ياكثر حبك بقلبي والغرام أكثر 🤍

part 10

بعد ماكشخت نجد وشكلها كان مره يجنن
لفت نجد و شافت شكلها : يمهه من ذيي
مرام بتوتر: لـ .ليه ماعجبتس؟
نجد : تستهبلين!! وش ذااا
مرام بزعل غير واضح : خلاص اذا تبين بامسحـ.
نجد : تكفين مرام يهبللل مرههه
مرام بضحكه: فجعتينييي احسب ماعجبتس
فيصل من ورا الباب بابتسامه طق الباب
راحت مرام تفتح الباب تحسبه عبدالله أو امها
فتحت الباب و تجمدت مكانها لثواني وسكرته بقوه
فيصل لف وجهه
نجد وهي تصور بالمرايه لفت راسها بفزه: يمه شفيك؟
مرام : اخوك الغثيث
نجد رجعت تصور : ترا بزوجك اياه عاجبك؟
مرام : الصدق يعني مرره يجنن و شعره اهخخ ي نجدد
نجد لفت عليها: وي خاقه؟
مرام : اقول بس اص خلاص
وكل هذا كان تحت مسامع فيصل الي ابتسم
طلعت مرام عشان تروح دوره المياه " يكرم القارئ "
لحقها فيصل إلى جنب دوره المياه " يكرم القارئ "
نجد كملت تصوير
سعود فك الباب بابتسامه
تـّجمد مكانه بابتسامه و مو مستوعب بنفس الوقت لانه ماتوقع بيشوف نجد
نجد مانتبهت له وكملت تصوير
بعد دقيقتين سعود كان إلى الان يتأمل نجد بتفاصيلها و يشوفها تتدلع عشانها تصور
لفت نجد و شهقت: سـ.
سعود قرب منها و غطى فمها: اييه اييه بس اسكتي فضحتينا ياخي
نجد: وخخرر أنا لابسه قصصييير ماينفعع
سعود : يزيين القصيير دامه منتس !
قرب سعود من نجد وصار وراها بالضبط ودفن وجهه بكتفها و نطق بخفه : تدرين احب ريحتس ؟
نجد لفت على سعود و ضربته بكتفه و بعـّدته: قليل ادب
سعود : قدامتس بس ترا
نجد : وخر بس
سعود : ماتدرين ليه كاشخه؟
نجد : لا ومالك دخل
سعود بلع ريقه: طيب بخطبتس بكره او اليوم !
نجد شهقت بصمت و نطقت : وانت واثق اني بقبلك؟
سعود بضحكه: ايه واثق وورينا قوتس ي بنت عبدالله
نجد بثقه: برفضك ي ولد عبدالعزيز يعني لا تتعب نفسك !
سعود بابتسامه: بنشوف اذا قدرتي
~ عند مرام ~

طلعت من دوره المياه " يكرم القارئ "
و مسكها فيصل ووداها بيت الشعر
مرام بـ مشاعر غريبه: انت وش تبي !
فيصل : ابيك !
مرام : وخر !
فيصل : والي يقولك لا ؟
مرام : فيصل وخر والله لو يشوفونا كذا بيفهمون غلط !
فيصل : خلهم يفهمون غلط لاني أساساً باخطبك!
مرام شهقت: وشووو!
فيصل ببرود: الي سمعتيه يـ بنت عبدالعزيز
فجاه فيصل ابتسم
مرام : شفيك انت مريض؟
فيصل : ترا سمعت الي قلتيه بالغرفه عند نجد
مرام طلعت من الغرفه ركضض وهي مرهه مستحيهه
طلعت مرام من الغرفه بسرعه وراحت لـنجد
نجد : وي شفيه وجهك صار ملون؟
مرام بنرفزه: من اخوتس
نجد : شدخل اخوي؟
مرام : ولا شيء خلاص
نجد: الحين ليه أنتِ كاشخه ومكشختني و الكل كاشخ احد بيجي؟
مرام بابتسامه: لا
دخلت ام فيصل باستعجال: نجدد " زفرت براحه" : الحمدلله جاهزه
نجد : شسالفه؟
ام فيصل جلست جنب نجد و ناضرت مرام بمعنى ( اطلعي)
طلعت مرام و نطقت ام فيصل : انتي خلاص كبرتي و صرتي بعمر زواج وودي اشوف عيالك قبل لا امو...
نجد : الله يطول بعمرك يمه لاتقولي كذا ! و بعدين شسالفه اختصريي ماماا!
ام فيصل بتردد : احس ابوك أو اخوك يقولوا لك احسن
و طلعت ام فيصل ووراها نجد المتوتره
نجد سلمت على الحريم وجلست و انتبهت لـ بنت قد شافتها
وركزت بملامح البنت الي جات تسلم عليها
حلا بدلع : هايي نجد سح؟
نجد بقرف وبابتسامه تسليك: ايه نجد وانتي ؟
حلا بدلع : ماعرفتيني؟ أنا حلا
نجد بقرف: لا ما عرفتك
حلا بدلع : انتي الي كنتي مع سعودي سح؟
مرام بقرف : يعع وش ذااا ! " تقلدها " سح نجد ؟
نجد بضحكه : ايي سح !
حلا بدلع : وين انوثتكم ؟
مرام : دزي بس
حلا بدلع تقصد نجد : سعود يحب المدلعه الحلوه مو انتي ايو حتى شعرك واضح مو مرتب
نجد نزلت راسها و نطقت بغصه : معليش مرام بروح دوره المياه " يكرم القارئ"
مرام: خذي راحتس
راحت نجد دوره المياه " يكرم القارئ"
تحديداً عند المغسله " بالغلط راحت المغسله الي بالوسط بين مجلس الرجال ومجلس النساء "
نجد قامت تبكي بانهيار
~ مجلس الرجال ~
ابو مشاري بصوت مرتفع : يلا يرجال تفضلوا على العشاء
واختلفت الردود
" سعود كان سابق الرجال بدوره المياه "يكرم القارئ "
لما قرب سعود سمع صوت بكاء وشهقات
قرب أكثر و أنصدم لما شاف نجد :
نجد وش تسوين هنا؟
نجد وهي تمسح دموعها: مافيني شيء وخر
سعود : كل ذا ومافيتس شيء؟
نجد بحده: سعود اقولك وخر
سعود لما حس الموضوع صدق : افا وتيني تزعل علي
نجد بحده : م تفهم انت ؟ ماني وتينك ولا انت زوجي ولا شيء عشان تقرب مني كذا ! اكرهك ا ك ر ه ك !
و هي ماشيه لمحها للمره الثانيه * حمد *
حمد قام يناضرها إلى أن طلعت
حمد عض شفته بخفه ونطق بهمس: انشهد انها موتـ(ن) حمر يلبيه
راح لـ سعود: من ذي المزه ليه دايم اشوفك معها؟
سعود : مالك دخل !
حمد : بنت مين ذي؟
سعود تنهد : بنت عبدالله و راح
حمد ابتسم و راح لـ ابو فيصل و صار جالس جنبه طول الجلسه وهذا الي كان ملاحضه سعود !
ا~ تسريع الاحداث ~
ا- في المجلس -
حمد : الا ياعمي عندك بنات صح؟
سعود فز وهو يناضرهم!
ابو فيصل : اي والله ي حمد عندي بنت وحده
حمد : الي اعرفه م عندك بنات متزوجات؟
ابو فيصل : ايه بس بنتي توها صغيره عشان كذا م زوجتها
ولا لو علي الخطاطيب يدقون الباب ياكثرهم
ابو حمد بصوت مرتفع: عبدالله جيتك أنا وولدي اليوم ابغى أخطب بنتك الوحيده لولدي حمد على سنه الله ورسوله وابد خذوا راحتكم بالرد حنا ننتضركم
ابو فيصل بابتسامه لف على حمد : حياك الله ي حمد وحنا نعرفك رجال طيب وكفو بس لازم نسال البنت عن رايها اسبوعين ونرد لكم خبر
سعود رمى جاهه على عمه ووصل لرجل عمه ونطق صوت مرتفع والكل فز من فخامه صوته: ياعمي أنا أقول البنت لولد عمها
وانا حاجز بنتك بقلبي من زمان وانا بعد ابخطبها على سنه الله ورسوله والبنت باذن الله موافقه
ابتسم سعود من تعزيز اخوانه وولد عمه ( فيصل) له
ابو فيصل زادت ابتسامته أكثر واكثر رفع شماغ سعود و نطق: ولك نفس الرد ياسعود مع أن صحيح كلامك البنت لولد عمها وانت رجال والنعم فيك بس اباخذ رد البنت وبعدها باسبوعين ابرد لك خبر انت بعد
سعود : ماعليك زود يـ عمي
~ تسريع الأحداث (بعد مامشوا ) ~
ابو فيصل : استأذنكم ي اخواني و عيال اخواني
الكل : اذنك معك
طلع ابو فيصل
سعود راح لابوه: اهخ يبه ادعيلي
ابو مشاري بابتسامه: الله يوفقك اللهم ان كانت نجد خيراً لك فقربها لك وان كانت شراً لك فابعدها عنك يولدي
ابو مشاري بصوت مرتفع: يلا يعيال روحوا ناموا الوقت متاخر
عبدالله : يبه بدري خلنا شوي
ابو مشاري بضحكه: ابشر ي عنقودنا " بحده" والله لو تطولون
كلهم : سم
وطلع ابو مشاري
ا~ عند نجد وابو فيصل ~
ابو فيصل بصوت مرتفع: يبه نجد
نجد جات مع مرام ركض : عيوني
ابو فيصل ' يكلم مرام ' : مرام روحي بكلم اختس ' قالها اختس لان يعتبرونهم خوات ' بالموضوع الي خبري خبرتس
مرام ضحكت : ابشر يعمي
مشت مرام و نجد و ابو فيصل راحوا
صار صمت طويل بعدها نطق ابو فيصل :
يبنتي انتي ماعادتس صغيره يعني للحين صغيره بعيني بس برضو كبيره وصرتي بعمر الزواج
نجد : باباا اختصر ماما برضو قالتلي كذا
ابو فيصل تنهد براحه : فيه اثنين خاطبينتس وضنتي أنهم ثلاث والله اعلم انتي استخيري بعدين اختاري الي تبين
نجد شهقت: ومين هم ذول الاثنين وضنتك انهم ثلاثه؟
ابو فيصل : سعود ولد عمتس عبدالعزيز تعرفيه زين
و حمد ولد جيران عمتس عبدالعزيز ماضنتي تعرفيه
بس خطبتس مع أبوه وانشهد انه رجال كفو
و الثالث الي شاك فيه ضنتي أنه ابراهيم خوي اخوتس
نجد : بابا حلوه اللهجه منك
ابو فيصل : ماعليتس زود بس هاه من تبين بينهم ؟
نجد : وش شغلتهم هم؟
ابو فيصل : همتس الفلوس وانتي بنت امتس بس ابشري
اولهم حمد ضنتي أنه مدرس عربي
وسعود بالعسكريه ضنتي أنه رقيب
و ابراهيم يدور له مستشفى بس هو تخصصه تمريض
نجد : بفكر وبردلك خبر
ابو فيصل : خذي راحتس عندتس اسبوعين تفكرين
نجد طلعت و راحت قالت لمرام بعدها صلت استخاره
ورتاحت لـ سعود
بعد ما خلصت وكل شيء شافت مرام نايمه واغلب البيت نايم راحت بيت الشعر و قامت تناضر جوالها
فجاه حست بشخص يدخل : سـ سعود؟رام بعدها صلت استخاره
ورتاحت لـ سعود
بعد ما خلصت وكل شيء شافت مرام نايمه واغلب البيت نايم راحت بيت الشعر و قامت تناضر جوالها
فجاه حست بشخص يدخل : سـ سعود؟
سعود تذكر اخر موقف له معها و م توقع انه يشوفها جلس وبينهم مسافه ونطق بضيق : زين شفتس
نجد بتوتر : سـ. سعود ا. انا اسـ. اسفه
سعود : ماعليتس م زعلت بس تضايقت شوي لاكن رضيت
ولا عاد اشوفتس متوتره يعيوني
نجد تنهدت براحه: احسبك زعلت علي
سعود: اضن الخبر جاتس ؟
نجد بتوتر وتمثيل عدم المعرفه : اي خبر؟
سعود ضحك بسخريه: مسويه م تعرفين اني خطبتس؟
نجد : افف طيب مو قلتلك مو الحين؟
سعود بحده : ايه وانتضرتس تصيرين حرم ... " فجاه سكت "
نجد : طيب كمل ليه سكت؟
سعود : لاني اغار اقول اسمتس قريب اسمه !
نجد : ميين؟
سعود تنهد بضيق: حمد حمد ي نجد
نجد : طيب هو ولد جيرانكم صح؟
سعود : ايه
نجد : ايه ادري
" صار صمت " وقررت نجد تتكلم" بكذب ": يووه للحين م تخطيت خطبوني سته بنفس الوقت
سعود فز : العن بليستس من خطبتس!
نجد : ليه اقولك؟ اغار على الي خاطبيني!
سعود : منهم طيب؟
نجد بتفكير وقررت تهبد اسامي:
انت و ابراهيم و حمد و عبدالله و عبدالرحمن و راشد
سعود وهو كاتم ضحكته لانه عارف انها تكذب : اييه سولفيلي وش شغلاتهم ؟
نجد توترت م عرفت وش ترد وبرضو قررت تهبد:
عبدالله محامي ونقدر نقول صادني الصدق !
و عبدالرحمن مهندس بس حلو الصدق !
راشد دكتور و افف ي سعود فخم مرره
و حمد تعرف انه مدرس عربي لاكنه ماش الصدق
و ابراهيم ممرض الصدق برضو حلو و سفرات مره يجنن
سعود تمثيل الضيق : ايه كلهم حلوين واضح
نجد : اييه ممررره
سعود : اجل استاذنتس دامتس م تبغيني
نجد : سعودد امزحح!
سعود : ايه ادري
نجد : بس الصدق انت وسعو... يوه صح انت سعود
سعود : يعني من بكون ؟ حمد مثلاً ؟
نجد وهي تلعب بشعرها: اطلق من الحمد بعد
سعود: طيب لاتقولي اسمه اغار!
نجد : قلت اسم كل الشعب م غرت بس من حمد غرت ؟
سعود : اغار منهم كلهم اص
نجد : بس تصدق للحين افكر مين اخذ !
سعود بمزح: خذي حمد يناسبتس
نجد بغصه ودمعه : شكلك ما تبيني صدق
سعود : امزح معتس ي ام دميعه!
نجد بنفس النبره: والله وصدقت حلا
بس فكر بنفسك مستحيل اتغير عشانك !
سعود : العن بليستس وش مهببه ( مسويه ) حلا دامتس مصدقتها!
نجد : وع مالك دخل و تراي كنت بوافق عليك بس مابغاك خلاص ! شف ابراهيم اطلق منك بوافق عليه هو و مشت
سعود بتفكير: وش قايله ذي !
دخلت مرام : شسالفه ليه توها نجد طالعه من هنا تبكي ومنهاره مره؟
سعود فز : نجودي تبكي!
مرام : ولد اثقل وبعدين وش مسويلها انت؟
سعود : ياخي مزحت معها وزعلت الا بقولتس
مرام : انطق
سعود : وش قايله حلا لـ نجد؟
مرام جلست : يع ماحبيتها مقرفه مره قامت تتدلع ومدري وش
سعود : جابت طاريي؟
مرام : ايه قالت لـ نجد " تقلدها": سعود يحب المدلعه الحلوه مو انتي ايو حتى شعرك واضح مو مرتب
سعود : العن بليسها الـ**** !
مرام انفجعت من السبه : وي ليه !
سعود قال لمرام كل السالفه من اول مره شاف نجد إلى أن جات مرام : و بس والله
مرام : اح ! وانا اختك م علمتني!
سعود: ايه وش اسوي ي مرامتي!
مرام : الي اشوفه قم الحين اعتذر لها و فهمها انك تحبها بكل حالاتها وكذا
سعود: طيب اقنعيها تجي غرفتي والباقي علي
مرام : ابشر
سعود : الا ي مرام انتي قد حبيتي؟
مرام نزلت راسها الي صار احمر من تذكرت مواقفها مع فيصل :
هاه لا لا
سعود : من حبيتي وانا اخوتس؟ ماني مسوي شيء لا تخافي
مرام : الصدق يعني فـ.فيصل !
سعود : فيصل مره وحده ؟
مرام : ا.ايه !
سعود : ايه كيف حبيتيه؟
مرام قالت لـ سعود كل شيء بس طبعا م قالتله الي اعترف لها فيصل والخ بس قالتله اول م شافته و نطقت بعدها : ومن بعدها م شفته !
سعود : زين واضح انه يحبتس بعد هالايام لاصق بنا كثير
مرام : مدري ويلا انا ماشيه
راحت مرام و راحت ل نجد
مرام : نجد
نجد وهي تناضر جوالها : هلا
مرام : شرايتس تنامين عند سعود؟
نجد فزت وناضرتها: وليه؟
مرام : ياخي مو قصدي شيء بس يعني غرفتي مره ضيقه م احس تكفي وكذا
نجد: لا خلاص بشوف مكان غير
مرام : ليه بينتس و بينه شيء ؟ يعني متهاوشين ولا شيء؟
نجد : لا بس يعني مابي اثقل عليه
مرام : لاتخافي وعادي يلا قومي
نجد تنهدت بتوتر
~ تسريع الأحداث ~
بعد مادخلت غرفه سعود والتوتر ماكلها
دخل سعود الغرفه: اووه بنت عبدالله عندي اليوم ؟
نجد وهي صاده: غصب عني ولا من يبغاك انت ؟
سعود: طيب ليه الصد
نجد : مابي اشوفك وخر عني
سعود : غرفتي
نجد : شرايك اطلع و اروح بيت حمد؟
سعود : جربي بس كان دفنتس و دفنته معتس!
نجد : اجل ابعد
سعود بغصه : أن كانتس بغيتي الصد والكره والبعد ابشري به
وبحاول ابعد قلبي عنتس و بتزوج عشان انشغل مع زوجتي وانساتس
نجد جاتها غصه وماكان ودها توصل لهنا: سو الي بغيته
وقلبي كان حاس
سعود : يشهد الله ي نجد ابيتس من كل قلبي بس دامتس بغيتيها جاتس وانا والله مابغى الشر لتس
ولا ابيتس تنغصبين علي !
------------------
بارت طويل ودسم ومليان بالاحداث
اهخ حزني سعود و برضو قهرتني نجد بس احس فعلا معها حق! مع اني الكاتبه بس برضو معكم اعتبروني فانز + ترا البارت صدق طويل 2001 كلمه اطول بارت قد كتبته بس فداكم واحبكم يحلويني