"PAGTINGIN"
Ms_rainism
Oh ginoo, kailan nagsimulang mag-iba ang tingin ko sa 'yo?
Mula sa mga normal na bagay, ngayo'y may kakaiba na itong kahulugan
Mga kilos mong nagbibigay kuryente sa dibdib kong hindi magkamayaw
Tila ako'y lumulutang na dahil sa pakiramdam na ito
Isang tingin, isang sulyap
Ngiti'y abot na sa himpapawid
Isang tawa, isang ngiti
Lumalambot na ang tuhod
Iyong mga mapang-asar na ngiti,
Iba na ngayon ang epekto
Pinipilit ikubli ang nararamdaman,
Pero mas lalong sumisibol
Isang tawag, isang bulong
Kailan mo maririnig ang hiyaw ng puso kong nagsusumamo?
Isang hawak, isang yakap
Kahit magkalapit na ay hindi mo pa rin ako makita
Marahil ay sa iba ka nakatingin,
Kaya't hindi mo magawang pansinin
Sandali, paano mo nga ba maririnig,
Kung may ibang tinitibok ang puso mo?
Isang luha, isang hikbi
Tama na ang pagpapahirap sa pusong sawi
Isang pahid, isang punas
Hayaan na lang na lumipas
Salamat sa pagkakataong nagpangiti at nagpalumbay sa akin
Asahan mong mananatiling magkaibigan pa rin tayo
Susuporta pa rin ako sa bawat laban mo,
Hanggang sa manalo ka't matagpuan mo siya
YOU ARE READING
Whispers of Unrequited Affection
RandomNobody who is in love should be deemed completely sad. Unreturned love is not without its rainbow. You will never give up searching for love if the people who are supposed to love you don't provide it to you. Unrequited love is, I must say, far bett...
