ياكثر حبك بقلبي والغرام أكثر 🤍

part 16

- م اعرف وش اقول هل شكر أو اعتذار
شكر لانكم بكل التواصل الاجتماعي الي عندي تقريبا
دعمتوني ولا اعتذار لتنزيلي البطيء والله اسف بس صارت لي ضروف احتاج فيها فقط دعواتكم -

-------
صحت نجد بتعب غريب ناضرت الساعه 7:45
تنهدت : بس نمت 4 ساعات و 15 دقيقه
ضحكت بخفه: حتى الدقايق حسبتها
قامت من السرير رايحه دوره المياه ( يكرم القارئ)
تروشت عالسريع بعدها تقدمت تطلع و راحت تفك دولابها تطلع ملابسها لبست بعدها جلست في الفراش الي بوسط غرفتها الفارغه بسبب ابو فيصل الي باع كل اثاث غرفتها بكرهه من ضن السوء فيها تنهدت بعمق من الضيق الي فيها
قررت تقوم تسوي لها فطور بسرعه قبل لا احد يصحى
فتحت الباب بخفه تمشي باطراف اصابعها وصلت المطبخ
طلعت كيس التوست و طلعت علبه مربى
اخذت السكين و دخلته في علبه المربى و طلعته بعدها بدأت تحطه في التوست لفت راسها من سمعت بصوت خطوات انصدمت من شافت عبدالله ( ابو فيصل) ينطق : وش تسوين هنا ي بنت الـ*** ! مو قلت لك لا تطلعين غير غرفتك!
و تقدم يسحبها من أذنها تركت كل شيء بيدها بدأ يمشي ورماها بغرفتها ناضرها بكرهه: لو تتحركين خطوه بس يويلك
راح يطلع من الغرفه وهي كلها خوف وقلبها يدق بخوف وتوتر بعد دقائق جاء لها عبدالله( ابو فيصل ) وهو ماسك عصا ( خيزرانه )  و بداء يضرب نجد وكانت نجد تصرخ بأعلى ماعندها من قوه من الالم وكانت تردد : سعووود
وكان كل شوي ابو فيصل يعصب أكثر من تذكر اسمه و يضربها اقوى الى ان تكسرت الخيزرانه و ناضرها بحده
ثم طلع وصارت نجد تبكي مرهه مرهه بكاء قويي
ونامت من التعب صحت اليوم الثاني بتعب قوي مره
راحت دوره المياه ( يكرم القارئ) فسخت كل ملابسها وصارت تتامل جسمها كيف صار كله كدمات تنهدت بضيق
شغلت المويه وبدات تتروش تحاول تنسى كل الي فات
~ عند سعود ~
صحى و بداء يدق على فيصل وماوصلته اجابه
دق على ام فيصل برضو ماوصلته اجابه
دق على ابو فيصل برضو ماوصلته اجابه
تنهد ينطق بخوف : لازم استعجل بالموضوع
غير لبسه و طلع برا بدأ يسوق بعمق وهو مايدري وين بيروح
وصل لـ عند مكان بر تقريباً مهجور بدأ ينهار حبه حبه من شوقه و حبه لها خايف عليها خايف أذوها قلبه مره مو متطمن بدات تراوده افكار تخوفه
مو عارف وش يسوي هل هي الآن بخير ؟ أو مزعلينها وعارف أنها حساسه وقلبها كالقزاز بس على أقل خدش
يتألم و يخليها تنهار فـ كيف بـ ظن السوء؟
كمل 20 ساعه مو ماكل شيء وميت تعب
قام عساس ياكل وهو مره مو مشتهي
وهو يمشي فجاه حس بدوخه و طاح
~ بعد ساعه ونص ~
دخل عبدالله وهو يتثاوب شهق من شاف سعود طايح
وصرخ ينطق : سعود سعوود
و حاول يشيله وكان مره ثقيل رماه في السياره وراح لأقرب مستشفى ممكن
~ بعد مده من الوقت ~
وصلوا المستشفى
ركض عبدالله للطوارئ و جو دكاتره شالوا سعود
اخذوه و حطوه بغرفه
~ بعد فتره ~
طلع الدكتور و فز له عبدالله
عبدالله: طمني ي دكتور وش صار ؟
الدكتور ابتسم : مافيه الا كل خير بس مااكل شيء اعتنوا بصحته أكثر واكثر و مشى
عبدالله ابتسم و راح يدخل لسعود : بزر انت؟ ليه م تاكل؟
فتح سعود عيونه ببطئ: نجد شوف نجد سالتك بالله شوف نجد
عبدالله باستغراب : وش تبي فيها؟
سعود بدوخه: نجد نجد ي عبدالله واحد كذب على ابوي وا .. وابو " تنهد " و عمي و صدقوه اخاف يأذونها
عبدالله أنصدم : تستهبل ؟
سعود : لا وربي لا
حجعبدالله تنهد بقلق يمسح على جبينه: دق على عمي " ابتسم" رابح و و كلم فيصل اذا كان معها المهم و خله يهربها بيت عمي رابح لان عمي جاي يوم الخميس بعد 3 اسابيع
سعود : احلف !
عبدالله ابتسم : والله
سعود : كيف بنتضر 3 اسابيع! دز بس خلها تروح وانا اروح اجيبها
عبدالله: معكك
~ تسريع الأحداث ~
- بعد اسبوع -
عبدالله: كلمت عمي رابح؟
سعود : ايه قدها جتله من امس
عبدالله: حلوو يلا مشينا
سعود : يلا
راحوا باسوا راس امهم وابوهم ينطق سعود : يمه يبه بنروح الرياض عندنا موضوع مهم
ابو مشاري : موضوع ايش؟
سعود: موضوع خفيف أن شاء الله دعواتكم
ام مشاري: الله يوفقكم و توصلون بالسلامه و انتبهوا لنفسكم " بدأت تدعي لهم "
ابتسم سعود ونطق الجميع: اللهم امين
و طلعوا سعود وعبدالله
عبدالله كان مره مبسوط وسعود نفس الشيء
ركبوا السياره لف سعود على عبدالله شافه عاض شفته ومبتسم مره
سعود عقد حواجبه باستغراب: شفيك؟
عبدالله: يارب اشوفها يارب اشوفها تكفى سعود اخاف اتحمس واخطبها بالغلط
سعود : من هي؟
عبدالله: بسرعه روح ماني صابر
سعود تنهد : اهخ ي ذا الحب الي اتعب قلوبنا ي عيال عبدالعزيز
عبدالله: ومحد ارتاح الا مشاري
سعود : ايييه دق كلمه اشتقنا له
عبدالله: تم
بنص الطريق رد مشاري وهو ينطق : ثواني بيبي العزابيه ذولا يدقون
مع صوت لمياء وهي تقول بهمس واضح : بيب ترا رديت
مشاري: لا لا م رديت
نزل انضاره مشاري للجوال شافهم رادين
وكان الوضع عند سعود و عبدالله ضحك
سعود فتح المايك : ايه بيب شلونك
مشاري تفشل من نفسه : ايه بخير و انت يالخوي؟
سعود وهو كاتم ضحكته : بخيير الحمدلله
و بدأو يسولفون
~ بعد مده من الطياره والسياره~
عبدالله بتعب: يولد خذها بكره مافي وقت نرجع ذا الوقت
سعود : طيب مو انت حجزت ؟؟
عبدالله حك جبينه ينطق : لا حجزت لبكره
سعود : اهخ ي غبائك المهم بروح الحين اتطمن عليها واشوفها
عبدالله: يلا تم
~ بعد مده ~
اخيرا وصلوا بيت العم رابح
تقدم سعود يضرب الباب
جت طرفه ( ام خالد ) تنطق : مييين ؟
سعود : أنا سعود ي عمتي " احتراما"
طرفه ( ام خالد ) الحيين افتح الباب
فتحت لهم الباب تنطق: نورتوناا نورتوناا
سعود وعبدالله وهم صادين : بنورتس ي عمتي
طرفه (ام خالد ): ادري انكم بغيتوا نجد الحين اناديها لكم
سعود ابتسم بحماس وشوق لشوفتها : ايه و قوليلها تجيب اغراضها كلها بنمشي للفندق
طرفه : عيب عليكم تنامون بفنقد و عندكم بيتنا
سعود: ايش؟ فنقد؟
طرفه : قصدي الي تهرج به ي ولدي اعرفه هو قصدي
سعود ضحك بخفه : عوافي ي عمتي المهم حجزنا و...
جاء رابح ( ابو خالد ) : مين بالباب ؟
طرفه: عيال اخوك
رابح : طيب خشي يا مره
طرفه : بنادي نجد
و خشت داخل
رابح : ادخلوا ادخلوا
دخلوا سعود وعبدالله
سعود : والله ي عم ماودنا نطول عجلوا نجد شوي وماشيين
رابح باستغراب: وين رايحين؟
عبدالله : ابد والله بس حاجزين فندق و ماشيين له
رابح : لا والله اقعدوا هنا بغرفه الضيوف عيب عليكم ماني غريب أنا عمكم !
سعود : لا ي عم ..
رابح : علي بالطلاق تناموا هنا !
عبدالله: خلاص تم
رابح وداهم لغرفه الضيوف و عبدالله قعد في الغرفه
راح رابح لسعود : م ودك تتحرك؟
سعود : ي عم ابغى زوجتي
رابح : للحين م عقدتوا ؟
سعود : لا ابد ي عم بس * وقاله السالفه كلها *
رابح : أنا اوريه ولد الـ*** اسمعني أنا اصلا ولي أمر نجد !
سعود : كيف !
رابح : عندي اوراق توثق ذا الشيء وأن ابوها وامها وصوني عليها بس الـ**** عبدالله جاء و اخذها عساس بتدرس برا وصار مسؤول عنها والحين الكل يحسبه ولي أمرها
سعود ابتسم : طيب جبها و بكره جيب شيخ و خلاص نعقد قراننا و اهرب معها و..
رابح : هد هد وانا ابوك خلاص الحين جايبها
راح رابح بعد مده
جت نجد تنطق بنوم: ياخي بنات بلا مزح
لفت تناضر سعود فاتح يده لها ركضت تحضنه بكل قوتها
تنطق: سـ سعود انت سعود ! احلف
دمعت عين سعود بشوق ينطق : ايه ي وتيني ايه أنا سعود
حضنوا بعض لوقت طويييل جدا طويل
و ماتركها سعود الا لما غفت بحضنه
بدا يتأملها كيف انه فيه إصابات وكدمات في وجهها و يدها
حضنها اقوى من قبل ينطق : اسف م قدرت احميك من غبائي
و ماكان حاب يتركها بس للاسف هي مو حلاله و مايصلح كذا للاسف بعدوا عن بعض جت طرفه تقوم نجد بشويش تروح الغرفه و نامت هناك
و برضو نفس الشيء عند سعود قام يروح للغرفه
~ الساعه 4:02 الفجر ~
صحى عبدالله بتعب و حس أنه يحتاج الحمام ~ يكرم القارئ ~  تنهد و راح لما طلع حس بعطش بس رجع الغرفه
~ عند وجد ~
صحت من النوم ايضا جاعت و راحت للمطبخ
تسوي لها اندومي خلصت و حطته بصحن وراحت للحوش
~ عند عبدالله ~
راح المطبخ شاف محد موجود أخذ مويه و طلع للحوش يتنفس بس شاف وحده بتقوم تمشي ركز و حس أنه عرفهاا
~ عند وجد ~
شالت اغراضها ودخلت داخل
- و للاسف محد شاف الثاني -
حسب انه يتخيل و راح للغرفه يكمل نومته
---
اسفه لانه مو طويل حتى احس مره استحي اقولكم لا تنسوا النجمه والكومنت 🥹