بقلمي : فاطمة حسين
لا تنسون التصويت + متابعه + تعاليق بين الفقران
احبكم بنوتاتي 💞
..................................................
سمانه
نمت مدري شلون ثاني يوم هوه واكف يلبس
دشداشته باوعلي
سمانة : ارشد..
ارشد : امم اسمعچ
سمانة : طلگني
ارشد : بعدين نحچي بهل موضوع مو وقتها!
طفرت من الفراش عاقده حاجبي رحت يمه احچي
سمانة : شنوه شگاعد تحچي انت؟؟؟
ارشد : مثل ما سمعتي
سمانة : اگلك عيني ليش اطولها وهيه گصيره طلگني خليني أولي
ارشد : هسه عدنه فاتحه مال هيچ سالفه تافها؟
سمانة : ما دامها تافها طلگني شنو يرادلها... هيه... باوع...
ارشد : باوعت
سمانة : هيه هيچ تافها يعني ابد مو صعبه بس گول انتِ طالگ ترا سهله كلش شبيك مصعبها؟!
ارشد : تؤ صعبه مو هينه ابد
رفع اعيونه باوعلي بعيون تعبانه و حمرر و طلع صح حالته و الوقت مو مناسب لاكن احاول استغل حل شي علمود ايطلگني ما اريد اكمل حياتي وي واحد مختص*ني مستحيل ما جاي أگدر اتقبل السالفه بكل الطرق احاول اصير لينه ما أگدر!
دورت بملابسي ما عندي سود رحت ال فاطمة اطتني لحد ما ارشد ايجيب لي ملابس غصباً ما عليه
لبستها او اطتني شال وهيه تعبانه وجها مزلغ من ضربها لنفسها و بلاعيمها مشحوطه ما حبيت ارجعها
خذته ذبيته على شعري شمر نزلنه انه وياها للناس
و هاذا ثاني يوم الفاتحه البيت كله بچي وكأبه وحشه البيت دون زهراء مع اني ما لحگت عليها فتره قصيره او مات حيدر بس تدخل الگلب سريع حيل طيبة وحنونه سوالفها تجنن
بدت الملا تقره و النسوان تبچي ميامين او فاطمة گطعن روحهن من البچي و الصريخ و الطم بل گوه كاضه أدين ميامين فلشت وجها حسيت روحي جاي تموع من ألم بطني ورجفه جسمي القويه ألم فضيع أحس روحي جاي تطلع احتاريت ابچي على زهراء لو على نفسي و بطني ضليت ابچي وياهن أبحرگه و اسمع مرت سالم و كم وحده يحچن علي وحده ادگول اتع*ير و الثانيه دگول مسرع حبتها هيه توها اجت و الثالثه ادگول هاي فگر فگرتهم بجيتها حچي هواي سمعته يسم البدن ويخنگ حيل!!!
خلصت القرايه وگمت اوزع ثواب البنات عاذرتهن او خالتي ما تگدر خطيه مره چبيره و مرت سالم الي ايشوفها أيگول ما شايفه امها وأخواتها صارلها دهر گمت او بل گوه اوزع هاي ال تدفرني وهاي ال تدفع وهاي الي تريد ال جهال جيرانهم شبعت تكفيخ طبعاً هاي بعد ما حطيت غده للنسوان البيوتهم بعيده وشلت المواعين وغسلتهم ورجعت نضفت الكاسات مال الماي و لاكلنس الطايح ورشيت معطر جو بسبب ريحه الاكل روحي طلعت يالله خلصت وگدرت اصعد ارتاح شوي كله وسمعت خوات مرت سالم يحچن كلمه تنسمع وكلمه تبسبس عساس ما يرداً يسمعني!!
أنت تقرأ
"المتمرد"
ChickLitرواية عراقيه شاب عراقي أصول بصراويه عاش في بغداد بقصر وخدم مع فتاه عاشت في بيت صغير دون ولاديها مع عمها الذي قام ببيعها للشاب مقابل سوكته عن شيء....
