Aashiqui ~ Abhirohi

Abhimanyu's Stand

They both reach Birla house after pag phera

Manjari- aagye tum dono.

Aarohi- ji maa.

Abhimanyu- mai woh hospital ki mails check karleta hun room mai

Aarohi- Abhimanyu aj tum dinner mai kya khaoge

Abhimanyu- kuch bhi

Aarohi- maa mai dinner mai kya bnaun

Manjari- beta tu abhi aayi hai. Tum Jake kapde change karo and fresh hojao. Mai dinner bnati hun

Aarohi- maa but..

Manjari- Maine kaha na beta ki tum change karlo mai dinner bnati hun

Abhimanyu- Aarohi maa thik keh rhi hai tum chalo

Both Abhirohi goes in room,
Neil knocks their room

Neil- Bhai bhabhi may I come in

Abhimanyu- Ajaa Neil

Aarohi- Neil yeh tumhare bhai ka room hai tum kabhi bhi aa sakte ho

Neil- Bhabhi knock toh karna padhta hai na. Bhai ka bharosa nhi hai kab kuch bhi karle aur room khula chodh de

Aarohi blushes

Abhimanyu- Neil tujhe romance ke alaawa kuch Suchta nhi hai na. Ab bta kya kaam hai

Neil- woh aap dono ko Taiji and sir ne bulaya hai

( sir is Harshvardhan I.e Abhi's and Neil's father. In serial, they used to call him sir as Harshvardhan used to neglect manjari which both Abhi and Neil didn't like)

Aarohi- Hum abhi aarhe hai

Neil goes
After 2 mins, Abhirohi comes down

Taiji- Abhimanyu aur Aarohi mujhe and Harshvardhan ko tumse baat karni hai

Aarohi- Ji taiji

Harshvardhan- Hum dono ne decide kiya hai ki aarohi abse hospital nhi jayegi.

Aarohi- What?

Taiji- Harsh ka matlab hai ki abse Aarohi sirf aur sirf ghar sambhalegi. Woh Birla hospital mai toh kya, kahi aur bhi job nhi karegi. Aarohi ki shadi hui hai aur usse ab apne ghar pe dhyaan dena chahiye. Aarohi uske liye tumhe apne sapno ko sacrifice karna hoga.
Tum ghar pe khaana bnana aur manjari ki help karna. Hospital ko mai dekhlungi
Yeh rha tumhara resignation letter, ispe sign karo and apna ghar sambhalo

Manjari- Didi par mujhe ghar ke kaamo mai help ki zarurat nhi hai.  Aur agar zarurat bhi ho toh Ghar pe staff hai woh meri help kardenge toh uske liye Aarohi hi kyun?

Harshvardhan- Manjari tum is matter se bhar hi raho toh aacha hai

Taiji- lo Aarohi, pen uthao aur resignation letter pe sign karo

Aarohi picks the pen to sign the letter
She is shocked as well as emotional too. She didn't expect that Birlas would do this to her.
Aarohi remembers her dreams, her books, her study table, her hardwork, her MBBS exam day, her first day in Birla hospital, her first surgery
Her hands shake a lot while holding the pen

Abhimanyu snatches pen from aarohi and throws it.

Abhimanyu- Taiji Aapne ek decision liya aur aarohi pe thop diya. Kya aapne yeh pucha ki aarohi kya chahti hai. Aapko pata bhi hai ki usne kitni mehnat kari hai doctor banne ki. Woh din raat khun pasina bahakar padhti thi. Uski jab mom ki death hui tab usne ussi din decide kar liya tha ki usko doctor ban na hai. Aur ab jab woh ek kaabil Doctor banne ke layak hai tab aap usse keh rhe ho ki sapne sacrifice kardo.

Taiji- Abhimanyu Aarohi Intern hai na hi doctor

Abhimanyu- Taiji jab aap intern thi toh aap apne naam mai Dr. Mahima Birla kyun lagati thi? Aapne hi toh kaha tha na ki intern bhi doctor hi hota hai. Aur yahi baat doctor ki, toh I bet ki Aarohi bohot hi achi doctor banke dikhayegi

Taiji- Abhimanyu Aarohi ko ab ghar sambhalna chahiye. Maine kaha na Hospital mai sambhal lungi.

Abhimanyu- Taiji mai ek Sachi baat bolna chahta hun, shayad aapko woh baat buri bhi lag sakti hai. Aap chahti hi nhi hai ki koi bhi birla bahu hospital mai rahe. Agar koi bhi bahu rahegi toh aapka competition badh jayega right?
Paarth bhai bhi ek doctor ladki se pyaar karte the par aapne apna competition dekha aur unki shadi Shefali bhabhi se krwayi. Apko Shefali bhabhi isliye achi lagi Kyuki woh ek journalist hai na hi doctor. Apne uss time pe bhi decision liya tha aur sab pe thop daala tha. Kya aapne Shefali bhabhi se pucha ki woh Parth bhai ke sath khush hai bhi ya nahi. Taiji agar aap Aarohi ki jagah hoti toh kya aap bhi apne sapne sacrifice karti, Nahi na toh phir kis haq se aap aarohi ko Sapna sacrifice karne ko bol rhi hai.

Taiji- Abhimanyu shaadi ke baad pati patni ko sacrifices karne hote hai

Abhimanyu- taiji aap bilkul sahi keh rhe ho. Shadi ke baad pati patni ko sacrifices karne hote hai par agar jo sacrifice pati ya patni ko khush na rakhe toh us sacrifice ka koi fayda nhi hota. Aap ne kyun nhi shaadi ke baad job chodhi. Aap bhi chod deti. Taiji agar competition rakhna hai toh khud se rakhiye na dusro se kyun rakh rhi ho

Harshvardhan- Abhimanyu faltu ki bhais mat karo. Aarohi ko pen do aur usse woh papers sign karne do

Abhimanyu- sir aap toh rehne hi dijiye.aapne bhi meri maa ka sapna chudhwaakar rasoi pakdadi thi. Apne meri maa ke sapnon ki kadar nhi kari. Mai bohot chota tha aur mujhe tab samajh nhi thi ki sapnon ki ahmiyat kya hoti hai. Apni maa ke sapno ko mai bacha ( safe) nhi paya par apni biwi ke sath mai aisa hota kabhi nhi dekhunga.
Meri biwi kaam karegi aur Birla hospital mai hi bohot acchi doctor banegi. And Aarohi kal se hi mere sath hospital join karegi and this is final

Aarohi cries and runs in room
Taiji and Harshavardhan also goes in their room

Abhimanyu- maa mujhe mera aur aarohi ka khaana dedo hum room mai hi khalenge.

Manjari keeps some food in tray and Abhimanyu takes the tray in his room.

In Abhirohi's room,
Abhimanyu- Aarohi ab Rona band karo aur khana khalo

Aarohi- Mujhe woh paper sign karne dete na. Kyun mere liye stand liya tumne. Mujhse kya pyaar karte ho tum nahi na phir kyun nhi sign karne diya. Jab ghar ke bade yahi chahte hai to kyun nhi karne diya

Abhimanyu- Mai tumse pyar nhi karta lekin tumhare liye tumhare sapnon ki importance janta hu. Tum itni ambitious ladki ho aur tumne bohot mehnat kari hai. Itni sari mehnat ko mai paani mai nhi doobne de sakta tha. Tumhara pehla pyaar tumhara profession hai aur mai nhi chahta ki mere ghar walo ki wajah se tum apne pyaar ko sacrifice kardo.

Aarohi- Abhimanyu tum samjhate kyun nhi ki shadi ke baad adjustment important hoti hai.

Abhimanyu- mai samajhta hun ki adjustment important hoti hai but bahu ko hi nhi, sasural walo ko bhi adjust karna chahiye. Kal se tum hospital chalogi and mere under kaam karogi. Humare bech mai pyaar toh nhi hai lekin mai I promise you ki mai tumhe sab sikhakar ek kaabil doctor banaunga.

Aarohi- but...

Abhimanyu- now no but no ifs no sorry and no thanks
Ab chup chaap khana khao aur sojao

Abhimanyu gives her plate
Aarohi eats

Aarohi- tum bhi khana khao

Abhimanyu also eats
They both change their clothes and sleep facing towards wall