السلام عليكم
اللهم مصلً على محمد وال بيت محمد
لاتنسون كومنت وتصويت
.
.
.
.
كلشي صار بسرعه بسرعه ، شلون وشوكت مادري ! .. اباوع لنفسي بفستان الابيض وصافنه على المرايا معقوله هاي اني قُتام ؟ اني الي شردت من امي ؟ اني الي اخذتني وحده من عصابات ؟ اني الي جنت عايشه يم سمر ونسرين بشقه وحدنا ؟ معقوله هاي اني ؟
شلون وشوكت صار هيج وليش اليوم زواجي ؟ ممصدكه وممستوعبه الي ديصير نسرين وسمر بقربي يعدلن بالطرحه واني اباوعلهن ودموعي تنزل
سحبت الكرسي وكعدت وهنا حاوطني شهكت " بنات ماريد اتزوج "
تقربت نسرين يمي وحضنتني وهي تهديني " عفيه قُتام اصبري لتخربين ، تصدكين مشتاقه احضنج واشوفج كبال عيوني خلينا نرجع من قبل بس تحملي "
رفعت راسي الها واشهك من البجي " لجج نسريينن تعرفين شنو اتزوجج وبعدها انفصل اصير مطلقه ماريدد هل شيي حبابه افهمنيي "
بجت سمر بحركه " واني شنو نسيتي ترهه اني هم ضحيت بنفسي علمودجج "
ضحكت نسرين محاولة تلطف الجو " اتخيل نصير من صدك شلة مطلقات "
ضربتها سمر بشقه وكالت " انجبي بعيد الشر عنج "
مسحت دموعي واحس شي ساح بوجهي " بنات شنو صار بوجهي "
ضحكن بنات بصوت وكالت نسرين " عزه باع شصار بوجهها ولج خربتي المكياج "
عدللي المكياج ورتبن شكلي ووحده تواسي الثانيه لا اني راضيه بزواج ولا هنا كل وحده تفكر شنو حيصيرلنا بالأيام الجايه .. اندكت الباب وفااتت ورد مبتسمه
همست نسرين بصوت محد يسمعه بس اني وسمر " اجت الحيه "
تقربت ورد من يمنه وكالت بابتسامه " هلاو بنات تحتاجون مساعده ؟ "
كامت سمر ترحب بيها " لا متقصرين كملنا "
هزت راسها واتجهت رتبت نفسها .. رن موبايلها " ايي ايي علاوي هياتها يمي " جانت تحجي وتباوعلي بابتسامه
- فرحانه حتزوج اخوها ، استغفرالله كوه مصبره نفسي لخاطر نسرين وسمر
أنت تقرأ
قُتام (الغُبار الأسود)
General Fictionيقال: ارتفع القتامُ، حتى خَفِيَت الأعلام. في هذا اليوم اصبح الكُل غُبار وتاهت الناس بين هذا الغُبار .. قصه باللهجه العراقيه
