ياكثر حبك بقلبي والغرام أكثر 🤍

part 11

نجد انهارت بصمت و سعود كان يسمعها بس يسوي نفسه م يسمع ولا وده يأخذ كل احزانها بقلبه و ضلوعه ..
~ الساعه 4:34 الفجر يعني بعد ساعتين من الموقف الي قبل شوي ~
صحى سعود و سمع بكاء نجد فز بس تذكر الي صار أمس و تنهد بضيق طلع من الغرفه و اخذ شاور سريع بعدها راح يتوضأ... راح للمسجد يفضفض لـ ربه
سعود خلص صلاته وكل شيء وحس انه صار افضل وارتاح
طلع من المسجد و انتبه لـ حمد الي جاء يسلم عليه بابتسامه
حمد : منور يالجار
سعود : بنورك
وكل واحد راح لـ درب
سعود رجع البيت شاف سياره فيصل مشتغله و هم يطلعون اغراض و شنط كبيره وصغيره معلنه لذهابهم
تنهد سعود و راح لـ عمه: افا يالعم ليه ماشيين ؟
ابو فيصل : طولنا عندكم يولدي و مانبغى نضايقكم أكثر من كذا
سعود: والله ابد م ضايقتونا ولا شيء بالعكس نورتونا البيت وتذكروا البيت بيتكم اي وقت تبغون تجون لا يردكم شيء حياكم الله
ابو فيصل : الله يحيك وانا عازمكم اسبوع الجاي عندنا
سعود : ابشر
سعود باس راس عمه و مشى
قابل نجد الي وجهها صار ذابل و تحت عينها اللون الاحمر من كثر البكي
سعود فز قلبه بس صّد : نورتينا ي بنت العم و سببتي جرح كبييير محد راح يعالجه دخلتيني درب الحب وانا جاهل بدرب المحبين و ببقى جاهل فيه دام قلبي انكسر
نجد : ليه يعني ؟ حسستني انت الي خليت شيء فيني صاحي كل جسمي منهار منك منك ي ولد عبدالعزيز منك ي سعود الي كنت اضنك افضل شيء دخل حياتي منك ي الي كنت اضنك بطلي!
سعود: خذي قلبتس لاني اباخذ قلبي منتس وبعطيه لغيرتس
نجد : دام هذا طلبك ابشر به
و مشت سعود راح لغرفته أخذ شنطه سفره الي كان مجهزها للاحتياط وحجز لاقرب طياره لـلوس انجلوس و من بعدها مسك خط لـ الخبر عشان من بعدها يروح للمطار
بعد 5 ساعات نادوا اسم الطياره الي هو فيها و راح
وطبعا جواله كان شوي وينفجر من اتصالات امه واخوانه و اخته و أبوه
~ تسريع الأحداث ~
~ عند سعود ~
بعد 21 ساعه تقريباً واخيرا وصل وجهته
راح لبيته الي محد يدري عنه غير خويه مشعل
سعود بصوت مرتفع مع الصدى : اهخ بس يااني تمنيت اجي ذا البيت مع اول حُب لي لاكن للاسف م نجح
سعود الي كان كاتم من فتره وانهار بكى
فز سعود على دخول خويه مشعل الي أساساً عنده مفتاح
و فزوا اثنينهم
سعود مسح دموعه و قام يتنحنح عشان يتعدل صوته بحكم أنه م يحب أحد يشوف كسره
تعريف سريع -
مشعل: عمره 25 والد بالاحساء واصله حساوي لاكنه دارس مع سعود بنفس الجامعه لكن سعود طلع من الجامعه و دخل العسكريه بس مشعل صمد و صار دكتور و بنفس الوقت خـّيال
اخت مشعل: فاطمه عمرها 18 تدرس بالمرحله الثانويه ثاني ثانوي
ام مشعل متوفيه
ابو مشعل متوفي
- نرجع الواقع -
مشعل: شفيييك تصيح ؟ من مزعلك !
سعود : يارجال مافيني شيء إلا شلونك
مشعل: نبمك عيني عينك تسوي نفسك ماتدري!
سعود : يولد سالفه قديمه و راحت خلاص
مشعل: شدعوه اشوف صديقيَ مغتلق( متضايق) و مااسوي شيء ؟
فضفضلي ي خلف اميً
سعود : ياخي الموضوع بسيط
مشعل: نبمك الموضوع بسيط وتصيح عليه ؟
ترانيَ صديقك قوليَ ولا بزعل
سعود : مشعل قم نطبخ
مشعل: اها عُاد قوليَ وبعدين ترا النمليه ( الدرج ) حقت المطبخ مختربه
سعود: طيب بقولك ( سعود قال لـ مشعل كل شيء من اول مره شافها الى اخر مره بس ماقال اسمها بحكم غيرته الكبيره عليها)
مشعل: يوو انساها خلاص قم قم نطبخ عاد أنا جاييع حديَ
سعود ضحك على لهجه مشعل: يزينكم ي أهل الاحساء
مشعل: انت الي يزينك ويلا قوم
راحوا قاموا يطبخون و سعود للحين فيه جرح بقلبه بس صار احسن شوي
~ عند نجد ~
طلعوا وبعد ما وصلوا تقريباً بـ 4 ساعات للرياض أخذوا تاكسي و راحوا بيتهم راحت نجد غرفتها و دقت على لمياء
نجد : ميميي
لمياء: عيونيي
نجد : اهخ ي لمياء عندي هموم قد شعر راسي
لمياء: والله من الشوق ي بنت عبدالله
نجد : ابفضفضلك
لمياء : فضفضي لي بس شرايك نتقابل احلى؟
نجد : تم والله تم
لبست نجد تيشيرت واسع شوي لونه ابيض و الخطه كانت باللون الاسود حيث ان من قدام مكتوب عليه najd ومن ورا najd Abdullah وفيه بعض من معلوماتها يعني مثلا (وين ولدت و كم كان عمرها لما جاء عندها ذا التيشيرت والخ..)
و لبست سروال واسع برضو
و لبست عبايتها الكحليه مفتوحه ومن اطرافها ابيض و فيه زخرفه بشكل ورد مع غطايتها الي نفس العبايه بالضبط
و طلعت
فيصل : هييه على ويين؟ تونا داخلين البيت !
نجد : فيصل ابغى اروح للمياء
فيصل: لا ! تونا داخلين !
نجد شافت ابوها و باست راسه: بابا ابغى اروح للمياء
ابو فيصل : روحي مع السواق لا تنتضرين اخوتس
فيصل : يبه تكسر كلمتي قدامها!
ابو فيصل: فيصل أنا الحين رجال البيت وكلمتي هي الي تمشي محد قالك تكلم !
نجد كتمت ضحكتها و طلعت ركبت مع السواق متجهه لبيت لمياء
صورت صوره بالسناب و حطت فلتر الموقع و رسلتها للي باختصار الستريك حقها ومن ضمنهم كان ( سعود)
~ عند سعود ~
قاموا ياكلون و خلصوا و غسلوا اياديهم والخ..
كانوا يناضرون جوالاتهم و فجاه جت رساله لـ سعود
تنهد بضيق وفتحها شاف شكل نجد الي تجدد حبها بقلبه
تنهد بضيق و مسح على شنبه ثم مسكه و نطق :
والله انها ماصارت حّرمي لاخذها غصب عن خشومهم كلهم
مشعل: حي عيينك يولد عبدالعزيزز
~ تسريع الأحداث بعد اسبوعين ~
طبعا سعود رجع لديرته و مشعل بعد رجع للرياض عشان اخته تدرس هناك
و ابراهيم جاله علم من فيصل ان ابو فيصل حط نجد بخيارات خطاب ومن ضمنهم هو
نجد صارت م تاكل كثير و صارت بيتوتيه نوعاً ما
ونحفت عن قبل بكثيير
( عند نجد وابو فيصل )
ابو فيصل: هاه وش قلتي يابنتي على مين موافقه؟
نجد بتوتر من خيارها : حـ. حمد
ابو فيصل أنصدم و فيصل شهق من صدمته لانهم كانوا يحسبون سعود!
ابو فيصل: متاكده يابنتي ؟ طيب لما صليتي استخاره ارتحتي لمين؟
نجد هنا كانت واثقه : سعود
فيصل : مافهمت يعني الحين سعود ولا حمد؟
نجد بخجل : سعود و راحت ركض لغرفتها و هي تقفل الباب و غطت وجهها بواسادتها باحراج! ماتدري كيف قالتها !
وابو فيصل كلم ابو مشاري واتفقوا على الخطبه الرسميه و قرروا موقعها يكون بالديره
نجد دقت على لمياء الي كانت جنب عبدالرحمن وبالغلط حطت سبيكر نجد وهي تصارخخ: ميمييي سويتهاا سويتهاا
عبدالرحمن فز قلبه من صوتها وتجدد حبها بقلبه الي كاتمه
لمياء : وش سوييتيي!
سكرت السبيكر
نجد : وافقت على سعودد
لمياء: يويليي مبروكك
نجد : تعالي الديره يوم الجمعه اسبوع الجاي الخطبه الرسميه و قولي لـ دحوم
لمياء: تكفين عيدي كلامك و اقنعي دحـّيم
نجد : ابشريبي
لمياء حطت سبيكر و عطته عبدالرحمن
نجد : دحوم ؟
عبدالرحمن ابتسم : عيـ... لبيه
نجد : فيه طلب صغيييير بخاطري
عبدالرحمن: انطقي وان كنت قادر عليه فـ هو تم وان كنت مو قادره فاعذريني ي بنت عبدالله
نجد : تكفى تعالوا الديره انت و ميمي
عبدالرحمن: وليه؟
نجد : عشان خطبتي يوم الجمعه اسبوع الجاي
عبدالرحمن كان متوقعها بس م يعرف ليه تحطم ! :
ابشري من عيوني ي بنت عبدالله و حـّرم سعود
نجد : شدراك ؟
عبدالرحمن: ادري قبلك
بعدها لمياء و نجد قاموا يسولفون
----------------
البارت قصير شوي 1104 كلمه بس مو مشكله تجهزوا للبارتات الجايه بتكون اسطوريه باذن الله تعالى و كلها كم بارت و تخلص روايتنا الحلوه بس وراها روايه ثانيه تنتضركم لاتنسون النجمه ي حلويني 🥹⭐