والله يا زينب گمت اكرهچ انتِ وغيرتچ!!
يوسف گال
خدت الصدمه بئه
تكرهني؟..
اني گلتله
هو حط ايده على راسه منگدام
وظل صافن
اني ظليت دموعي تخر
ظلينه فد عشر دقائق هيچ
هو صافن بوجهي واني ابچي واباوع لأي شي غير عيونه
حاولت اوخر من يوسف ببطئ
بس هو وگفني بأيده
ها يوسف؟..
اني گلت بتعب
زينب.. ليش تغيرتي؟ مو قبل چنتي حبابه؟
يوسف گالي
يوسف.. ليش بعدت عني؟ قبل چنت متكدر على فراگي شغيرك؟
اني گلتله
باوعلي وركز بتفاصيلي
حط ايده على خدي
اني رأسا غمضت عيوني
حسيت هاي الحركه خلته يتألم
مدا اريد اضربچ..
يوسف گال
اني فتحت عيوني
همزين..
اني گلت
چان ديمسد على خدي
مدري شبيه تخبل الولد
وخرت ايده من على خدي ورحت
اصبري اني اوصلچ.
يوسف گال
كمش ايدي وخلاني اروح اكعد بالسياره
گعدت وهو اجه گعد بالسياره
حرك السياره
طول الطريق چنت دا ابچي واباوع بالجامه
وصلنه للبيت
هو طلع من السياره واجه يمي
فتحلي باب السياره
ومن نزلت جسمي صار كلش قريب من جسمه
باوعت لوجهه شويه واني دا اتحرك
چان ضايج وحزين
طبك مرض
وخرت منه ورحت يم باب البيت
قبل لا افتحها باوعت ليوره
لگيته يباوعلي وصافن عليه
طنشته وفتحت الباب
طبيت للبيت وسديت الباب
لگيت ماما دتمر گدامي بالصدفه
طبعا عرفت متعاركين. شكو شصاير؟
امي گالت
اني ملزمت نفسي گبل گمت ابچي
ماكو شي!
اني گلت
شون ماكو شي وانت دتبچين چنچ طفل!!
امي گالتلي
ضربني!!
اني گلت لماما
شنوو؟! هو منو علمود يضربچ!!
امي گالت
بوكتها حلفت بعد ما تطببه للبيت الا من يعتذر
رحت صعدت فوگ
غيرت ملابسي ونمت
