"المتمرد"

Part 15

بقلمي : فاطمة حسين

هلو هلو عيني مشتاقين صح😔؟
اني حيل متأسفه بس.. طلع عندي مرض بعيد الشر عنكم ورم بالمخيخ وجاي اتعالج اتمنى اعذروني وراح احاول انزل بارتات الكم واذا ما گدرت اسلم القصه ال كاتبه غيري💔✨

لا تنسون التصويت+ المتابعه+ مشاركة القصه +التعليق بين الفقرات
................... ...................

أقُولُ وقَدْ نَاحتْ بِقُرْبي حمامَةٌ: أيا جَارتا هَل تَشعرينَ بحَالي؟ أتحملُ محزونَ الفؤادِ قوادمٌ عَلى غُصُنٍ نائي المسافةِ عالِ؟ أيَضحَكُ مأسُورٌ، وتَبكي طَلِيقَةٌ، ويسكتُ محزونٌ ويندبُ سالِ؟
........................................

فاطمة::

سمعت صوت صريخ سمانة و سالم يحچي كلام بذيء ارتعبت من الموقف رجليه صارن ما يشيلني لا تغدراً بيه عفيه لا تغدراً بيه بچيت مأيسه رجليه تتحرك وحسيت نفسي راح أسبب أذه ثاني أل سمانة حاولت ضغطت على نفسي گدرت أگوم مچلبه بل حايط أستند عليه طلعت من الغرفه گوه أمشي كاضه المحجر و انزل خطواتي ترجف.....

شفت منضر مرعب هاي أكيد مو سمانة رجعن رجليه خانني وجمداً من شافن شكلها مخيف و يبچي الحجر و سالم بعده يتهجم عليها هذا مو أخوي اخوي مو هيچ نجس.. عيونها صايرات كبد خشمها ينزف راسها ينزف جسمها ينزف سمانة انتهت ماتت منضرها ماكو اي بشر يگدر يتحمله أرجف اريد احرك نفسي و أروح أساعدها راح اخسرها شلون بيه شسوي اخخ يا عجزي زحفت يم الطاولة خذة الكوزايه من عليها ولسه سالم ما منتبه عليَ ضغطت على رجليه بكل حيلي أمشي و أعثر يا ربي ما أريده ينتبه وصلت يمه وكلي أرجف ضربته بكل حيلي على راسه وصرخت مفزوعه من طاح كتلت أخويي!!!!

بعدته من سمانة انكث من القرف و أبچي بكل حيلي شلون بيه شسوي بيمن أتصل جهازي مو يمي و سمانة صايره جثه ملطخه بالدم!.. گعدت يمها مستهرته يا ربي ساعدني شلون.. شسوي سمعت الجرس يرن وما بقاي بيه حيل أگوم صحت من يمي لعل يسمعني وهم الجرس يرن بچت عاجزه نزلت راس سمانة من حضني وضليت أزح بنفسي لعل أول للباب وصلت لباب الصاله ضربت رجلي ب طرف سرگية الباب الجوه حسيت صبعي أنشلع و الدم انتثر عبالك بس يريد حجه صرخت شايطه اجاني صوت سعيد يصيح اختي بيچ شي خرب روح أختك صحت بلاعيمي مجرحه ما يطلع الصوت عالي كملت زحف لحد ما وصلت للباب دگيت عليه بأخر قوه عندي صحت سعيييدد أندفر الباب مرتين بل مره الثالثه أنشلع القفل ودخل بس شفته راحت قوتي كأن لگيت الأمان..

أجاني يرجف يسأل شبيچ واني ما أگدر أطلع الكلمه أشرتله على باب الأستقبال أرجف أريده ينقذ سمانة

فاطمة : سَ..سم... سمانة... سمانة راح تموت الحگ...

فتح عيونه مصدوم ويصيح شصاير أأشر على الباب أرجف راح للاستقبال عيوني يجيهن السواد يريد ياخذني و أقاوم اريد اشوف سمانة أول سمعته ياخبر وصوته يستغفر طلع وهوه شايل سمانة بيده خذاها طلعها.. شويه و رجع الي شالني بأيد وحده وهنا استسلمت للضلام......