💔ضحيه ثقه💔 روايات ليبيه

الحلقه العاشره «النـهـايـــــــــــه»

الحلقه العاشره «والأخيره» من روايه ضحيه ثقه💔

للكاتبه:  الغࢪيانيہ‏‏الغࢪيانيہ‏‏🦋🫧
«للتوضيح القصه كلهاا حقيقيه مافيهاش زيادات بووكلل»

الحلقه اطول من عمري صوتو ي بنات لانها تستاهل وخلو تعليق نزيك زيكم اعطوني فيه رايكم فالروايه كلها🔥✨

هي قراءه نزيييكه💗✨

انا.. اسلام
اسلام.. نعم
انا.. وين هيثم
اسلام.. والله شن بنقولك😟
انا.. شنفي
اسلام.. هيثم دار حادث وهوا جاي فالطريق
انا.. 😳«انصدمت وقلبي وجعني وقريب متت حسيت كانه اني السبب وكنت ماسكه دمعتي بالسيف باش ماتنزلش قدام اسلام و وداد😔💔»
انا..به شنصارله
اسلام.. لالا بسيطه بكري شويه كلمني هوا وقال رجله توجع فيه بس
انا.. 💔💔

روحنا واني خانقتني عبره وقلبي متقطع وبالي مشغول عليه وما ارتحتش الا لما كلمته من وداد وقالي انه حاله باهي واموره تمام

فاتو الايام وكل ما وداد تقولي نمشو للمركز بالك تشوفي هيثم اني نسكر فالموضوع لانه بديت نفكر انه الي صار اشاره وكإنه ربي يقولي هدا الشي غلط وماديريشي💔✨

وداد.. مافاهمه شي تعرفي
انا.. حتني
وداد.. هي نمشو للمركز
انا.. مشعارفه
وداد.. نكلمو هيثم واسلام يجو
انا.. لالا نبيش نتلاقى معاه تي المره الي فاتت دار حادث المره هادي تو يموت حد ريحيني 😂
وداد.. لالا مايموت حد انتي بري شوفيه شن بتخسري
انا.. لالا فوتاها ☹️

وفات قريب شهر 🤍✨

وكان عندنا امتحان نصفي صعب هلبا فقررنا نمشو للمركز ووداد قالت لاسلام واسلام نادى حتى هيثم والمره هادي فعلا خدو معانا حصه 🦦
كان فالفصل اني و وداد وهيثم فقط  اسلام ماخشش وكنا احني فجهه وهوا مقابلنا فالجهه الثانيه من الطاوله

الابله.. جاني تلفون ضروري طلابي نطلع شويه ونجي مانعطلش عليكم
احني.. خودي راحتك
وطلعت
هيثم.. شنجوكم
احني.. تمام
«كنت فلحضتها نحس ب شعور غريب خوف وتوتر وحشم وسعاده كان اختلاط فالمشاعر»
هيثم.. كان ؏ الاساس بيلطف الجو ويبينا نهدرزو عادي.. سنه ثانيه صاعبه
انا.. اي🙄
هيثم.. غر شوفو شوفو كيف عالاساس متحشمه 😅😂
وداد.. هادي مئاب ديما هكي 😂
هيثم.. مئاب ماناكلش فالبنادميه اني ره 😂
انا.. به خلاص🙊« وكنت بنطربق من الحشم 😂🙉»
هيثم..سبحان الله كانها مش نفسها الي لسانها ملوي على رقبتها فالشات 😂
انا.. به خلاص وانتم استلمتوني 🙈
هيثم.. به سكتنا اهو 😂
انا.. ايواه اسكتو 🙃
بعدها جت الابله وكملت تشرح وتمت الحصه وقعدنا نستنو ف اب وداد بيروح بينا والابله قالتلنا اقعدو فالفصل  لوقت يجي وقعدنا مقعمزين وهيثم قعد مقعمز قال للابله بيراجي خوه والا منعرفش شني بالزبط  🙂
قبلها بفتره شريت زوز حدايد وحده سوده ووحده بيضاء على كل حديده  نص قلب
شريتهم ؏ الاساس ليا ولوداد بس تغير الوضع 🙃
فتحت شنطتي لقيتهم محطوطات فصندوقهم طلعتهم
انا.. وداد ترا شدي شنطتي وكتبي شويه
وداد.. هاتي
انا.. شوف هادم هيثم 😊
هيثم.. ترا وريني
انا..مديتله الصندوق
هيثم..«شافلي وقعد يشوف فيهم».. محلاهم 💗
انا.. السوده ليك والبيضا ليا ❤✨
هيثم..تتكلمي بجد انتي
انا.. اي 😅😊
هيثم.. احلى هديه منك وربي 🥹