قُتام (الغُبار الأسود)

5

سلام عليكم 

شلونكم ؟

لاتنسون تصويت وكومنت جميل

.

.

.

.

مسحت دموعي بعد تنهديه خرجت منه وكال

" تمام تكدرين ترحين ، زينب تعالي اخذيها "

اجتني البنيه اخذتي ورحت لزنزانه ، شفت نسرين و قُتام كاعدات ينتظراني بس هنا وبقيه ماكو 

سئلت باستغراب " وين لعد بنات ؟"

ضحكت نسرين بسخريه " اجوي اهلهم سمعو بيهن بالسجن مرضوا واجو ياخذوهم "

كملت قُتام كلامها بسخريه " ولا عبالك جانت عند وحده س**** هسا لمن صاروا بسجن مارضوا " 

" وبقينا بس احنا ؟" رديت بيأس 

هزن راسهن درت وجهي عنهن احبس دموعي 

- يعني معقوله امي ماسمعت شي وماجتني !

..

شفتهن كل وحده دارت وجهه وشايله هم الدنيا على اكتافها

" ولج نسرين شو ماحققوا وياج " سئلت بتساؤل 

ايدت كلامي سمر " صحيح شو مكلي صيحي لنسرين ، زين لحظه بقيه بنات هم حققوا وياهم لو هيج طلعوهم "

ضحكت نسرين وهزت ايدها " طلعوهم بفلوس اما عني كالو والله الضابط تعب يريد يستراح "

رديت بأنزعاج " عفيه ضابط والله فد مكروه ولا حبيته من شفته "

ردت سمر نافيه " لا خوش رجال يحجي بأدب مو مثل هذا الي خذاني بس يفشر "

باوعتلها صفح وكلت " بس وياج خوش رجال باعي شنو سوه بكصتي ركعني كله خرب مو كصه عبالك حجاره "

ضحكنا مستهزئين بالوضعيه ، وكل وحده لفت راسها ونامت ورانا ايام طويله 

كعدت على صوت نسرين وهي تاخذها البنيه حتى تحقق وياها ، وشفت سمر صافنه ومتحجي شي تنهدت ونتجيت على الحايط منتظره مصيرنا 

.....

" نسرين صح ؟ "

هزيت راسي بأي 

" جيد احجيلنا وين اهلج وشلون لكتج سوزان ؟"

" اني ماعندي اهل ماتو واني صغيره بسبب حادث ، عشت عند بيت عمي جانو يعذبون بيه يضربون بيه ، لحدما يوم من ايام وصاني عمي اروح اشتري من اسواق ، واني لكيتها الي حبل نجاة وهربت منهم ، وصادفتني سوزان واخذتني وبس "

هز راسه يعني روحي ، وكفت وبعدين كلت " سيدي بس كللنا شنو مصيرنا احنا ؟"

" شوي ونكللكم " درت وجهي واخذتني البنت ورحت لزنزانه