب كللنا تعال ويانا منروح وياه محد علمني هل شي خطأ ، كبرت واني اعلم نفسي بنفسي بس مو كلشي اعرف ، اني حياتي متقوقعه ممطلعه على العالم
" زين عفيه هسا شنو شنسوي عليجن الله ماريد اموت اني والله ماشفت شي من حياتي شنو ذنبي " اتهسترت بالبجي تقربت سمر مني تحضني وتحاول تهديني
أنت تقرأ
قُتام (الغُبار الأسود)
General Fictionيقال: ارتفع القتامُ، حتى خَفِيَت الأعلام. في هذا اليوم اصبح الكُل غُبار وتاهت الناس بين هذا الغُبار .. قصه باللهجه العراقيه
