شصار قبل شويه؟!!
حسيت بمشاعر مختلطه
فرح لأن لگيتها
وحزن لأن حسيت اني ما اهمها
ظليت صافن شويه لحد ما استوعبت انو لازم اروح للمحاضره
رحت رأسا لقسمي ودخلت للمحاضره واني عقلي مشوش
گاعد انتظر تخلص المحاضره علمود اطلع والكاها.
اگدر اطلع شوكت ما اريد بس هيه اكيد بالمحاضره فحتلو اطلع ما الگاها
بس الحمدلله خلصت المحاضره
رأسا گمت وطلعت
حرت وين الگاها؟
ممكن الگاها بقسمها؟
بس اني مادري بيا قسم هيه
لحظه..
هذيچ وينها دا تمشي بسرعه
مشيت وراها على كيف وحاولت اخليها ما تعرف اني دا الحگها
ظليت امشي وراها بالختله لحد ما گعدت بمكان وحدها
ظليت متردد شسوي
رحت قربت منها وعلى كيفي حطيت ايدي على چتفها
فزت ورأسا باوعتلي
ظلت تباوعلي
چان بلعت ريگها
وخرت ايدي من على چتفها بقوه وگامت
انت شدتسوي تلحگني وين ما اروح؟ شنو مهووس؟؟
زينب گالت
زينب شبيچ؟ مو انت حبيبتي؟؟
اني گلت
شنو حبيبتك؟؟ لازم تتخطاني لأن اني تخطيتك من زمان.
هيه گالت
حسيت گلبي انكسر فدمره
شنو شلون تخطتني
زينب تتخطيني بهاي السهوله؟
اني گلت وعيوني تدمع
شنو بهالسهوله؟!هو غير صار سنوات من اخر مره شفتك بيها؟! وخر من يمي يله! مخبل!.
هيه گالت وراحت من گدامي
_______________________________________
Zainab's pov
اسفه يوسف
بس هاي تعليمات امي
چنت دا امشي وهوه واگف وراي ومصدوم
ياعيني والله قهرني
دمعت واني دا امشي
شفت گمر گاعده بعيد وحدها
رحت يمها رأسا علكود اسوي نفسي تخطيت وعندي صديقه وهاي
صحتلها من بعيد
گمر!
اني گلت
هيه باوعتلي وابتسمت
رحت رأسا وگعدت يمها
شفتچ گاعده وحدچ واني هم وحدي فگلت خلنگعد سوه.
اني گلت
الف رحمه على والديچ والله مليت اظل وحدي.
گمر گالت
ظلينه نحچي سوه لحد ما شفنه الاي مر گدامنه
چان رايح يم زيدان الواگف بعيد
