اعتذريلها يله!!
يوسف گال
چانت الدمعه بطارف عيني
يوسف شدتحچي انت وخر!!
اني گلت وحاولت اوخره مني
هو لزم ايدي وقرب الي وحط راسه يم وجهي
اعتذريلها هسه حالا!! اذا متعتذرين ميصير خير!!!
يوسف صيح عليه وگعد يهز بيه
چنت منزله راسي وابچي
خره بيك يوسف
يوسف وخر عوفني!!!
اني گلت وگعدت احاول اخذ ايدي
چان شكلي چني مخبله واني احاول اوخر منه
حتى هو انصدم
عافني لا اراديا
اني گبل اول ما عافني رحت ركض
چان شعري ديطير واني منزله راسي ومغمضه عيوني وابچي واركض بدون ما اعرف وين اروح
لحد ما انلطمت بصدر ولد
ردت اوكع بس هو لزمني من خصري
باوعت لوجهه
هذا موسى
اي شباب موسى التعمري
وخر مني.
اني گلت ودفعته وكملت ركض
رحت ظليت اركض لحد ما رحت وره المدرسه
اول ما رحت وره المدرسه رحت حطيت ظهري عالحايط
وتعال شوف الي يسكتني
ظليت اتنفس بصعوبه
وابچي بچي يگطع
ظليت ابچي وابچي لحد ما صار الوكت للمحاضره
_______________________________________
youssef's pov
چنت گاعد بالصف
بعد ما رحت وديت صوفيا لبيتهم
رجعت للمدرسه
واني گاعد بمقعدي وصافن
زينب مموجوده
اتذكر بچيها وگلبي يتگطع
بس تستاهل
البنيه شسوتلها علمود هيچ تسوي بيها
واني گاعد وصافن ما اسمع الا المدرسه ام الرياضيات تصيح
لك يوسف اطلع بره!!
هي گالت
ليش شكو؟
اني گلت بعد ما استوعبت
ما منتبهه بالدرس. يله اطلع.
هي گالت
اني اخذت نفس وگمت وطلعت
اول ما طلعت اخذتها فرصه ورحت ادور على زينب
ظليت ادور المدرسه كلها
وخلص الدرس وبدأ درس ثاني
بس اني ظليت ادور عليها
طلعت موبايلي وخابرت على اهلها
هم گالو ماهيه
خفت عليها وهذا الشي الي خلاني ادور عليها بعد
عفت كل الدروس
ظليت ادور عليها واكلت خره من الخوف
هسه تطلع رايحه واحد مسويلها شي
او سوت حادث
لا لا مستحيل
هي الجن يخاف منها
ظليت ادور لنهاية الدوام تقريبا
بعدهم الطلاب بالصفوف
بس حيطلعون
