🦋اسكريبتات شروق حسام 🦋

الجزء الثالث 🦋

بقلم شروق حسام 🦋

عدت أيام كتير
لحد ما خلصت امتحانات نص السنة وخلصت الاجازة وجيه الترم الثاني

سلمي بتوتر " ملك انا عايزة اروح مش عايزة ادخل كل ما بفتكر اللي حصلي بتقهر اكتر "

ملك بإبتسامة جميلة " سيبك من كل ده افتكري كل اللي قولتهولك وعلمتهولك الفترة اللي فاتت عيدي كده السبع حاجات الأساسية اللي قولتهم "

_" 1 "

_" التوبة والاستغفار عن اللي عملته "

_" 2"

_" الإلتزام في لبسي وصلاتي وعبادتي واقرب اكتر من ربنا "

_" 3 "

سلمي بتوتر وتلعثم " اتأسف... ل..لكل واحد ضايقته "

_" 4"

_" متوترش واكون واثقة في نفسي "

_"5 "

_" أي حد يقولي كلمة وحشة اقوله ربنا يسامحك ومردش عليه "

_" 6 "

_" مهتمش بكلام حد وابعد عن اي كد بيأذيني وأحاول أصاحب البنات اللي معايا في الكلية "

_" 7 "

_" أشتغل جنب الكلية "

_" شطورة يا سولي وعندي خبر هيفرحك أنا لقيت شغل لينا "

_" بجد يا ملك فين "

_" شريك بابا في الشغل عنده شركة لإدارة الأعمال وعايز سكرتيرة ليه وسكرتيرة لشريكه التاني وهو مراعي اننا في كلية وكده فهيبقي الشغل من بعد الكلية لحد الساعة 9 بليل "

سلمي بحيرة " بس ليه نشتغل سكرتيرة "

_" من غير بس يا سلمي مفيش حد بيبدأ من القمة وكمان احنا أصلا مش بدأيين من الصفر احنا بدأيين من فوووق الصفر بكتييييبر فاهمة قصدي يعني احنا المفروض نتعب وندور ونحاول ونفشل وننجح نقع ونقوم "

كملت بتنهيدة " فنحمد ربنا اننا لقينا شغلنا ده احنا يعتبر زي واسطة شغل السكرتيرة ده ألف واحد بتتمناه "

سلمي بخجل من تفكيرها السطحي " معاكي حق أنا آسفه "

_" متتأسفيش مفيش آسف ولا شكر بين الصحاب أنا بفهمك بس مش بعاتبك "

_" ويلا ندخل المحاضرة "

سلمي هزت لها رأسها بهدوء ودخلت المحاضرة تحت همسات الكل الساخرة والمتنمرة

..............

بعد فترة كانت المحاضرة خلصت

وسلمي خرجت وهي ماسكة في ايد ملك بقي وراحت اعتذرت لكل واحد ضايقته او اذته

وده خلي الكل يستغرب منها حاولوا يصدقوها بس مش عارفيين

..............

_" ملك انا هروح الأول اغير هدومي تيجي معايا "

_" ماشي مش مشكلة بس انتي عايزة تغيريها ليه ما هما حلويين اهو "

_" حاسة براحة بعد ما اتآسفت للكل فايزة اروح اخد شاور واغير هدومي "

_" تمام يا سولي بس مش عايزين نتأخر في أول يوم "

_" ربع ساعة وهكون خلصت كل حاجة وهنكون قدام الشركة كمان "

ملك بضحكة " يا واثقة انتي "

سلمي بخجل " هههه طبعا "

................

بعد فترة

كانت سلمي روحت وخلصت لبس وراحت علي مكتب باباها عشان تشوفوه

خبطت علي الباب وهو سمح لها بالدخول

_" عايزة ايه يا سلمي انا مش فاضي دلوقتي "

_" كنت بس عايزة اقولك "

_" عايزة فلوس مش كده خدي الكريديت واصرفي اللي انتي عايزاه بس سيبيني لوحدي دلوقتي عايز اكمل شغل "

سلمي بكسرة وخيبة أمل " تمام يابابا أنا راحة الشغل "

_" ماشي ماشي اخرجي بقي "

_" حاضر "

سلمي خرجت وهي قلبها وجعها والدموع محبوسة في عينيها مش قادرة تنزلها

  ملك بقلق " حصل ايه مالك وشك اصفر كده ليه "

_" مفيش يلا نمشي "

ملك بصت لها بقلق بس مرضيتش تضغط عليها اكتر هي متوقعة اللي حصل بس هي مش متأكدة اذا كان هو ده السبب ولا لأ

#الجمال_الداخلي
#شروق_حسام