قـلـبـك وطـن وانـا مـواطـن بـاراضـيـك

جزء31 النهايه

المسا على الساعه سبع كلهم سارو يتعشون في المطعم الصغير فالمخيم

شيخه: احس ما ابا اكل

ريسه: ليش

شيخه: لعت جبدي من ريحة المكان

مديه: هي والله ريحة المكان مب شي

خليفه : هاي الريحة زيت الخنزير بس بشوف اذا عندهم شي حلال

سعيد :شي اكل حلال هني بحثت في الموقع مالهم

خلفيه: انزين شو عندهم

نطوف شوي

بعد ما رجعو عند خيمهم

كل حد دخل خيمته

طبعا شي خيمتين حق البنات و خيمتين حق الشباب

عند مديه الي يالسه تتجلب مب رايمه ترقد قررت تروح تيلس برع طلعت و يلست حوالين الشبه الي مولعينها و يالسه تهوجس

بعدها بشوي طلع سيف من الخيمه و سار يلس على الكرسي الي جدامها

فزت مديه بخوف: بسم الله روعتني

سيف: شو موعنج الحين

مديه: ما ياني رقاد

سيف: اها

عم الهدوء من بينهم

يلس سيف يفكر بين نفسه يعترف و لا بس يخاف انه هي ما بتسامحه و لا بتبادله نفس الشعور

سيف بتردد: اممم مديه

مديه: هلا

سيف: عندي موضوع لازم تعرفينه من فتره و انا يالس افكر اقولج و لا

مديه تمت ساكته خافت يكون نفس الموضوع الي فبالها و تنفجر عليه لكن الي ما تعرفه انهم هم الاثنين يبادلون بعض نفس الشعور بس يكابرون

سيف: مديه دخليج سمعيني لين اخر شي

مديه بس يالسه تشوفه و هي ساكت ماشي اي ردت فعل

سيف: مديه انا ندمان والله على كل شي سويته لج ندمت وايد بعد اباج تسامحيني و نفتح صفحه يديده يمكن ما كنت احس قبل اني احبج بس بعد ما تطلقنا حسيت بها الشي

مديه اول ما قال هل كلام حست انه حد جب عليها ماي بارد ،يحبها صدق و لا

سيف: اعرف انج مصدومه والله ما كنت احس بلي اسويه يمكن لانه وايد اثر علينا وفاة يدي بس صح كلامه هو يعرف شو الشي الصح و الغلط و انا وانتي حق بعض مديه مالنا غير بعض دخيلج سامحيني اعرف انه الي سويته وايد غلط بس صدق بعوضج عن كل شي والله والله اني احبج و ما اعرف كيف كنت عايش هاي الفتره سامحيني دخيلج (احس وايد خبصت 🙃)

مديه: سيف ما عرف شو اقولك بس الي سويته وايد مب شوي سيف انته كسرتي وايد كل يوم ارقد و انا متضايجة و افكر ليش انا جي عايشه مب انته ندمان انا ندمانه لانه ما تقبلة هل زواج من البدايه لدرجه كانت احلم في يدي وايد و هو يقول تراني زعلان منج كنت ما ارقد سيف ما ارقد دوم افكر في كلام يدي دوم يقولي انا اعرف مصلحتج خليني اكون ميت في قبري و انا مرتاحه بس عنادي و كبريائي حتى طلع على يدي سيف ماعرف الصراحه