سلام عليكم
شلونكم
اللهم مصلي على محمد وال بيت محمد
لاتنسون تصويت وكومنت جميل
.
.
.
.
.
امشي بوسط الغابه ودنيا ضلمه واسمع صوت كلاب تركض ورايه ، درت وجهي بتجاهن وشفتهن 3 يركضن وراي ، كمت اركض بكل قوتي واني الهث صوت كلاب قوي ودنيا ضلمه والاشواك دخلت برجليه ، وقفني صوت شخص يكولي
" تعاي انطيني ايدج "
درت وجهي بأتجاهه ودا اريد اشوف منو بس ماكدر بسبب ظلام ، كمت اتحسس المكان حتى الزم ايده ، واله كلب يطفر عليه
فزيت مرعوبه ونسرين وسمر داير مدايري ، سئلتني سمر بخوف
" شبيج قُتام كوليلي صاير شي وياج ؟ صارلج ساعه تهلوسين "
افرك بصدري احس بخنكه مو طبيعيه اجت نسرين قدمتلي ماي شربته وزفرت نفس وسولفتلهن ، صفنن بوجهي وكالت نسرين
" يمعوده تلكيه كابوس " وتباوع لسمر بأنو تجاهل الوضعيه بس هيهات اني اتجاهل
ردت سمر محاوله تسد الموضوع " ها اي كابوس كلنا نحلم بكوابيس كلش طبيعي "
" بنات دااكللجن 3 كلابب يركضون وراي بس اكو شخصص مكدرت اشوفه مدلي ايد المساعده بس مكدرتت ، عفيه خايفه اني "
كفختني سمر وهي تهديني " اش كافي يله كومي حتى نطلع نتسوك ملابس المدرسه الج "
" اي يله امشي بدلي واني هم حبدل " كالت نسرين وهي تكوم ، هزيت راسي محاوله اتناسه الحلم ورحنا بدلنا ثلاثتنا
جهزنا نفسنا ودنريد نطلع دك جهاز سمر ، باوعتلنا لثواني وفتحته وكانت تكول
" اهلا سيدي ، عفوا علي "
باوعت لنسرين وهي هم تباوع بستغراب ليش داك علينا ، ضلينا مستمعين لسمر
" الحمدلله بخير ،لا شكرا متقصر ، احنا هسا طالعين " وجان نسمع صوت صياح عالي بحيث فزت سمر مصدومه ، سحبت موبايل واسمعه يكول
" وينننن طالعااات انتن صدكك تحجنن بارحه طلعتن من سجن تردننن يصير بيجن شي شنو بعقلجننن "ضل يصيح ويرعد حجيت بهمس
" رايحين نشتري ملابس " احسه سكت فجأه ، كملت كلامي " ملابس للمدرسه يعني الي "
تحمم وكال " يا مدرسه هسا وين اكو مدرسه بهل زلك وين عايشات انتن انطيني سمر "
أنت تقرأ
قُتام (الغُبار الأسود)
General Fictionيقال: ارتفع القتامُ، حتى خَفِيَت الأعلام. في هذا اليوم اصبح الكُل غُبار وتاهت الناس بين هذا الغُبار .. قصه باللهجه العراقيه