الـسلام عليك يا أبا عـبد الله الحُسين
______________________
ملاحظه: أي كلام يدور بين بطل من الأبطال وشخص ثاني تركي فـَ من يمكم أفهمو ديحچون بالتركي
_____________________________
راح يـامـان ردت ادخل للمحل الي دخلتله نـور بس أستوقفتني رنة تليفوني طلعته من الجنطه اشوف منو المتصل شفتها تـولـيـن رديت مبتسمه بس الأتصال هذا مچان وگته أبد أتصال گلب فرحنه لحزن وخوف وقلق
_إيـ إيـلاف الحگيي
_شكو تـولـيـن شصايرر؟
ردت بس أفتهم منها ماكو بس تشهگ
_ ع كيفج يله أهدئي وأحچيلي
_ أيـسـر أيـسـر تعارك هو ووو وحيدر وحيدر چان شايل مسدس وضربه بالمسدس وهسه أحنه بالمستشفى تعاي الله يخليج
_دزيلي موقع المستشفى
سديته أرجف وادعي يكون بخير دخلت للمحل الي دخلتله نـور باوعتلي مبتسمه ورجعت تحچي وي الموظفه
_نـور
باوعتلي
_ها عيني
_أيـسـر تت تصوب
ضربت خدهه: عززهه
وشمرت الفستان الي بيدها ع الموظفه البصفها وطلعت وأيـلـيـف ورانه هيه وأيـهـم
أجرنه تكسي الطريق خلصناه بس ندعيله بالسلامه ونـور بس تبچي حقها أخوها وصلنه للمستشفى سئلنه الأستعلامات
دخلنه للممر لمحت أحـمـد ومُـهـيـب مدري شجابهم أشكالهم كأنما چانو يتعاركون رحنالهم بسرعه أحـمـد يفتر ومُـهـيـب حاط أيدي ع راسه يحچي بصوت ناصي محد يسمعه وعيونه مدمعه وتـولـيـن بس تبچي
_ جاي يسووله عمليه إيـلاف اخااف يصير بي شي والله ما اسامح نفسي أذا صارله شي
حضنتها أبچي لتخافين أن شاء الله مابي شي بس هوَ شلون تصوب وأنتِ شوداج يمه
_موو هسه أحچي ما أگدر بعدين
هزيت راسي بتفهم وأتذكرت جدو وبيبي باوعت ع الساعه بتليفوني بـ سبعه ونص
يبوووو هسه وقت علاجهم وهمه بعدهم ما متعشين يا الله حچت نـور بصوتها الگوه ينسمع من البچي _شبيج تبسبسين
_هسه بالسبعه ونص وبيبي وجدي ما متعشين وهسه وقت علاجهم وما أگدر اروح قبل لا أتطمئن ع أيـسـر
_زين أيـلـيـف تعرف تسويلهم عشه
هزيت راسي بـَ أي
التفت ع أحـمـد وگامت أله حچت وياه شويه وطلع تليفونه أتصل وضل يحچي
أحـمـد: لتصييح هسه موو زين گتلك مُـهـيـب ما يرضه أگلك يله تعال وصلها وبعدين أرجع خووش.. أنچب ولتصيح
سده وباوع ع نـور ورجعتلي
_دقايق ويوصل يـامـان يجي ياخذها
_شكراً
_لتشكريني لج بعد أحنه أهل
أنت تقرأ
كـم تـغيرت "أولاد الأمـيـن"
Randomكُـل مـره أسـأل نـَفـسي هـل يـتغيرون الـمتعجرفـون أم يـبقون كـما أعـتدنا عـليهم أو هـل يـأتي غـريب يـهتم بي أكـثر من الـشخص ألـذي يـُسميه الـبعض "سـَند"
