ياكثر حبك بقلبي والغرام أكثر 🤍

part 12

~ عند سعود ~

كان جالس يهوجس في الصاله مع أبوه وأمه وإخوانه
يهوجس بان كيف ياخذ نجد !
فز على صوت صراخ: يييمه مرام صوتكم!
ام مشاري وهي تزغرط: خلنا فرحانين يولديي
سعود : ليه شسالفه ؟
عبدالله الي كان جالس جنب سعود : ابد والله حبيبه القلب قبلت فيك
سعود فز : عبود مو وقت مزح ولعب! انطق صدز كلامك ؟
عبدالله بابتسامه: وليه اكذب؟
سعود : احلف بذمتك!
عبدالله: والله والله
سعود : يمه ورعتس صادز؟
ام مشاري : اييه اييه
سعود بفرحه والي يحسبها بترفضه: متى الخطبه الرسميه!
ابو مشاري: بس بس ي مره اجلسي " لف على سعود "
خطبتك يوم الجمعه اسبوع الجاي
سعود: يبه ليه م قلت لهم الاثنين ؟
ابو مشاري بحّده : الحرمه تحب الرجال الثقيل م تهيم الرجال الخفيف! ورع استرجل
عبدالله و مشاري كتموا ضحكاتهم
سعود بكذب : يبه أنا رجال من زمان ! ولا صرت خفيف! بس خير البر عاجله!
ابو مشاري وهو يناضر مشاري : دام كذا حكيك زين كنت احسبك طحت ومحد سمى عليك زي اخوك !
مشاري تحمحم: ويبه شدراك؟
ابو مشاري ضرب بعصاته مشاري: كل شيء يوصلني ي مشاري !
مشاري : اح يالقائد
ابو مشاري : ايه ي ام مشاري دقي الحين على ام فيصل و خبريها تجيب رقم ابو لميا
مشاري: يبه لمياء مو لميا
ابو مشاري ضرب مشاري بالعصا بقوه: مالك دخل !
مشاري وهو يتحسس مكان الضربه بالم: سم
فعلاً دقت ام مشاري على ام فيصل و ام فيصل كلمت نجد
وردت نجد : يـ يمه غصب تبغون رقم ابوها؟
ام فيصل: ايه يبنيتي! كيف بنتمم ؟
نجد : يمه لمياء م تعرف من ابوها! سموها لمياء ماهر
كـ لقب بس ! وماهر توفى الله يرحمه ومحد مسؤول عنها الحين غير عبدالرحمن اخوها
ام فيصل علمت ام مشاري وام مشاري تفهمت الموضوع وعلمت ابو مشاري
ابو مشاري : مافيها شيء عيب عطيني رقم عبدالرحمن
سعود : يبه أنا عندي
و اخذ ابو مشاري رقم عبدالرحمن و حددوا متى الملكه بحكم أن مشاري مستعجل وحددوا يوم الثلاثاء ذا الاسبوع يعني بعد 3 ايام
~ عند عبدالرحمن و لمياء ~
عبدالرحمن: لموويتييي
لمياء : عيونهاااا ي دحـّمييي
عبدالرحمن بابتسامه: جو لتس خطاب!
لمياء راحت لعبدالرحمن: طيب قول جو لك خطاب مو جولتس
عبدالرحمن بابتسامه: اقلد كلام خطيبك!
لمياء تذكرت المستشفى لما سعود كان هناك و تذكرت نضرات مشاري! بلعت ريقها: اي ومن هم؟
عبدالرحمن بابتسامه: من اخوياء ابو هزاع
لمياء : من ذا ابو هزاع؟
عبدالرحمن بجديه: سعود
لمياء: طيب وش اسمه وكذا ؟
عبدالرحمن بجديه: اسمه مشاري اخ سعود عمره 28 رجال وانشهد أنه عن الف رجال
لمياء: بفكر وبستخير والله يكتب الي فيه الخير
عبدالرحمن تنهد بفرح : اهخ بس كبرت بنيتي و انخطبت قبلي
لمياء بضحكه سخريه: ي غبي روح انت اخطب مو تنخطب
عبدالرحمن: ابو تميم ابوه
لمياء : من ذا تميم بعد؟
عبدالرحمن بابتسامه على ضحكه لمياء: ولدي
لمياء بضحكه: طيب انت للحين ماتزوجت
عبدالرحمن تنهد بضيق: الله ماكتب ي لمو
لمياء فزت: كنت ناوي تخطب
عبدالرحمن: ايه
لمياء : ومن هي؟ بجيبها لك غصباً عنها!
عبدالرحمن بابتسامه ضيق: نجد
لمياء بصدمه: نجد نجد خويتي!
عبدالرحمن: للاسف ايه
لمياء : طيب صارت خطيبه سعود مافي مجال
عبدالرحمن بغصه: وهذا الي مانعني
لمياء وهي تمسح دمعتها: الله يكتبلك الي فيه الخير ياخوي
عبدالرحمن ابتسم بضيق: لا اشوف دمعتك تنزل ! وعد؟
لمياء: لا مو وعد ياخي أنا حساسه
عبدالرحمن: قصدك بكايه
عبدالرحمن صاير يركض و لمياء تلحقه و لف عليها و طيرها للهواء: من بنتيييي
لمياء بصراخ وضحكه: اناااااااا
عبدالرحمن نزلها: يااجعلني قبلك بس
لمياء: لا ياجعل يومي قبل يومك ي عضيدي لان بعد عمر طويل اذا مت الله يطول بعمرك يعني الزبده م بقوى على فرقاك
عبدالرحمن: اوف من وين تعلمنا ذا الكلام يبنتي؟
لمياء: اووه من زمان
عبدالرحمن: لا لا ماعرفتك
~ تسريع الأحداث ~
بعد ماوافقت لمياء على مشاري
~ تحديدا يوم الثلاثاء (يوم ملكه لمياء) ~
(ملكه بعدها راح ياخذها على طول)