الصبح كل حد سار دوامه و سيف ما داوم تم وياه مديه و فطيم نشت الصبح على ساعه 8 و سارت عند عمتها ريسه دقت الباب و دخلت كانت عمتها واعيه
فطيم: صباح الخير ريوس
ريسه: صباح الخير فطيم
فطيم: عندي طلب وقولي تم
ريسه: اسف قولي اول شي
فطيم: اذا ما نفذتيه بزعل عليج سنه جدام ما بكلمج
ريسه: خلصي قولي
فطيم: شو رايج نطلع نتريق
ريسه: لا مشكوره مابا
فطيم: حبيبتي عموه انتي من متى ما ظهرتي و كله فالحجره عشاني لو تعزيني خلينا نظهر و تغيرين جو دخيلج لا تسوين جي بعمرج تعبتينا وياج والله خلاص يدي الحين في مكان احسن ونحن وياج فديتج عموه يلا نشي
ريسه وايد اثر عليها كلام فطيم و قالتلها طلعي بشوف و بقولج و صدق وقتها فطيم فقدة الأمل فيها
عند ريسه سارت تسبحت و لبست مخوره و رديه عليها و رود و طلعتلها عباه ملونه و سارت حطت ميكب و تعطرت و طبعا هي قررت انه( بتغير هل شي فيها و تعيش حياتها و الحين ابوها في مكان احسن و بتحاول تغير و جهت نظرها في امها و اخوانها لكن ما تقدر الي سووه في عيال اخوانها وايد مب شوي ) وظهرت سارت الصاله فطيم كانت نازل من الدري
فطيم وايد استانست يوم شافت عمتها : الله منو ها الي كاشخه
ريسه ضحكت
عايشه: هلاااااا ريسه علومج شو هل جمال
ريسه: الحمدلله طيبه مب احلى عنج
عايشه: على وين
لطيفه: اووووو ريسوه هني و انا اقول ليش جي المكان منور
ريسه : ههههه ها كل التراحيب عشاني شو
عايشه: عيل حق منو اكيد انتي
فطيم: خلونا نبا نطلع - سحبتها وطلعت سارو ركبو السياره و ودتها كوفي عشان يتريقون
وصلو
ريسه يت بتنزل
فطيم: لااااا دقيقه
ريسه: شووو
فطيم نزلت سارت صوبها وفتحتلها الباب
ريسه: هههه خلج دوم جي
فطيم: تامرين على شي الشيخه ريسه
ريسه: ابا مليون درهم
فطيم: لا تصدقين عمرج وايد هههههه
ريسه: هههههههه
ودخلو الكوفي ويلسو على الطاوله و طلبو Iced Spanish latte و iced caramel macchiato وFrench toast
فطيم: عموه
ريسه: هلا
فطيم: الاسبوع الياي بنسير العزبه ترا
YOU ARE READING
قـلـبـك وطـن وانـا مـواطـن بـاراضـيـك
Actionعايله عايشه في ابوظبي كلهم في بيت واحد كيف بتكون حياتهم ؟؟؟ اليد: مبارك اليده:هند عندهم بنتين و ثلاث اولاد تميم اكبر اخوانه عمر 55 متزوجه بنت خالته لطيفه عندهم بنتين و ثلاث اولاد فطيم اكبرهم عمرها 25 منصور اكبر الاولاد عمره 23 امنه عمرها 20 سيف...
