قـلـبـك وطـن وانـا مـواطـن بـاراضـيـك

29

مديه كانت واقفه و عدالها سيف لكن في مسافه

و بدت توصل مسجات لمديه وراه بعض وقتها سيف انزعج يبا يعرف منو ها الي حاشر تليفونها مسجات

سيف: منو ها الي حاشرج بالمسجات

مديه سوت طاف

سيف: اسأل جاوبي

مديه: مالك حايه

سيف: لا لي حايه

مديه: قلت مالك حايه ما تفهم

سيف: لا ما افهم قولي منو

مديه: ما يخصك خلاص ترا تطلقنا اذا نسيت اذكرك

سيف: مديه انتي شو ما تفكرين ليش جي تعذبيني انا ندمان والله ندمان لا ليلي ليل و لا نهاري نهار ياخي حسي فيه

مديه: توك تحس انته ما كنت تحسسني اني حرمتك او انه لي قيمه عندك بعد شو ياي تبررلي

سيف: مديه خلنا نفتح صفحه يديده و بعوضج عن كل شي سويته قبل

ما كمل كلامه الا هم يطلعون من اللعبه و مديه وقتها ارتاحت

سعيد : والله فاتك اشكالهم تضحك

سيف: ههههه مره اليايه

شمسه : مديه عاد اللعبه اليايه بتركبين

مديه: تممم

ريسه: شوفو ها القطار احسه حلو

مديه: عموه

شمسه: شو قلت بتركبين

مديه: شو اسوي بعد خلاص اوكي

خلفيه: يلا

ركبو قطار ثاني اصغر عن الي قبل بس كان حلو

شيخه : والله حماس

شمسه: شو رايج مديه

مديه: احسن عن الي دخلناه اول شي

ريسه: اكيد ها الي بتقولينه خوافه ههههه

ويلسو يضحكون

مديه : سخيفين ما يضحك

خليفه: هههههه هي اوكي

لعبو كم لعبه و بعدها شيخه قالت

شيخه: بس تعبت

سعود: مب بس انتي

شيخه: يوعانه

مديه: حتى انا

خليفه: خلنا ناكل شي بعدين كملو الصراحه انا ما بركب بس صدعت

حمد: حتى انا احس عمري تكسرت من كثر ما نخضينا

فطيم: هي والله

حمد: يوعانه

فطيم: هي

حمد: قومي يلا بنسير

سيف: شوفو هناك شي مطعم احس انه حلو

سعيد: سرينا

طبعا راحو المطعم و طلبولهم و بعد ما يخلصون بيرجعون الفيلا طبعا كانت الساعه سبع المسا

رجعو و ما كان في حد فالبيت طلعو يحوطون

خليفه: شوفو الحين ارتاحو بس اذا تبون بنطلع عقب ساعه نسير نتعشى

كلهم اتفقو وياه

طبعا البنات سارو يلسو في اليلسه الخارجيه الانه الجو حلو و خذتهم السوالف و الشباب يالسين داخل

بعد ساعه تقريبا

خليفه: نسيت

الكل: شو

خليفه: كل شي يبند ثمن

حمد: يمكن نحصل شي مفتوح ما تعرف

سعود: هي شي مطعم دوم اسيرله يسكر ساعه 12 شي وايد وقت

خليفه: عطني اسم المطعم

سعود :مطعم****

خليفه: هي قريب تقريبا عشر دقايق

سعيد: نسير

خليفه: يلا

طلعو كلهم من شباب و بنات و توجهو للسياره و راحو المطعم

(خلنا نتكلم اكثر عن مديه و سيف بعد ما استوى ها الموقف مديه حست انه سيف يبا يقول شي بس ما تعطيه فرصه او ماشي وقت مناسب و ها الشي الي يخلي سيف ينفجر فجأه و يقول كل شي اما مديه صح انها حاطه في خاطرها عليه لين الحين لكن تحس انه شي مشاعر السيف لكن ما تقدر تقول شي الانه خذلها بس دوم تقول لو الشخص كان صدق يحبها ما بيتم ساكت و تفكر اذا رجع اعترف لها شو بتكون ردت فعلها بتم مكسوره ولا ؟؟؟)

خلص يومهم على خير

وهاي جزئية اليوم ان شاء الله عيبتكم 💞💞💞