مهير : احمدي ربج عاطنج ويه
امنه: مب ميته عليك انا
مهير : مبين
امنه: سير عني مب متفيجتلك
ردو العزبه
على العشا الشباب كانو يشوون
مهير طول الوقت سراحان و يفكر في كلام امنه(مب ميته عليك انا)
حمدان : مهير مهير حوه وين انته
مهير : وياكم وياكم
منصور : وياكم و لاعند حد ثاني
مهير : دخيلك اسكت
عند البنات يتمشون حوالين العزبه و امنه شاله مايد وياها
مايد : هديني ابا انزل
امنه: وين تنزل مب لابس نعالك و لا انا بهدك اصلن
مايد يصرخ :هديني ما اباج
فطيم : تعالي بشلك
مايد: مابا بسير عند منثور (منصور)
امنه: صبر بوديك
ودته عنده
امنه: منصور دخيلك شله تعبني اخوك
منصور : هاتيه حبيب القلب و يغمز
حمدان : هييي حبيب القلب يهوجس
مهير : بلعنك الحين
امنه مب فاهم شي ما اعطت الموضوع اهميه
منصور : هاتي جاكيت حق حبيب القلب عن يبرد
امنه : شي ثاني اخويه العزيز
منصور : لا فديتج
امنه سارت يابته الجاكيت
منصور: لبسيه
امنه : تتأمر بعد - حبيبي ميود تعال البس الجاكيت
مايد : ما ابا البث
امنه : ميود مب متفيجتلك تعال ولا ياويلك
ميود سار يربع عند يلست الشباب : انتي تعاليي انا ما ابا
امنه: ياربيه ها الي بيخبلني تعالي ميود
ميود سار عند عمه خليفه : عمي ثوف (شوف) امون مب شطره تباني البس جاكيت
خليفه : حبيبي لازم تلبس برد شوف حتى انا لابس سير البس عشان تكون نفسي
مايد : تعال وياي
خليفه الذكي استغل الموضوع و قال حق مهير يودي مايد عند امنه
مهير شلاه و وداه عندها : ها لبسيه
امنه: سوري عذبك ميود شكله
شلته ويالسه تلبسه
مهير يالس يتأمل شكلها : لا شو ها النتفه ما يعذب يهلك الواحد ( يقصد امون)
YOU ARE READING
قـلـبـك وطـن وانـا مـواطـن بـاراضـيـك
Actionعايله عايشه في ابوظبي كلهم في بيت واحد كيف بتكون حياتهم ؟؟؟ اليد: مبارك اليده:هند عندهم بنتين و ثلاث اولاد تميم اكبر اخوانه عمر 55 متزوجه بنت خالته لطيفه عندهم بنتين و ثلاث اولاد فطيم اكبرهم عمرها 25 منصور اكبر الاولاد عمره 23 امنه عمرها 20 سيف...
