🦋اسكريبتات شروق حسام 🦋

الجزء الثاني 🦋

بقلم 🦋 شروق حسام 🦋

قمت مفزوعه وانا بحط ايديا على بطني "ولادي"

_"فريدة حبيبتي انتي كويسة"

_"ماما ولادي كويسين طمنيني عليهم اتكلمي حصل لهم حاجه"

_"البقاء لله يا بنتي ربنا خد أمانته في الولد وساب لك البنت"

فريده بدموع "إنا لله وإنا إليه راجعون، اللهم أجرني في مصيبتي، وأخلف لي خيرًا منها"

_"حسبي الله ونعم الوكيل هم السبب الله لا يوريه يوم حلو في حياته"

فريدة بتعب "خلاص ياماما"

دخل فريد بسرعة وراح ناحيتها ومسك ايديها "فريدة حبيبتي انتي كويسة"

_"أنا كويسة يا حبيبي أنا عايزة ارجع بيتنا انت عارف اني مش بحب المستشفيات"

_"انتي بتقولي ايه فريدة ازاي عايزة ترجعي للوا** ده بعد ما سابك وغدر بيكي واتجوز عليكي"

_"عيب اللي انتي بتقوليه ده يا حماتي"

_"انا مش حماتك ياللي معندكش دم ولا نخوة"

_"خلاص يا ماما أنا خلاص قررت وانتهي الموضوع واساسا فريد قال فترة وهيطلقها مش كدا يا حبيبي"

فريد بتوتر من تغيرها "اه اه طبعا يا قلبي هي فترة وهطلقها"

_"هخرج اسأل الدكتور انك تقدري تخرجي امتى من هنا ماشي يا قلبي مش هتاخر عليكي"

_"تمام"

خرج فريد وقربت محاسن ام فريدة منها وبتقولها بحدة "ايه اللي انتي عملتيه ده انتي بتخططي لايه يا فريدة انا عارفاكي مش بتسكتي علي حقك وشكلك هتقلبي حياته 360 درجة للأسوء والصراحة هو يستاهل بس انك ترجعيله لا اعملي اي حاجة غير كدا اخلعيه احسن من انك ترجعيله"

فريدة ببرود اعصاب "كنتي دايما بتقولي لي اخد الحق صنعة واهو اديني بنفذ كلامك بس بالعقل انا هندمه علي اليوم اللي فكر فيه يتجوز عليا منال اللي متساوش ضافري حتي سبحان الله الخبيثون للخبيثات والاتنين زبالة لايقين علي بعض جامد"

_"بكرا يجي ندمان ويبوس رجليا وايديا ومش هسامحه انا هوريه اللعب علي أصوله ابن عمي الخائن اللي ملهوش أمن"

_"وحياة ابني اللي مات لدفعه التمن وهو ومراته وأمه اللي كنت بعتبرها امي التانية وغدرت بيا"

محاسن وهي بتحضنها "قولتلك قبل كدا كتير يافريدة أن متعتبريش حد تاني امك انتي كنتي بتحبيها اكتر مني انا بس اللي امك انتي بنتي واختي وصاحبتي كنت دائما بحسك مش معايا خالص وكنتي بتقضي كل وقتك عندها"

فريدة وهي بتبوس ايديها ورأسها "حقك عليا يا ماما أنا اسفة والله اسفه مكنتش اعرف انها كدا ومكنتش اعرف انك زعلانه مني من النهاردة مليش حد في الدنيا غيرك انتي وبنتي احنا الثلاثة ملناش غير بعض"