🦋اسكريبتات شروق حسام 🦋

الجزء الأخيرة 🦋

بقلم شروق حسام🦋

_"أنا عايزة اقولك موضوع ضروري"

_"وأنا كمان"

_"أنا..."

_"أنا مش عايزة نكمل مع بعض ودي كل حاجتك اللي جبتهالي كل شئ قسمة ونصيب"

_"انتي بتقولي ايه مستحيل ده يحصل انا انا..."

_"مش عارف تقولها صح مش عارف تقول أنا بحبك"

_"انا عارف انك زعلانة عشان اتجوزت بس حاولي تقدري موقفي حقك عليا"

_"الحق عليا مش عليك انِ رخصت من نفسي ورضيت ارتبط بيك بعد كل ده"

_"انت حبيتها"

_"لا مش بحب حد غيرك"

_"لا حبيتها مش بس كده لا عشقتها كمان مبقتش مدثر اللي كان بيهتم بادق تفاصيلي مبقتش مدثر اللي بيحبني انت شيلت حبي من قلبك ورميته بقسوة"

_"انت مش شايف حبك ليها بس انا شايفاه وكل اللي حواليك شايفينه"

سندس بجمود"دي دبلتك وربنا يسعدك"

_"سندس متمشيش انتي فاهمة غلط"

سندس سابته ومشيت ولا حتي لفت وراها تشوفه هي غلطانة أنها ادته فرصة تانية بعد ما قالها أنه هيتجوز غيرها

...............

مدثر بعصبية وهو بيكسر كل حاجة حواليه "كل ده بسببك انتي السبب سندس سابتني بسببك ابعدي عني أنا بلعن الساعة اللي شوفتك فيها"

_"مدثر اسمعني بس ....."

_"لا مش انتي السبب انا السبب انِ بدأت اعجبك بيكي وبدأت انساها وهي اللي وقفت معايا علي الحلو وعلي المر وأنا خلاص خدت قراري ومش هتراجع فيه"

_"انتي طالق يا جواهر طالق بالثلاثة وانا هسيبلك البيت وهمشي واقعدي فيه"

مدثر لم هدومه ولسه هيمشي وقفه والده

_"مدثر انت واخد شنطتك ورايح علي فين"

_"انا هسيب البيت وهروح شقتي التانية واه انا طلقت جواهر"

سامي بصدمة "ايه طلقتها انت ازاي...."

_"اه طلقتها ومتتصدمش انا سمعت كلامك واتجوزتها وخسرت حب حياتي ودلوقتي انا مش عايز حاجة من الدنيا غير سندس عايز تاخد العربية والفيزا خدهم انا مبقتش عايزهم"

_"سلام يابابا خلي بالك علي نفسك وعلي صحتك"

.............

بعد سنة

كنت واقف في فرح جواهر وجوزها آسر اللي عرف حكايتها وحبها بصدق وخصوصا أن جواهر اتغيرت عن الأول كتير

_"مدثر بسبس مدثر"

_"نعم ياعيون مدثر نفسك جاية علي ايه المرة دي يا آخري صبري"

_"اقولك بس متزعقش"

_"امممم قولي"

_"عايز فسيخ ورنجة"

_"ف ايه انتي بتهزري يا سندس صح انتي حامل وبطنك قدامك مترين وممكن تتعبي"

_"قصدك ايه يا استاذ قصدك انِ تخينة ومبقتش مالية عينك صح انت بتخوني يا مدثر"

مدثر بهمس "انا اللي جبته لنفسي"

_"وانا اقدر يا روح دودي اسيب القمر ده كله واروح للفسيخ قصدي اروح لحد تاني غيرك ده انا متجوز ملكة جمال مصر كلها يا ناس"

_"يعني خلاص هتجيب لي الفسيخ والرنجة"

_"هجيب لك يا آخري صبري هجيبلك بس تأكلي في الصالة انتي وبابا عشان عارف أنه بيموت فيه هو كمان واياكي تلمسي حاجة في الأوضة عشان الريحة"

_"هو انت تطول"

_"لا طبعا عندك حق"

_"سامحتيني ياسندس"

_"انت شكلك عايزني انكد عليك النهاردة صح مش كدا يا حبيبي والله العظيم سامحتك انت غيرت من نفسك كتير واعتذرتلي كتير وعملت المستحيل عشان اسامحك حتي بعد ما كنت مسافر انت اللي منعتني انا مسامحاك هي اه فيه حاجات مش قادرة انساها ولحد دلوقتي موجوعة منها بس الوقت كفيل ينسيني"

_"انا مش بحبك من قليل يا ام زين"

سندس بغرور " عارفة عارفة انك بتحبني وانا كمان بحبك"

#جواهر
#شروق_حسام

تمت

مش كل نهاية لازم تكون نهايتها الانفصال او الحزن فيه نهايات لازم تكون سعيدة