_______________________________________
Zainab's pov
مرت 3 اسابيع
وصوفيا الكلبه نفس حركاتها
بس شويه غيرتهن لأن حيكتشفها اذا ظلن نفس الحركات
يعني مثلا ذبت على نفسها سطل مال مي لمن اني قربتلها بالغلط
وهمين من گصت جزء من شعرها عساس اني گصيته
خلت يوسف صدگ يضوج مني
ديله عساس شلون مهتمه اني
هو الغلطان
شنو شلون مهتمه
كلش مهتمه
خره بيك يوسف
اجه هذا اليوم الي اني چنت گاعده بيه
اجتني صوفيا وقربت مني
عثرت ووگعت عليها الماعون الي چنت دا اكل بيه بالكافتريا
حاولت اشيل الماعون
بس زربت بالموضوع
طلع شكلي شلون انو اني الي دا اوگع عليها الماعون
هيه رأسا صاحت
اوي عيني
يوسف هستوه طب للكافتريا
اول ما شافها بالگاع ومكبوب عليها الاكل ومبينه اني وگعته عليها اجه ركض
وصللنه وگبل راح يم صوفيا
گعد بالگاع يمها وهيه تبچي!
تبچي باقوى ما عندها
باوعلي شويه
باوعلي بنظرة شخص محبط
عشتوو
محبط انوب
اني المحبطه حبيبي هيچ
منو سوالچ هيچ؟
هو گال
چان يدري انو اني
حتلو مو اني
بس حب يسأل
زز. ززين.. ب!
گالت وهيه تبچي وتشاهگ
باوعلي بنظره حاده ورجع باوع لصوفيا
گومي گومي.
يوسف گال
هيه كامت وياه
مادري شصار وياهم
ياخي خاف جذبته وصار شي بينهم
حتلو حضنه
اخاف منها هاي البنيه مو قليله
رجعت للصف بعد ما دگ الجرص
چنت هادئه كلش وبداخلي نيران
الله لا ينطيچ صوفيا
گعدت بمقعدي وحطيت راسي عالطاوله
حاولت انام بس مگدرت
صوت المدرسه مزعج كلش كلش
واني دا احاول انام سمعت صوت غير صوت المدرسه
اگدر افوت؟
يوسف گال
اول ما سمعت صوتي رفعت راسي
وين چنت؟!
المدرسه گالت
رحت للبيت واجيت. چان عندي شغله مهمه.
يوسف گال
وليش ما تستأذن قبل لا تروح؟!
المدرسه گالت
مچان عندي مجال. بعدين مو الا استأذن. تره مو جهال احنه.
يوسف گال وهو يباوع لوجهها بتحدي
