قـلـبـك وطـن وانـا مـواطـن بـاراضـيـك

25

وقتها مديه ما انتبة انها وصلو المحطه الي مفروض ينزلونها بس هم ساكتين و مخلين عليها هاي الشغله الانه تعرف المناطق هني

سيف: مديه مب هاي المنطقة الي مفروض ننزلها

مديه: شو ماشوف ها الي جدامي راسه عود

سيف ضحك عليها الانها قصيره: شوفي من الفون و مدلها الفون

مديه : اووووو والله ما انتبهت سوري والله

سيف: ياويلج منهم

مديه: شو اسوي ما نتبهت

خليفه: ها اي محطه

سيف: راحت علينا مرينا عليها الحين لازم نتريا عشرين دقيقة

خليفه عصب : مديه اصلن دوم تتفلسفين شوفي شو سويتي

مديه: شو اسوي ما نتبهت

خليفه: شو الي ما نتبهتي

مديه: شو فيك مب بالعمد

خليفه: افففف مديه صدق انج ياهل

مديه ما تحب حد يقوللها جي حطت في خاطرها وايد

ريسه: ما عليه ترا ما انتبهت

مهير : ها الي يوثق في وحده جي

مديه: شو الي وحده جي شو فيني انا

مهير : شو الي ما فيج

امنه: بسكم مب يهال

مديه: شو الي مب يهال ما سمعتي عمج اوكي عادي حتى لو يهال مالك خص

خلفيه: مديه احسلج تسكتين

حمد : بس ترا ما تسوى

سيف حس انه كسرة خاطره من اسلوب خليفه لها و هو معصب حس على دمه كيف كان يعاملها و تندم اكثر

المهم بعد ربع ساعه وصلو المحطه الي مفروض ينزلونها

كان زحمه الي يطلع و الي يدخل فوضه

كل حد طلع الا مديه اخر وحده بس الي ما تعرفه انه سيف و ياها نازل

يوم يت بتنزل الباب سكر مافي مجال تطلع هني توترة وايد و خافت يوم القطار بدا يتحرك كانت شوي و بتصيح

عنده خليفه

خليفه: ايه شو اسوي الحين هاي شدراها

ريسه: مديه اخاف تضيع هاي روحها ما تعرف

امنه: سيف وين

فطيم: صح وينه شكله وياها

خلفيه : صبر خليني اتصل عليه

حمد: احيانا ماشي ارسال في القطار بس حاول

عند مديه الي خلاص يالسه تصيح اول مره جي يستوي لها(ماتخيل شكلها😂😂😂)

سيف اول ما سكر الباب تحسب مديه نزلت لكن ما يدري انها في القطار يلست مديه و في وحده سوريه عدالها لاحظت عليها انها تصيح
بكتب بلغتنا

؟: ليش تصيحين
مديه: ضيعت المنطقه و اهلي نزلو انا روحي

؟: لا تخافين شوفي عند اسماء المناطق بيكون اسم المكان الي تبينه موجود و ترا هو يروح مناطق محدده

مديه شافت الشاشه الي فوق وحصلت اسم المنطقه وهي خامس محطه

عند سيف بعده مايعرف انه مديه موجوده حصل مكان فاضي صوب مديه الانه هو اربع كراسي كل كرسيين مجابلين بعض يا بييلس جدامها و ويه مديه كله دموع يلس و يالس يستوعب منو الي جدام على طول فز يوم عرف انها هي و وقف جدامها و هي ويها احمر من الصياح

سيف:مديه

مديه رفعت راسها :سيف و تنهدت براحه انها مب روحها

سيف: شو فيج ترا عادي

مديه: شو عادي اول مره جي يستوي فيني

سيف يلس يضحك

مديه: ها الي فالح فيه

سيف: سوري بس ويهج يضحك احمر شرات الطماطه

مديه عطته نظره و سوت طاف

سيف استوعب انه يالس وياها و يرمسها كيف هي جي تخطت بسرعه

هاي جزئية آليوم ان شاءالله عيبتكم اعرف انها قصيره السموحه🏃🏻‍♀️‍➡️🌷🌷🌷