________________________
فرحت لـ إيـلاف من عرفتهه توظفت ولگت مكان تسكن بيه ما ردت اخرب فرحتها واگلها ع موضوع زواجي اشوفهم يحضرون للزواج عبالهم راح يتم هذا الزواج ومن كل عقلهم يگولون هوَ عقد سيد وهو عرس يسولفون بس بالي مو يمهم
_تولين تولييين
فزيت ع صوت نور بنت عمي
_ههاا
_وجعا موو جاي اصيحلج ليش متردين
بالگوة لزمت نفسي مارحت نتفت شعرهه
_ماسمعتج هسه شصار عيني وأذا ماسمعناج انگلبت الدنيا
_شوو صايره تلاسنين لو لأن سمعتي راح تزوجين استهترتي
_غريب اول مره اعرف التزوج تستهتر وبعدين منو گلج اني راح اتزووج
_ولججج ماتزوجين شنيي غصباً عليج تزوجين هسه مو زين واخوي قبل بيج
حجتهه وفورًا هجمت عليه واني چنت منتظرتهه من الله رغم اعرف وراها راح انضرب بس تحز بخاطري ما اخذ ولو شوي من حقي جرت الحجاب من شعري واني لزمت كفشتها وصرنه وحده تعت بشعر الثانيه اشتعلت نااار احس ذبيت كل حيلي حتى اضربها مره الگه نفسي لازمه قميصها ومره شعرها ومره اضرب بأيدي بلا ما احس
وعلى صوتها اجو اهلها وصارو يضربوني ويفككون بيناتنه اني فقدت گلت هيَ فرصه متتكرر مرتين ضروري استغلها كضيتها من رگبتها خنگتها وهمه كلهم يردون يخلصوها مني ما حسيت على نفسي الا من حيدر جرني صرت اصيح بأعلى صوتي لأن تعبت من كلشي وما بيه حيل احمل تعب اكثر من هيج
أنت تقرأ
كـم تـغيرت "أولاد الأمـيـن"
Randomكُـل مـره أسـأل نـَفـسي هـل يـتغيرون الـمتعجرفـون أم يـبقون كـما أعـتدنا عـليهم أو هـل يـأتي غـريب يـهتم بي أكـثر من الـشخص ألـذي يـُسميه الـبعض "سـَند"
