قـلـبـك وطـن وانـا مـواطـن بـاراضـيـك

جزء2

يوم الخميس قبل ما يسيرون العزبه بيوم

كل واحد مشغول يجهز اغراضه

البنات طالعات ياخذن كم شي ناقصهن

لطيفه يالسه عند اليده هند برع في الحوي

دخلت عليهم ام مهير و هيره (صح انه مطلقنها لكن دوم تمر وتاخذ عيالها تحوطهم معنى اصلن هم ما يدانونها الانها شايفه عمرها و ما تتستر تتحسب عمرها مراهقه ) اسمها منال

منال : وين عيالي

اليده: سلمي على الاقل

منال بدون نفس : سلام عليكم الحين وين عياليي

اليده : محد طالعين

منال : لا والله بدون استأذان

اليده: ليش انتي اصلن من متى مهتمه فيهم و ترا استأذنو من ابوهم مب غريب

منال : والله هاي هيره براويها اليوم جان ما كسرتها ما اكون منال

اليده: تخسين تمدين إيدج عليها بكسرها

منال اتصلت على هيره

هيره: الوه

منال: وينج تعالي البيت الحين ولا والله بسوي فيج شي ما يعيبج

هيره: ما برد اشوف شو بتسوين

منال اتصرخ : ردي الحين لا اخلي متعب ايج ( متعب ريلها و دوم تهددهم فيه و من هم صغار يوم يكونون في بيت امهم يضربهم و اكثر عن مره مىحرش في هيره و هي ساكته من الخوف )

هيره : تخوفيني يعني

منال : هي هي اخوفج

هيره:و الله مب يايه

منال : انا فالبيت بترياج لين ما تردين

و طبعا طول الوقت منال فالسياره تترياها ترد

المغرب ردو البنات البيت

هيره: فطيم شوفي قلتلج العقربه موجوده

فاطمه : عنبوها ماتتعب من الي تسويه فيكم

و طبعا كل حد كان داخل البيت

نزلو البنات من السياره و هيره مسويه عمرها ما تشوف سياره امها

نزلت منال و سارت صوب و سحبتها

هيره: هديني

منال : والله اتين وياي براويج شو بسوي فيج

فطيم : هديها و الله ياويلج

منال: انتي يله ياهل يايه تعلميني

فطيم : منو الياهل الحين انتي ما تشوفين شو مسويه فعمرج

منال ياي بتصفع فطيم لكن هيره مسكت ايدها

هيره : تخسين تمدين ايدج عليها

منال : ما مديت إيدي عليها بمدها عليج

مسكت هيره ضربتها ضرب ما يرحمه و هيره بس يالسه تصارخ

على طول البنات سارو يزقرون حد من الشباب الانه ( ابوها و اعمامهم محد )

مهير على طول ياه يربع

مهير سحب هيره و مسك امه من لبسها

انصدمو من حركت مهير ابدا ما توقعو انه جي يسوي

خليفه : مهير استهدي بالله هاي امك

مهير بتهديد : والله ان شفتج هني مره ثاني ياويلج تعرفين شو يعني -صح محد مسولج سالفه هني لكن تمدين إيدج على اختي لا ها وايد

منال : انته ابوك ما عرف ايربيك شكله

اليده: منال سيري احسلج وله و الله بوديج وره الشمس انتي وريلج ها

منال خافت وراحت

مهير : فيج شي تعورتي

هيره وهي تصرخ : ها كل وتقول تعورتي

وربعت سارت الحجره

مهير : امنه سيري شوفيها

امنه سارت عندها لين الحجره تدق الباب

امنه: هيره فتحي ليش جي تسوين فعمرج

هيره فتحت الباب وردت يلست على السرير وهي تصيح

امنه دخلت و على طول سارت تحضنها و هيره ردتلها الحضن

امنه: ما عليج منها هاي

هيره تصيح : انا تعبت تعبت من هاي العيشه هي وريلها المت...... (يت بتكمل لكن تذكرت محد يعرف تمت ساكته)

امنه: شو سوي فيج ريلها قولي

هيره: ولا شي

امنه: والله تقولين ما بهدج و انتي جي

هيره خبرتها كل شي و قالتلها ما تخبر حد و تمت امنه عندها لين مارقدت

وكانت الساعه تقريبا 9 فليل

دق مهير الباب

امنه لبست شيلتها : ادخل مهير

مهير : رقدت؟؟

امنه: هي

مهير : انزين تعالي تعشي

امنه: مب لازم بيلس عندها

مهير : برايج

طبعا وصل الموضوع كله عند فلاح وما خلاها فحالها سار عندها و هددها و رفع عليها قضيه انه ما تقرب صوب عياله

هاي جزئية اليوم ان شاء الله عيبتكم ✨