ياكثر حبك بقلبي والغرام أكثر 🤍

part 7

---------------------
7
--------------------
عند سعود :
وهو يمشي خلاص عساس أنه بيروح للطياره
جاته رساله على الايميل فتحها مكتوب فيها :
استعد لموتك ياسارق معشوقتي
احبها من سنين ولانك قريبها تاخذها مني؟
والله انك تخسي .
استغرب سعود من معشوقته و من قريبته؟
تجاهل الموضوع و اخذ سيارته وهو بطريق المطار !..
----------------------
عبدالرحمن جلس جنب فيصل شافه نايم
قام يتأمل نجد وهي تسولف وهي تضحك
اكتشف انها تحب تسولف كثير و تمنى أنها تسولف له كذا و سكر عينه
بالرسغ حقه غمض عيونه بابتسامه... نام
بعد مده من الوقت سمعوا صوت تهدئه
و صوت بكى غريب !!
فتح عينه بتعب وببطـء شاف نجد تبكي
لفت عينه على لمياء شافتها تهدي نجد !
عبدالرحمن قام بفجعه ركض لجهتهم!
حط يده على مؤخره راس نجد
عبدالرحمن: وش فيك؟ ردي!
لمياء : في واحد طلق على ولد عمها سعود
عبدالرحمن تنهد براحه ان مافيها شيء
: طيب يعني نرجع؟
نجد : تكفى دححوم طلبتك حاول تخلينا نرجع
دحوم فز لانها طلبته: ابشري بس هدي
راح يكلم الطيار و كلمه عن الحاله و قام يحاول يقنعه
راح لنجد بعد ماراحت لمياء دوره المياه ( الله يكرمكم)
جلس جنبها بالمقعد : نجد الحين انتي بخير؟
نجد : يب الحمدلله
عبدالرحمن: كويس
نجد : يب
عبدالرحمن: بس انتي ليه مهتمه له كذا يعني؟
نجد تذكرت مواقفها معه و استحت: لانه ولد عمي !
عبدالرحمن: يب ادري بس مااحس طبيعي كذا ؟
نجد: دحووم ليه تسال كذا ؟
عبدالرحمن: بس فضول
نجد : طيب شرايك تزوره معنا بالمستشفى ؟
عبدالرحمن: تمام ! بسالك
نجد : هلا؟
عبدالرحمن : هو يحبك؟
نجد : ليه؟
عبدالرحمن: برضو بس فضول
نجد : ايوه
عبدالرحمن: وش ؟!
نجد : تقريبا نقدر نقول يحبني ؟
عبدالرحمن بضيقه : حلو
نجد: دحوم شفيك؟
عبدالرحمن شبك يدها بيده و حطها بقلبه وقال :
يـّ نجـد ! شوفي دقات قلبي لما اكلمك وماتبيني اضيق؟
يـّ نجـد تراك تنحبين بسرعه !
نجد وهي تحاول توخر يدها: دّ دحوم تكفى وخر لا يشوفونا كذا !
عبدالرحمن : ما يهمني ! الي يهمني اني اعترفت لك !
نجد : دحوم تكفى
عبدالرحمن فك يده اليمنى و حط صبعه السبابه بشفتها:
هشش خلينا كذا ! انا احبك !
نجد تركت يدها : صرت اكره نفسي ! كل دقيقه احد يحبني !
عبدالرحمن: لانك تنحبين! بس لاتكرهين نفسك صدقيني مابيفيدك !
نجد مسكت كتابها عساس تتجاهله
عبدالرحمن بضحكه: كذا تتجاهليني؟ ترا عجبني ذوقك تقرين كتابي المفضل !
نجد ناضرته: تحب كتب اسامه المسلم!
عبدالرحمن: تقدرين تقولين
نجد : جووييي
قاموا يسولفون عن كتب اسامه المسلم
بس عبدالرحمن كان يتأملها بابتسامه و يشوفها
تسولف بشغف و حماس وكانه تحققت امنيته!
وانبسط برضو لانها قامت تنسى الموضوع
----------------------- عند سعود
وهو بالطريق للمطار نزل عشان يروح البقاله
عساس يأخذ له مويه
نزل فجاه جاته طلقه في كتفه !
صرخ عشان أحد يسمعه و اغمى عليه !
شافه واحد و دق على الإسعاف و الشرطه !
راح سعود للمستشفى والشرطه قامت تحقق بالموضوع
----------------------- المستشفى
كان سعود بالعنايه
و مرام و ابو مشاري وام مشاري ومشاري وعبد الله يبكون
و ابو فيصل وام فيصل يهدوهم
بعد مده من الوقت
دخلت نجد و معها فيصل و لمياء و عبدالرحمن
نجد شافت حالتهم بكت وانهارت
فيصل قامت تنزل دموعه بندم
لمياء تهدي نجد و عبدالرحمن يهدي فيصل
قام عبدالله و راح لفيصل بعد عنه عبدالرحمن
عبدالله عطى فيصل كف بغصه : لو انت رجال كان تفاهمت معه مو عذر أن اختك بكت تجي وتمشي ي قوي انت !
ماهي كذا الرجوله
وراح لنجد : ترا ماهي قوه اذا شجعتي اخوك يمشي و يترك الكل كذا بدون خبر بس الشرهه مو عليك الشرهه على اخوي الي حبك من قلبه
الكل قام يناضر عبدالله بصمت و فيصل يتحسس خده بألم من الضربه
طلع الدكتور غيث تجمعوا عنده و يسألونه بويش صار لسعود وكذا
دكتور .غيث: لاتخافوا هو بخير بس جاته اصابه بالكتف و المفروض محد يضربه من كتفه أو بالاصح يؤذيه الين نسوي العمليه لكن الي عليه حاليا يتبع الادويه الي بعطيه و باذن الله بيتعالج لاكن للاسف هو حالياً في غيبوبه م نعرف متى بيصحى بالضبط و شخصين يدخلون فقط
دخلوا ام مشاري وأبو مشاري بعدها عبدالله و مشاري
بعدها مرام اختارت تدخل لحالها
مرام دخلت انهارت بكي و قالت : تكفى يسعود انت قوي تكفى...تكفى لا تتركنا من بعدك ماراح افضفض لاحد تكفى زي مافرحتنا برجعتك فرحنا بصحتك
جت النيرس : خلص وقت الزياره
مرام باست يد و راس سعود و طلعت
بعد 3 اسابيع
طبعا مرام صارت م تاكل الا لقمه لقمتين وبالغصب بعد ونفس الشيء لعبدالله و مشاري
اما بالنسبه لابو مشاري و ام مشاري حالتهم كانت جدا سيئه لكن يقنعوهم ياكلوا عشان لا يمرضوا لان يكفيهم سعود
وبالنسبه للمياء و عبدالرحمن راحوا الرياض لان طولوا بالديره
وبالنسبه لنجد كانت تبكي يومياً و تلوم نفسها ووجهها صار اصفر مره و ذابل مرهه ودخلت المستشفى كثيير لانها م صارت تاكل حرفيا وصار محد مهتم لها اذا كلت ولا لا
بس فيصل ! فيصل كان هادئ جدا فقط يواسي أو بالاصح ماتخطى الكف و كلام عبدالله
راحت ام مشاري كالعاده لسعود
وهي تقراء قران فتح عينه بشويش وببطء شدييد!
بعد 3 دقايق تقريباً فتح عينه كامله صرخت ام مشاري
: دكتورر دكتتوووورر
دكتور غيث : وش فيك ي ام مشاري؟
ام مشاري : سـ سعود فـ فتح عييينه
دكتور غيث ركض و دخل لغرفه سعود
دكتور غيث : اخ سعود ؟ تسمعني!
سعود بصعوبه: من انت؟ وين انا؟ وين امي وابوي واخواني ؟ وييين نجددد؟؟
دكتور غيث ابتسم : انا دكتور غيث دكتورك انت دخلت في غيبوبه بسبب طلقه نار في كتفك والشخص الي طلق عليك مسكوه امك برا وابوك وأخوانك بالبيت (يحسب نجد أخته) ووحده من خواتك دخلت المستشفى هنا كثيييير
سعود : ماعندي الا اخت وحده ؟
دكتور غيث باستغراب : لا فيه بنتين خواتك؟ نجد بنت عبدالله الـ****** ؟ والثانيه مااعرف اسمها
سعود بضحكه : اسم الاب غير ي دكتور بس تبي اقولك شيء؟
دكتور غيث بابتسامه: معليش ماركزت بس اسمعك؟
سعود بهمس: احفظ اسمي و اسم نجد بنت عبدالله لان باذن الله بعد سنه من الان تجي المستشفى وهي حامل
دكتور غيث باستغراب: هي مو متزوجه ؟؟!
سعود انصدم حسب انها تزوجت ابراهيم بعنادها: ايش!
دكتور غيث : جت اول يوم مع واحد؟ بس الباقي لحالها مع اخوها
سعود: تكفى لا تكفى لا لا لا
دكتور غيث : سعوددد تنفس براحه تنفس براحه
زاد نبض سعود
------------------------ في المستشفى برا الغرفه
(عبدالرحمن راح الديره هو و لمياء لان لمياء تبي تشوف نجد)
دخلوا ابو مشاري وام مشاري و عبدالله و مشاري و عبدالرحمن و نجد و لمياء
نجد كانت حاطه راسها على كتف عبدالرحمن و لابسه جاكيته لانها بردانه و ماسكه يده لان يده كانت دافيه و يدها بارده كان عبدالرحمن هو الي قال لها سوي كذا بحكم البرد و كانت عبدالرحمن مبتسم دخلوا داخل نجد وخرت راسها و كانت تحاول تفك يدها منه بس كان شاد على يدها بقوه و مسك راسها بخفه و حطه بكتفه
نجد : دحوم
عبدالرحمن: عيون دحوم و قلب دحوم
نجد : عادي تفكني؟ عشان لا يفهمون غلط
عبدالرحمن: وانتي مهتمه اذا فهموا غلط ولا؟
نجد: بس اخاف سعود يزعل !
عبدالرحمن: ليه حبيبك ولا زوجك؟
نجد : ولا واحد بس وخر
عبدالرحمن: بس بتبردي!
نجد: عادي بس فكني
عبدالرحمن تنهد: بكيفك
فكها وكل هذا كان تحت انضار عبدالله وابتسم لانها حست شوي
دخلوا عند سعود
سعود بتمثيل الابتسامه: ايوه انا بخير الحمدلله بس مشاري تعال ابغاك
راح مشاري لسعود بهمس: وش بغيت؟ تعبان ؟
سعود بهمس : وين نجد؟
مشاري بهمس : لاتستعجل جايتك
سعود بهمس: طيب
طلعوا كلهم من الغرفه عشان يروحوا كافتيريا المستشفى
دخلت نجد مع عبدالرحمن
عبدالرحمن بهمس: نجد لا تفسخي الجاكيت بتبردي
نجد بهمس: ماببرد خلاص وخر
سعود شافهم يتهامسون و غار مره بس حسبها صدق تزوجت صد بقهر
عبدالرحمن راح جنب سعود و مد يده: الاخ سعود؟
سعود ناضره بتمثيل ابتسامه: ايوا من معي ؟
عبدالرحمن : معك عبد الرحمن
سعود: ماعرفـ...
سكت سعود لما جت نجد حضنته بقوه بادلها و دخل انامله بشعرها الي هو يحبه
عبدالرحمن ناضرها بقهر لانها راحت حضنته بس سكت
نجد : سعوديي ياخي لا تعيدها
سعود : من عيوني
باس راسها
سعود بهمس: من هذا؟
نجد كانت بتقوم من حضن سعود
سعود شد عليها بهمس: اقعدي واضح انك بردانه
نجد بهمس: ثواني وبرجعلك
سعود بهمس: طيب
قامت نجد
نجد مسكت يد عبدالرحمن و هو ابتسم: بعرفكم على بعض سعود هذا اخ صحبتي ميمي عبدالرحمن أو بالاصح انا اقوله دحوم
سعود ابتسم بس ينتضرها تترك يده
جلست بحضن سعود و سعود يلعب بشعرها: دحوميي هذا سعود
ولد عمي بس باسبوعين صار اطلق ولد عم بس برضو انا اقوله سعودي
عبدالرحمن : والنعم
سعود : ماعليك زود
نجد : تعرفوا على بعض بروح اشرب مويه و بجي
طلعت نجد
عبدالرحمن: تحب نجد؟
سعود بابتسامه: ايه
عبدالرحمن : حلو
سعود: وانت من تحب؟
عبدالرحمن: برضو الي تحبها
سعود فز : نجد؟
عبدالرحمن : ايه بس لا تخاف بحاول اني ابعد عنها
سعود : كويس
عبدالرحمن: انت تشتغل بالعسكريه؟ أو الشرطه؟
سعود : لا
عبدالرحمن : من وين جاتلك الطلقه؟
سعود : وأحد طلق علي
عبد الرحمن: كويس
دخلت لمياء : دحوم قوم نطلع احس اني مو مرتاحه هنا
عبدالرحمن : ليه ؟ بالعكس احس ارتحت هنا
لمياء : ياخي في واحد يناضرني نضرات غريبه
عبدالرحمن: من هو ذا؟
لمياء : من اهل نجد
سعود : الزبده من اهلي صح؟
لمياء لفت على سعود : ايوه
سعود: كيف شكله ؟
لمياء : عيونه بنيه اتوقع رموشه كثيفه لحيته برضو شوي كثيفه
سعود : هذا اخوي
عبدالرحمن : عندك اخوان؟
سعود : ايه مشاري و عبدالله الي وصفته اختك مشاري
نجد جات : شفييه مشاري؟
سعود همس لنجد : خاق على صحبتك واضح
نجد فزت : افا
نجد همست لـ لمياء : الي شفتيه مز؟
لمياء بهمس: اهخ يجنن يجنن مرهه
نجد : حرام عليك !
لمياء: وشو؟
نجد : كنت ابي ازوجك فيصل ! عشان نعيش مع بعض .
لمياء مسكت دقن عبدالرحمن : تزوجي دحوم شوفي جمال رموش كثيفه شعر ويفي
عبدالرحمن صار يضحك
لمياء : ضحكه حلوه وش اطلق من كذا؟
نجد همست للمياء: سعود
لمياء ناضرت سعود شافت نضرات الغيره بعينه
لمياء : اووف تصريحح قوويي
عبدالرحمن و سعود ناضروهم باستغراب !
نجد : حسبي الله عليك فشلتينيي
سعود : شفيتس؟
لمياء : انتوا تتكلموا كذا يعني اخوك وكذا
سعود بضحكه لما فهمها: ايه
نجد راحت جنب سعود : تكفى ابي ازوجهم
سعود بهمس : زواجنا قبل
الدكتور غيث جاء : اححم اححم
سعود : تغطي
نجد : لا
سعود بتمثيل زعل : طيب كيفتس
طلعوا عبدالرحمن و لمياء عشان يمشون
نجد : افف ليه عندي زوج غيور كذا
سعود: مو عاجبتس؟
نجد : لا
سعود: تفضل ي دكتور
جاء دكتور غيث: سعود يلا تقدر تطلع
نجد : احلف
الدكتور ضحك : والله
نجد حضنت سعود و طلعوا شافوا مافي احد
نجد : دكتور وينهم؟
الدكتور غيث : مشوا
نجد : ياربيي
الدكتور غيث: ليه من مزعلك؟
نجد : بيخلوني مع ذا الوسخ
الدكتور غيث : اوف ؟
نجد : ايي تخيل يادكتور
جاء وراها سعود سكر فمها : ناويه تفضفض الاخت
طلعوا مع بعض ركبوا السياره وداها البحر
سعود : نجد ودي اخطبك
نجد : ايش؟
سعود : ودي اخطبك
نجد : بس احس اني مو جاهزه
سعود : تكفين نجد بس خطبه
نجد : سعودد
سعود : عيون سعود
نجد : ياخي لا مايصلح
سعود : ياخي ابي اشيلك بحضني وكل شيء بدون محد يمنعنا أو يقولوا لنا عيب نجد تكفين والله الزواج متى ماتبغي
نجد : سعود مو الحييين موو الحيين
سعود : طيب وش شروطك ؟
نجد : م تغصبني على شيء انا مابغاه زي الحجاب و غيره
سعود : طيب
نجد : بس احس يعني حالياً ماببالي شيء
سعود: انا شروطي بسيطه
نجد : وش هي؟
سعود : مو لازم تعرفي
نجد: قوللل
سعود : ماتلبسي عبايات ملونه تتحجبي زين مو مع الكل تمونين بس مع البنات اوكي تقدري اني رجل مسكين غيور تتنقبي اذا تبغي احتفالات يوم وطني يوم تاسيس مانبيها و...
نجد : تكفى اسكت جاني ضيم
سعود : ليه؟
نجد : ماانفعلك انا ابغى افك شعري و البس عبايات ملونه واحتفل وانبسط! مو طبيعي بعيش بضيم!
سعود : طيب يصير خير
نجد : وش تبي تسمي حفيد ابوك؟
سعود : اذا ولد هزاع واذا بنت لين
نجد :مابغى! ابي اسمي ولدي جاك و بنتي لارا
سعود: اييش!!
نجد : امزح ولدي حمد و بنتي غيم
سعود : الولد هزاع البنت غيم
نجد : تممم
سعود ابتسم
نجد : يلا نمشي بعدين نخطط
سعود وهو يضحك : ابشري
رجعوا البيت
نجد دخلت بعدها بفتره دخل سعود
استقبلوه عبدالله و مشاري
مشاري بنضره غضب سحب سعود من كتفه (بالتيشيرت)
وداه الصاله ( فاضيه) رماه بالكنب
وقف سعود : خيير خيير وش مسوي انا؟
مشاري : مسوي فيها انت الي م تشوف حريم وماادري وش اخر شيء تطلع مع نجد ؟
سعود: طيب الي تتكلم عنها بتصير خطيبتي !
عبدالله: بتصصييير لسا م صارت ويمكن تعتبرك زي اخوها
مشاري : صح كلام عبدالله
سعود سكت صح انهم كانوا متفقين بس حس انها فهمته غلط وتحسبه يمزح .
تغيرت ملامح سعود وصارت ملامح تعب بالسرعه هاذي !
----------------
البارت ذا اقصر بارت صح؟
معليش بس البارت الجاي اتوقع اني بكتبه كذا دسسمم
ويمكن اكتبه و وحده من الكاتبات تكمله عندها 🙏🏻
حطو نجمه و كومنتت يحلويين