كـم تـغيرت "أولاد الأمـيـن"

Part2🌸

گال: دخيلك يا أبو فاضل

رحت للبيت باوعت ؏ أيليف

أيليف: ها شكو

ابتسمت الها
_ماكو شي حبيبي لتخافين يالخوافة

_لا اني ما اخاف

ضحكت

باوعت عليَ وگالت

_من يجي يوم السبت تا..
بعدهي ممكملة قاطعتها
_ايلو حبيبي كم مرة گتلج هذا الموضوع مترجعين تفتحي

دمعن عيونها

_يعني شنو بس انتِ وتوتي ترحن وأني ما اروح

_لعلمج بس أني من صاار عمري 16 بطلت ارووح

_ايي بس أني بعدني مصاار عمري 16 يعني اگدر اروح

_تؤ تؤ مترحين

_ليشش والله مشتاقتله كُلش هوايي
گعدت بالگاع تبچي بشهگة زرفت گلبي

_باعي أيلو حبيبي هوَ مبقاله شيء ويطلع وبعد ميحتاج نروحله اصبري بس هالفتره

_لجج شلون اصبر واني كُل ليلة اتأمل تقبلين اروحله
_إيلاف.. إيلاف

_باعيي لج بيبي تصيحني هسَه وهذا الموضوع مترجعين تفتحي مرره ثانيه

مسحت دموعي

_ها يروحي

_يمه ما تجيبين لجدج غطى

_ايي موو يدلل اصيࢪله غطى
___________________________________

دائمًا اسمع البنت حبيبة ابوها وانُ شما سوت يبقى يحبها وفعلًا مثل ما اسمع هيج ابوي چان هيج مثل ميگولون يعني بس أني ما واعية ؏ حنيته او ما اتذكر حنيته لأن من صار عمري 5 سنوات ابوي توفى واحنه يعني اني وامي چنه يم بيت عمي عايشين عيشة الخدم وعندي اخت متزوجة واحد سكير ويتعاطى مخد*رات بس سبحان الله هيج اهله أوادم وميفوتون فرض صلاة وعندها ولد اكبر مني ب 3ونص او 4 سنوات

حاطة صورت اهلي گدامي وابچي هذا وضعي كُل يوم شگد ما ابين الهم قوتي بالنهاية اكتشف انُ اني ضعيفة من ينجاب طاري اهلي

_تولين.. تولين هييي وينج

مسحت دموعي وعطت

_هاا هااا

_عابت لهل وجه باعي لج اني وبنتي حنروح للجيران ارجع الگاج منظفه البيت

_ايي خوش

باوعت عليَ بنظرات مدري شلونها وراحت

_خااب دطيري هوَ ياهو البي حيل ينظف

ضميت الصورة وكملت دراسَه

_لججج تولين ولجج صخاام الصخمج يمفلوكه

(بضحكه)حلوو هسَه بدت لعبتي
عطت بصوت عالي
_خيرررر

سلمى(زوجة عم تولين): ولج هوَ اليشوف وجهج يشوف خيرر اني موو گتلج تنظفين البيت هيي بت الفگر

_شوفي حگلج ثلاث شغلات اسمعيهن زين اولًا اني الي يشوف وجهي چنه شايف العيد ثانيًا اني موو خدامة الخلفوج حتى انظفلج البيت وانتِ وجهالج توصخون

_ هذن شغلتين الثالثة شنوو ؟؟

_يعني تردين تعرفينها تمام

گمت من الچرباية(السرير) ورحت باتجاها هيَ واگفه يم الباب جريتها من شعرها

_ولج منوو بنت الفگر هاا منوو ولج اني بنت تاج راسج ولجج

_اخخ.. شعري عوفي شعري ذهب يمه وينج هاي المسودنه راح تموتني ولج يمه نعال وينج

اجت ذهب بنتها عمرها 19

_هيي عوفي امي عوفيها يالمخبلة
دفرتها وگعت عفت شعر امها

_هيي بر*** كم مرراا اگلج التنظيف ؏ نعو*لتج بس انتِ اخخ منج متوبين ابد وتجبريني أدبج رغم هذا موو من اخلاقي بس صراحةً انتوا ناس متنفع وياكم الاخلاق وتجبرون الواحد يطلع من طوره يله روحي انتِ وهاي البر***

طلعن من الغرفة رگعت الباب وگعدت ابچي تعبت يا ربي تعبت شنو هالعذاب اللي جاي اعيشه ضليت بغرفتي لليل صاحوني ؏ العشاء
حطيت شال ؏ راسي وگعدت يمهم

__________________________________

في مكان آخر

_عرفت اسمها

_ياريت لوو بس اسمها حتى الجامعة الي تداوم بيها جبتها

_كفووو حبيبي

_بس ليش طلبت مني اجيبلك معلومات عنها

_بعدين تعرف حبيبي

_الله يستر منك

ضحكت بصوت عالي

_اتفق الله يستر من الشي الي حسويه

يتبع...
___________________________________

صوتو عمري🌸