صباح يوم الجمعه في المانيا قررو الشباب و البنات انهم يروحون مخيم في الغابه بعد ما قنعو اهلهم في هل شي جهزو قشهم و تأكدو من كل شي و بدو يحطون كل شي في السياره خلني اقولكم من بيسير
طبعا عيال عابد بيسيرون وياهم
خلفيه
ريسه
حمد
فطيم
سيف
مديه
سعود
سعيد
شمسه
شيخه
خلني بقوللكم عن حمدان و كلثم شوي اول خمس ايام كانو موجودين بس بعدها قرر حمدان انه يشل حرمته و يكملون سفرتهم في فرنسا الان قريبه من المانيا
المهم
نكمل قبل ما يطلعون سلمو على كل حد
اليده: انا مب مرتاحه من سيرتكم هاي مالها داعي الصراحه
خليفه:اميه ترا عادي بنغامر
اليده: هييي الله يعيني على مغامراتك يا خليفه
خليفه: لا ما عليج مغامراتي فنانه
اليده: صح صح
خليفه: امايه تسلكين
اليده: شو هاي الرمسه بعد
خليفه: اميه نحن بنطلع عشان ما نتأخر
اليده: هي عيل يلا الله يحفظكم و تحملو عاد خلكم وياه بعض
ريسه: ان شاء الله
بعد ما ركبو السياره و توجهو الي المخيم الي فالغابه
مديه وقتها كان يالسه على الفون و تبحث عن المكان اكثر
مديه: تخيلو
الكل: شو
مديه: مكتوب انه عادي اي وقت يطلع لنا دب و لازم يكون عنا هاي شنطة الاكل عشان الريحه
سعيد :انا يبتها نحط فيها الاكل و نربطها على الشيره بس تكون بعيدا عنا
سيف: هي شفت وايد اجانب جي يسوون
سعيد : هي والله كله من الفيديوهات
فطيم: كم باقي
خليفه: نص ساعه
مديه: من الحين مليت
شيخه:هي والله
مديه: شواخي و شموس تبون تشوفون وياي منزله فلم على نتفلكس حلو
شمسه: عادي عندي
شيخه: ما اقول لا
ريسه و فطيم في نفس الوقت:افا مديه نسيتينا
مديه:لا وين انساكم انتو خلكم بعيد عني مليت منكم
فطيم: افا افا يا مديه
مديه: لا خلاص ما تهونون عليه
ريسه: الحين ما نهون عليج مساعه شو
مديه: ما كان شي ضمير
حمد: توه تحس
المهم بعد ماوصلو ونزلو كل شي و رتبو المكان
خليفه: قومو بنتمشى حوالين المكان
مديه: احس فليل المكان يخوف
سعيد: تخيلي يطلع لج الدب شو بتسوين
مديه: شو بسوي بعد بشرد
سعيد: ما تخيل الصراحه احس يضحك
مديه:انا اقول اسكت احسلك
طبعا طول الوقت سيف ساكت و مستحمل
شمسه: شوفو هناك شي ثعلب صغير بسير بصوره
خليفه : مصغره
فطيم: كيوتتت
حمد: خليتي الثعلب كيوت
فطيم: هي شوف كيف صغير
حمد: اشوف اشوف
طبعا يلسو يكتشفون المكان بعد ما خلصو رجعو مكانهم
مديه: الحين شو نسوي
حمد: شو تسوين بعد ماشي
مديه: مليت
ريسه: تونا نقول بسم الله
مديه: تعرفون شو خاطري اسوي
الكل: شو
مديه:اتسلق جبل
و كلهم نقعو ضحك الا مديه
مديه: شو ما يضحك
سعود: انتي قطار خفتي تركبين بتتسلقين جبل مره وحده
مديه: هيييي عادييي انا ابا اجرب
خليفه: خلوها و انا بسير وياها
مديه: كفو خلوف
خلفيه: منو ها خلوف بعد
مديه: انته
خليفه: غلطانه انا عمج
مديه: كيفي
خليفه: ياربي تصبرني على ما بليتني فيه
مديه: الحين انا بلوه
خليفه: هي
مديه: ما عليه عمي ما عليه
ريسه: عليكم سوالف
مديه: حلوه صح
ريسه: شوي و برقد منها
مديه: اونج تنكتين
ريسه: انتي الواحد ما يسولف وياج
مديه: لا خلاص اسف
ريسه: غصبن عنج بتتأسفين
مديه: لا والله
ريسه: هي والله
مديه: شو نسوي بعد عمتي
وهاي جزئية اليوم ان شاء الله عيبتكم 🌷🌷🌷
اممممم يمكن الجزء الياي يكون اخر جزء🫢👩🏻🦯➡️
YOU ARE READING
قـلـبـك وطـن وانـا مـواطـن بـاراضـيـك
Actionعايله عايشه في ابوظبي كلهم في بيت واحد كيف بتكون حياتهم ؟؟؟ اليد: مبارك اليده:هند عندهم بنتين و ثلاث اولاد تميم اكبر اخوانه عمر 55 متزوجه بنت خالته لطيفه عندهم بنتين و ثلاث اولاد فطيم اكبرهم عمرها 25 منصور اكبر الاولاد عمره 23 امنه عمرها 20 سيف...
