سلام عليكم
شلونكم ؟
لاتنسون كومنت وتصويت
.
.
.
فتحت عيوني وحسيت ثكل على جسمي درت وجهي شفته حاط راسه بركبتي .. صفنت شويه واستوعبت اني وين ذكرت البارحه شنو صار ومتت من الخجل
..
ودعني البنات وضليت كاعده خايفه شنو اسوي ، بهذا الوقت كون امي وياي اطمني وتنصحني تنهدت بضيق وكمت ابدل ، اسمع صوته يحجي وياهم على العشه
دخلت للحمام نزعت فستاني بالموت ، ومسحت المكياج رتبت نفسي ولبست ثوب نوم فضيحه حرفيا لبست فوكاه روب وعطرت نفسي وسميت بسم الله وطلعت
جان ديرتب بالأكل شافني باوعلي من فوك ليجوه " كلت هسا راح تنام بالحمام " وضحك ، باوعتله بغيض وعفته رحت يم الاكل جوعانه حيل ، دا اريد اكل سمعته عاط خلاني افز
" ادري شنو سالفتج دنتظريني على اقل اكمل وناكل سوه حتى بهاي مفالحه بيها "
هزيت راسي وحجيت سريع " يله استعجل جوعانه "
اسمعه يدردم " جوعانه استغفرالله ياربي شمزوج اني بنيه لو تمساح مال اكل "
هزيت ايدي واكلت شويه اصبر نفسي ماتحمل ، حاولت افكر شنو مواضيع افتحهم وياه حتى انسيه شنو يسوي ، بعد دقايق طلعت من الحمام اجا كبل تربع كبالي وبلش ياكل
ضليت صافنه " حتى ماكلتلي تفضلي "
شرب لبن وكال " عساس انت مقصره مطيره نص الاكل "
خجلني شمدريه هذا اكلت تحممت وبلشت اكل ، اشوفه ياكل بسرعه عبالك سباق واني لكمه وحده اضل اعلس بيها ساعات ، كملنا اكل ومحجينا شي يكول مااحب الكلام بالاكل ، عجبتني هل نقطه بيه
كام غسل وتوضى وكلي " يله تصلين "
هزيت راسي ورحت توضيت وصلينا حبيت هل شي ان بدايتنا صلاة وذكر رب العالمين وتمنيت الله يسعدني وياه وميخذلني ، خلص صلاة وشال سجاده واني لزمت القران احاول اضيع وقت
شفته كاعد على جربايه منتجي ومكتف ايده ورافع حاجبه يباوعلي ، هزيت راسي بمعنى ها ، كال بملل " بطلي هل سوالف حتى تضيعين وقت ومدري شنو وبعدين شنو تردين تختمين قرأن صارلج ساعه "
أنت تقرأ
قُتام (الغُبار الأسود)
General Fictionيقال: ارتفع القتامُ، حتى خَفِيَت الأعلام. في هذا اليوم اصبح الكُل غُبار وتاهت الناس بين هذا الغُبار .. قصه باللهجه العراقيه
