مخبل!!
اجتي گمر وهيه تباوعلي
شويه چانت غريبه
وصلتلي ووگفت يمي
شبيچ؟
اني گلت
مابيه شي. اگلچ امي خابرتني لازم اروح للبيت.
هيه گالت بنبره طبيعيه
اي اني اصلا چنت حرجع لبيتنه.
اني گلت
تمام. يله باي.
هيه گالت وراحت
اني ظليت امشي ورحت وگفت تكسي
وگفلي وشكله مو راحه
طبيت وياه
وين اوصلچ؟
هوه گال
وصلني لـ*****.
اني گلت
حرك السياره
وصلت وطلعت من السياره
انطيته فلوس وطبيت للبيت
شلونه يومچ؟ ذوله يوسف وزيدان حاچوچ؟
امي گالت اول ما طبيت
يومي زين. گمر كلش حبابه.
اني گلت وردت اروح
ويوسف وزيدان؟
امي گالت
ما حاچوني ولا تعرضولي.
اني گلت وشردت فوگ
بدلت ملابسي وشمرت روحي عالفراش
اخخخخ الفراش احلى شي بالحياه.
_______________________________________
Youssef's pov
خره بعرضچ زينب
اليوم من شفت هذاك ينطيها رقمه ملزمت نفسي
والمشكله هيه اخذته عادي
ما توقعت تخطتني بهالسهوله
واني لسه معلگ بالماضي وكل الي افكر بيه هيه لحظاتنه سوه
الحلوه والمره
ما اجاني نوم فگعدت عالكمبيوتر
فتحت ماينكرافت وظليت العب
لگيت الاي طاب بالسيرڤر مالتنه اني وجماعتي
طبيت وراه واتصلت عليه وظلينه نلعب واحنه متصلين
اني بنيت بيت بمكان بعيد عن بيتنه القديم وهوه بنه بيت بصف بيتي الجديد
_______________________________________
Zainab's pov
زينب اگعدي ترى وراچ دراسه! اذا متگعدين هسه والله اعوفچ وما اگعدچ!!
ماما گالت
چنت دا احلم وفجأه ماما طبت بالحلم هيچ تگول
فتحت عيوني واستوعبت دتحاچيني بالحقيقه
يوووو ما اريد ادرس مااا ما اريد اگعد اريد اظل نايمه!
اني گلت بتذمر وحاصرتني البچيه
