سلام عليكم
تصويت وكومنت جميل
.
.
.
.
.
حسيت بحركه فوك راسي فتحت عيوني كوه وشفت نفسي ورا قضبان السجن درت وجهي وشفت البنات نايمات وسمر تبجي ،كمت بفزع بتجاهه سمر وحجيت بخوف
" شنو ليش احنا هنا شنو صار احجي سمررر " ختمت كلامي بصراخ مفزوعه
سمعت وحده من الحراس كالت بصوت عالي " نصي صوتج احنا مو بيت الخلفوج حتى تصيحين "
درت وجهي وباوعت الها بأشمئزاز هزت ايدها وراحت ، استداريت لصوت سمر ناصي وهي تكول بتعب
" قُتام حبابه لتسوين مشاكل ، احنا واكعين بورطه وكله بسبب سوزان الك*** "
" شلون بسببها شبيج سمر احنا ماعلينا وهما يدرون بيها مو خوش ليش هيج سجنونه؟" احجي وابجي بسبب الخوف
" ماعرف سمعت واحد يكول عساس انو سوزان ماخذتنا بأرادتنا ، وجان تعاملها ويانا باللطف حتى لانعترض ولذلك ادى لشكوكهم وانو احنا قابلين بالوضع بس عداج "
" عدايه ؟" سئلت باستفهام
" اي لان انت مجيتي اله كم يوم وردة فعلج جانت قويه اما احنا مجانت عدنا ردة فعل لذلك شكو بالوضعيه "
" شنو سالفه شهل دراما زفتت تره واضحه كلنا مجبورين شيحسون ذوله عقولهم وييييييين ؟" كمت واني افتر بقلق واحجي
" يعني شنو هما اغبياء لو يتغابون تره مبين واضحه كلش واضحه حاسه اكو انه بالموضوع ماعتقد هما غبيين لهل درجه !"
رفعت اكتافها بعدم معرفه ، تنهدت بضيق وشفت بنات نايمات وكل وحده حاصنه ثانيه كعدت بزاويه واني ابجي
- شنو حالي هسا لو امي خوش انسانه ؟
- عمر صغير ودخلت سجن ؟
- ياربي شنو ذنبي اني ليش هيج حياتي ماشبعت من ابويه امي عذبتني وتاليتها ادخل سجن !
نمت بسبب تفكير ، وكعدت على صوتهم المزعج وهما يصحون النا ، فتحت عيوني وشفته نفسه الي ركعني واكف كدامي متكف وكال النا
" صح النوم صبايا وراجن تحقيق ان شاء الله شبعتن نوم حتى نحقق وياجن " كال كلامه بأستهزاء
صاحت قمر بحركه " سيدي والله ماعلينا احنا عبد مأمور "
هز راسه وكال " كولوا كلامكم بغرفة التحقيق يله كومي انتِ وحده وره الخ تجي نحقق وراها "
أشر عليه تأفأفت وكمت وهو يخنزر بيه ، كلبش ايدي وداني لغرفة تحقيقات ، كانت غرفه ضلمه فقط ضوء واحد محطوط فوق طاوله وكرسي من ناحيتي طاوله
أنت تقرأ
قُتام (الغُبار الأسود)
General Fictionيقال: ارتفع القتامُ، حتى خَفِيَت الأعلام. في هذا اليوم اصبح الكُل غُبار وتاهت الناس بين هذا الغُبار .. قصه باللهجه العراقيه