زينب!!!
اني صيحت صيحه عمري ما صحتها بحياتي
زينب وكعت من حضني
نصيت الها
شلتها ورحت ركضت بيها لسيارتي
حطيتها بالسياره
وخرت الربطه من اديها ووخرت القماش من حلگها وعيونها
ياعمري
وجهها كله كدمات
وجسمها متروس دم
ضربوها برجلها الطلقه
هسه هيه مغمى عليها
رحت طبيت بالسياره وحركت
مشيت باسرع ماعندي
اني اسوق وابچي
زينب لا تخافين! اصبري محيصير شي والله!!
اني چنت دا اسوق واحچي وياها
هي مغمى عليها
ماتحس بشي
يوسف...
گعدت تهمس وهيه مغمى عليها
روحه. عيونه. گلبه. كلياته ثنينهن. رئاته ثنينهن.
اني گلت ويه كل يوسف تگولها
هسه.. اني بأ.. مان؟
هيه گالت
اي زنيبتي! اي انت بأمان!
اني گلتلها
شكرا يوسفي..
هيه گالت بصوت ناصي
تحلى يوسفي اسمعها بحياتي
ابتسمت واني دا ابچي
وصلت للمستشفى وطلعت من السياره رأسا
رحت على مكانها وفتحت الباب وشلتها
صحت الدكاتره علمود يجون يشوفوها
اجوي كم رجال
شالوها وراحو طببوها
اني چنت متروس دم
لأن شلتها وهيه كلها دم
دخلوها لغرفه وظلو بالغرفه
محد يطلع واني بره ومادري شسوي
اخابر اهلها ويرزلوني لأن هم مأمنيني عليها واني ماگدرت احميها
لو ما اخابرهم ويصيرلها شي وهمه ميگدرون حتى يشوفوها
عفت كل هذني الخيارات وخابرت صديقي
الاي. رحمه للكعبه تعال للمستشفى.
اني گلت لالاي
شكو خيرك خيي؟!
الاي گال
بس تعال حباب.
گتله وسديت الاتصال
ارتچيت عالحايط
ظليت صافن ومادري شسوي بس ابچي
بعد عشر دقائق
شفت الاي اجه يركض
لك خيي شكو؟!
الاي گال
زينب...
اني گلت
گتله كلشي صار بوكتها
ان شاء الله ميصير شي. تطلع بالسلامه ان شاء الله. ولا تنسى اني وياك.
الاي گال
حضنته رأسا
اني وين الگه صديق مثلك!
گلت واني شابكه
