💔ضحيه ثقه💔 روايات ليبيه

الحلقه الاولى ♡

💔ضحية ثقه 💔
الحلقه الاولى ♡
قصه واقعيه صارت مع بنيه ليبيه 🫶🏻

قراءه ممتعه 🤍✨

للكاتبه:  الغࢪيانيہ‏‏الغࢪيانيہ‏‏🦋🫧
الساعه 10 صباحا🌤.
ماما«رنده»: مئاب يا مئاب نوضي مئاب
انا «مئاب»:  شني يا ماما خليني نرقد
ماما:  نوضي هيا الوزير بيعلن ع فتح الرابط بنطلعو النتيجه
انا: يا ماما ونبي خليني شوفاها طلعت ناجحه نوضيني طلعت ساقطه خليني نكمل نومي 😢
ماما: نوضي يفرخه شن  الكلام اهوا نوضي
«نضت قعمزت» انا: ها نضت نضت باهي خلاص
وضمت سريرها وقعمزت تستنى فالوزير يعلن ع فتح الرابط بش اطلع نتيجتها
ماما: مئاب ي مئاب تعالي طلعت النتيجه ي مئاب
انا: ها شنصار شنصار
ماما: نجحتي ي مئاب نجحتي 88فالميه
انا: كييف 88فالميه
ماما: اي
انا: وااككك توقعت اكتر يعني مش فالتسعينات 😢💔
ماما: عادي المهم نجحتي
ماما: هاك بوك يتصل بيسال شنصار قوليله نجحتي
انا: هاتيه...  رديت..  الو بابا
بابا: ها يا بنتي شنجوك
انا:كويسه وانت
بابا:  كويس هاا شنصار معاك
انا: نجحت
بابا: باهي باهي الف الف مبروك
انا: الله يبارك فيك
بابا.. شنجبتي
انا.. جبت 88فالميه
بابا.. كويس كويس تو نروح ونقيمها بيك انشاء الله  لكن خيره صوتك مش عاجبني
انا..  لا شي يا بابا غر مش عاجبتني نتيجتي توقعت اكتر
بابا..  عادي عادي هادي شهاده والشهاده حظوظ المهم نجحتي وتقدريك ونسبتك كويسات
انا..  اي هدا هو
انا مئاب م2007 نقرى صف تاسع توا نجحت طبعا 😇😂 واني كويسه فالقرايا وتركيزي كله على قرايتي وبس🤓
مرحه وجوي حلو والي نهدرز معاه ينسجم معاي خجوله شويه وطيوبه وقلبي ابيض مانحبش نحقد على حد ولا نحب المشاكل😇🫶🏻.
اني قصيره وجسمي مش سمينه ولا ضعيفه وسط يعني واني قمحيه و عيوني عسليات وشعري قهوي وطوييل 🤎🌚.
ماما.. رنده
بابا.. محمد
عندي ثلاثه خوت..  احمد اصغر مني بسنتين م2009 وتوأم زين و يزن م2020
واخت..  رتيل م 2014
وهادي عيلتي🌸✨
.
.
.
ـــــــــــــــــــــــــــــــــ
وداد.. الو
انا..  ايوا
وداد.. شنصار فيك يفرخه نجحتي
انا.. اي وانتي
وداد.. اي جبت جيد جدا
انا.. كويس الف مبروك
وداد.. االله يبارك فيك
انا..  هي مالا بنسكر نساوين عمامي جايات بنضم الحوش
وداد.. تمام باي
انا.. باي
.
.
.
ـــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
هيثم.. ها ي بيلو شن
صار فيك
عبدو..  قعدولي مادتين وانت 😅😂😂
هيثم..  نجحت اني 😂
عبدو..  تي باهي باهي كل شي بالبركه 😂😂
هيثم.. اي وين نتلاقو اليوم والا ماتقدرش
عبدو..  عادي نتلاقو تو بعدين العشيه ندورك ي قدر
هيثم..  تم يبروو هي ماشي
عبدوو..  ماشي
.
.
ـــــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
انا..  وووكك عليا رجليا بنخش نتمرقد
رتيل..  وبري ارقدي من شادك 😂😴
انا..  ماشيه اهو هي تصبحي
رتيل.. تصبحي تنبحي 😂😂
انا..  ننننيي  ياسرك براده 🙄😂
رتيل..  العرق يضرب ع 16 طالعتلك يوخيتي😂😂
انا..  حشاني من سماطتك اني 😂
رتيل..  بري تمرقدي بري 😂😂
انا..  ماعرفتش شن ترد قالت بري تمرقدي😂😂
رتيل..  والله الا حماره اني نكلم فيك يا دراه 😂😂
انا..  بنرقد نقصي دوشتك
رتيل..  باهي
.
.
ـــــــــــــــــــــــــــــــــــ
تسريع احداث بعد اسبوعين 🌆
انا.. وين بترفعنا يا بابا
بابا..  تو نقولك غر اسكتي بس وانتي دوشتك دوشه 😂
انا..  به🙄😂
بابا..  هي انزلي
انا..  هي
وخشينا محل تلفونات 🌚
بابا..  شن رايك اين واحد ناخدلك
انا..  هات هدا ابيض خير 
بابا.. باهي حاضر..  ترا بالله اعطيني هدا A13
صاحب المحل..  حاضر هي
بابا..  ارتحتي توا اهو شريتلك تلفون
انا..  صحيت يا بابا 😇🫶🏻
وروحت وفتحت البرامج فتلفوني واموري لوز اللوز
.
.
ــــــــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
بعد مرور شهر تقريبا سجلت فثانويه وبديت نقرى 🤍🤍🤓
انا..  شنجو يا بنات
البنات..  كويسين وانتي
انا.. كويسه  الحمدلله
جرس الحصه رنن رنن رنن 🔔
وكملت يومي وروحت للحوش ونفس الروتين نضم ونقرى ونشد تلفوني نكلم صاحباتي 🌸✨
.
.
ــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
هيثم..  توين ي صحيبي معاش تقابل
عبدو..  والله الا قاعد اهو مشاغل ي الخو
هيثم..  كلنا والله 
ترن ترن ترن
هيثم.. ايوا .. تم تم تو بعدين ندورك وقوليلي شن تبي
هبدو.. مني شن مكبد بالدرقه عليا 😂😂
هيثم.. تي لالا وين تكبيد ماتكبيد هادي اختي تبي شويه حاجات
عبدو..  اها قصدك انت ماتكلمش 😂
هيثم..  اي مانكلمش ماحصلتش بنت الحلال يوخي😅
عبدو..  تو نشوفلك وحده اني 😂
هيثم..  والله كان عندك بنت حلال وعجبتني مانقولش لا 😂
عبدو..  البنوت معبي ونحصلك وحده 😂
هيثم.. تم مالا حصلت وحده كلمني علاها 😅😂
عبدو.. تم 😂 هي نتسقدو للقهوه غادي
هيثم..  هي
ـــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
بعد فتره قصيره 🫶🏻
انا..  هيا وداد الاستراحه بتم وانتي ماتميتي كتيبه خلي بعدين تمي
وداد..  اسبقيني تو نجي
انا..  دبري راسك بنمشي نفطر اني
وداد..  به بري وانتي ذليتيني
انا..  البطن قبل الوطن 😂😂
وداد.. بالدات عندك يا مئاب 😂😂
انا..  اي 😂
وجيت طالعه واني نكلم فاها وبنشي بالتوخير 😂😂 ونحصلك خبطه فواحد 😅😂
انا..  احيييي تي خيرك دير عيون
هوا..  انتي تمشي بالمعكوس شن بنديرلك 😅😂
انا..  احييي  به به خلاص
عبدو..  ديما مستعجله 😂😂
انا..  اي مه استراحه لازم نفطر 😂😂
عبدوو..  تبيعي الدنيا على خاطر بطنك 😂
انا..  اي مالا شن 😂هي باي 😂😂😅
عبدو.. ماشي 😂.  عليك فرخه مطرشقهه 😂😂
ــــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
انا.. ماما ي ماما
ماما..  ها نعم
انا..  وينك
ماما.. هاني فالكوجينه
انا..  شنجوكك
ماما..  كويسه شن روحتي
انا..  لالا قاعده فالطريق شويه ونوصل 😂😂
ماما..  عليك بارده 😂😂
انا..  من زيك نغيرلك فجوك 🤣
ماما..  بري بدلي وتعالي عاونيني بري
انا..  تي وااكك لازم 😅😂
ماما..  بري يفرخه
انا..  به به 😂
مشيت بدلت وشديت فوني شويه فتحت انستا  لقيت رؤى  باعتتلي دردشت معاها شويه  «طبعا رؤى صاحبتي وهيا م 2009 تقرى مع احمد خوي وبنوته تهبل ونحبهاا هلبا ومتعلقه باها هلبا» 
ترن ترن
اشعار انستا
طلب مراسله من عبدوو
انا«فخاطري».. وتت هدا بشن يحس باعتلي 😂
عبدو (كاتب)  ..  الووو
طبعا خليت رسالته معلقه لانه مانردش عالشباب  وفته ونسيت موضوعه اصلا
بعد مرور اسبوع 🌇
انا.. تعرفي يا وداد في موضوع نسيت ماحكيتلكش عليه
وداد.. حي شنهوا
انا..  عبدوو لقيته باعتلي الفتره الي فاتت ومارديتش عليه 😂😂
وداد..  واكك بشن يحس باعتلك شن يبي هدا 😂
انا..  والله مانعرف
وداد..  حسه ضربني فضول ردي عليه نشوفوه شن يبي
انا..  لالا فكيني منه مشكلجي اهوا يدخلني فقصص اني في غنى عنها
وداد.. لا مشكلجي لا شي انتي شوفيه شن يبي وفوتيه بعدها احضريه
انا..  زعما
وداد..  اي اي بعدين شوفيه وقوليلي شن يبي
انا..  تمام
ــــــــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
الساعه 3 ليلا 🌃
انا..  اففف عليك كساد كلهم مسكرين النم والنوم طاير
زعما نخش لعبدو نشوفه شن يبي اكيد ساهر هدا متع بنات 😅😂😂

انا..  مني انت «طبعا درت جو استعباط اني مانعرفاش وهكي 😂😂»
عبدوو «طوول رد 😂😂»..  اوووو مئابو اخيرا عدلتي علينا 😂😂
انا..  مني انت
عبدوو..  دايره روحك حوله 😂😂
انا..  قول مني  والا بلوك
عبدو..  تي عبدوو فكينا من الجو اهوا 😂😂
انا..  اهااععع عبدوو والله مازبطتك السناب مغيرك هلبا فالصوره 😂😂
عبدو.. تفوو يحماره واالله مامصور بسناب 😂
انا..  امم به كويس 😂😂
عبدو..  شنجوك
انا..  كويسه وانت
عبدو..  ماشيه
انا..  دوووم+شن تبي باعتلي
عبدو..  والله الفتره الي فاتت لقيت حسابك قلت نبعتلك هدا هوا 😅
انا..  اها
عبدو..  اي
عبدو.. قلتلك بالله كان عرفتي حل اسئله العربي ابعتيهولي على رحمه الوالدين
انا..  اوك تمام..  وبعتله
عبدو..  منوره
انا..  بنوري 😂😂
عبدو.. 😂😂🤣
ـــــــــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
وداد..  شصار فيك كلمتي عبدو
انا..  اي
وداد.. شنيبي
انا.. شي قال لقي حسابي بعتلي وقال يبي واجب عطيته وخلاص
وداد..  اها كويس
انا..  اي
ــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
قعدت فتره بسيطه نتواصل مع عبدو نعطي فيه واجبات ويعطي فيا وهكي لين جي اليوم الي قلب حياتي 😟
عبدوو..  اسمعيي مئاب تعالي نبيك ضروري
انا..  ها شنفي
عبدوو..  بنقولك حاجه ومعاش نقدر ندسها اكترر😢💔
انا.. انشاء الله خير 🙂
عبدوو..  مئاب انييي 😥
انا..  كنك انت شفيك
عبدوو...  اني من الاخير نحبكك 🫀🫶🏻
اناا..  وتتت😱😨
يتبععععع
توقعاتكم الحلقه الجايه هادي الحلقه زي التعريف عالشخصيات الاحدات مازال مابدوش 🤍🤍
تفاعلو بلييزز  وتعليق حلو على طريقكم اول روايه ليا  تشجيع باش نكمل🥹🌸
للكاتبه:  الغࢪيانيہ‏‏الغࢪيانيہ‏‏🦋🫧.