💔ضحيه ثقه💔 روايات ليبيه

الحلقه الثانيه♡

💔ضحية ثقه 💔  
الحلقه الثانيه ♡
قصه واقعيه صارت مع بنيه ليبيه 🫶🏻
قراءه ممتعه 🤍✨
للكاتبه:  الغࢪيانيہ‏‏الغࢪيانيہ‏‏🦋🫧
ـــــــــــــــــــــــــــــــــــ
عبدوو.. اسمعي مئاب تعالي نبيك ضروري
انا.. ها شنفي
عبدوو.. بنقولك حاجه ومعاش نقدر ندسها اكترر 😢💔
انا..  انشاء الله خير 🙂
عبدوو.. مئاب انييي😥
انا.. كنك انت شفيك
عبدوو.. اني من الاخير نحبكك 🫀🫶🏻
انا.. وتتت😱😨
عبدو..  خيرك انخلعتي 🙂💔
انا..  عبدوو شن تخرط 😹
عبدوو..  نحبك شن قلت حاجه غلط 🙂
انا..  وقاعد تعود فاها 🤣🤣
عبدوو..  تي خيرك النم 🙂
انا..  والله ماتعرف تمثل يا راجل 😂😂
عبدوو..  اياه 😂😂
انا..  اي 😂
عبدو..  معناها مافاتتش عليك 😂
انا..  اي ماتفوتش عليا حركاتك اصلا 😂😂
عبدوو..  خساره قبل نبي نفوتها عليك النم 🤣
انا..  ماتفكرش فاها هادي 😂😂
عبدوو..  به اسمعي المره هادي والله نتكلم جديات في عندي موضوع نبيك فيه
انا..خير انشاء الله
عبدوو..  لكن مش توا 😂
انا.. مالا امتى ي تافهه 😂😂
عبدوو..  وقت يصير منه تو نقولك 🙂😂
انا..  به مالا امورك 😂
عبدوو.. تمم 😂😂
ـــــــــــــــــــــــــــــــــــــــ
انا..  رؤوشتي
رؤى..  يا عويناتها
انا..  شنجوك ي الحب 🫶🏻
رؤى..  تموم يقلبي وانتي🤍
انا..  لوز اللوز شنديري
رؤى..  شي كسودي اهو قرايا ونفخ
انا..  نفس الحال هي شنرايك نتلاقو اليوم
رؤى.. اي عادي بعدين ديري عليا رنه
انا..  اوك
ــــــــــــــــــــــــــــــــــ
روايات الغࢪيانيہ‏‏الغࢪيانيہ‏‏🦋🫧
هيثم..  يمى
امه «هدى».. ها نعم
هيثم..  وينك
هدى .. هاني فالكوجينه تعالى
هيثم«حب على راسها».. ها شنحالك ياغاليه
هدى..  كويسه وانت يوليدي
هيثم..  والله الا ماشيه اهو عارفه انتي تعب وخدمه وقرايا ومخلطه
هدى..  ربي يعاونك يوليدي ويبعد عليك ولاد الحرام
هيثم..  آمين يارب
هدى..  شن لابس بتطلع والا شن
هيثم..  اي ي يام بنطلع بنتلاقى مع صاحبي
هدى..  لعفوو وانت كيف جيت
هيثم..  كنت مع اشرف يمى وتوا بنطلعتاني، خير من نقعد مقعمز فالحوش زي البنت
هدى..  كان مش متلاقي مع اشرف مع مني بتتلاقى توا
هيثم..  بتلاقى مع عبدو
هدى..  اممم اني هالولد مش عاجبني 😒
هيثم..  شن يمى الولد الي نصاحبه مش عاجبك شن بنتزوجه اني
هدى..اني قلبي مش مطمني جيهته الفرخ مش خاشلي دماغ
هيثم..  يمى انتي مش متعرفه عليه الولد كيف تحكمي عليه هكي
هدى..  قلب الام يولدي  واني الواد هدا مش عاجبني
هيثم..  اياه علينا  عاد، يمى وقت عليا بنطلع توا وطلعي هالافكار من راسك عبدوو ولد كويس
هدى..  اني اهو قلتلك وانت دبر راسك
هيثم..  هي ماشي ي غاليه
هدى..  برى ربي يفتحها فوجهك يوليدي
ـــــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
وداد.. الو مئاب
انا..  ايوا ها شنجو
وداد..  مليح وين
انا..  والله هاني طالعه بنتلاقى مع رؤى
وداد.. اممم 😒
انا..  اي وانتي وين شنديري
وداد..  قاعده مطموره فالحوش اهو 
انا..  اها
طبعا خلي نعرفكم على وداد
وداد بنت عمت مئاب وصاحبتها هلبا وبير اسرارها متربيات مع بعض وزي الخوات نقشها عالاسود عيونها سود وشعرها اسود وقمحيه وقصيره حتى هيا 😂🫶🏻
فاها غرور شويه وتحب روحها صريحه زياده 😂وهادي شخصيتها باختصار وتو تزيدو تتعرفو علاها فالحلقات الجايه 💛
ــــــــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
رؤى..  ولد عمك بيهبلني 😥😂
انا..  كنه شن داير😂😂
رؤى..  هكي يستفز فيا وخلاص
انا..  😂😂😂مش عارفه بشن تحسو انتم المرتبطين اني مستحيل نرتبط اخيي😂😂
رؤى..  تو يجي ولد امه ونشوفوك شن اديري 😂😂
انا..  لالا مش ناقصني هم ومشاكل 😂😂
رؤى..  تو. نشوفو ي أوبي 😂
انا..  تو نشوفو 😂
ــــــــــــــــــــــــــــــــــــــ
عبدوو..  ها يبلو شن الامور
هيثم..  ها ي الحب  ماشيه وانت
عبدوو..  والله الا لوز  اللوز على قولت مئاب 😂😂
هيثم..  من مئاب جديده اهيا 😂
عبدوو..  لا ياراجل تقرى معاي فالثانويه البنت اهيا 😂
هيثم..  اها شن طيحاتك والا كيف 😂😂
عبدوو..  لالا يا راجل مالتعبش علاها البنت ذكيه وبعدين مش متع مواضيع هادي هيا كويسه وطيبه وتحب قرايتها والناس كلهم تحبها
هيثم..  والله شكلك الا طايح يا صحيبي 😂
عبدوو..  تي لالا يا راجل لا طايح لاشي 😂
هيثم..  تو نشوفو 😂
عبدو..  تو نشوفو 😂😂
عبدو.. قلتلك غدوه تعالالي للثانويه فالمرواح نمشو نعكسو مع الشباب
هيثم..  تم ياقدر تو نجي
عبدوو..  تم
ــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧