💔ضحيه ثقه💔 روايات ليبيه

الحلقه الثامنه♡

الحلقه الثامنه من روايه ضحيه ثقه 💔
للكاتبه:  الغࢪيانيہ‏‏الغࢪيانيہ‏‏🦋🫧
خالتي.. مئاب
انا.. نعم خالتي
خالتي.. وتي روحك جايينك عيلتك بتروحي
انا.. علاش نبي نقعد مانبيش نروح
خالتي..قالو بيطلعو دهواري بيطلعوك معاهم
انا.. منبيش نبي نقعد
خالتي.. جايينك توا معليشي بعدين روحي اهني والا ولي يوم تاني
انا.. افف به
ولبست وقعمزت نستنى
ترن ترن ترن 📞
خالتي.. ايوا  باهي هي تو تطلع  ماشي سلام
انا.. مني
خالتي.. امك هادي قالت مدرسين برى يراجو فيك
انا.. اه به هي مالا سلامات
خالتي.. سلام عاوداها مره تانيه
انا.. انشاء الله
بنات خالي قعدو يحضنو فيا  ويبكو يبوني نقعد 🥺
انا.. تو نولي مره تانيه حبيباتي باهي🤗
هما.. باهي 🤧
وطلعت للسياره
تسريع احداث 🤍✨
ـــــــــــــــــــــــــــــــــ
طلعنا وادهورنا وغيرنا جو وروحنا وفاتو الايام وحالي من سيء لاسوء علاقتي ب بابا فسدت معاش يكلم فيا ولا نكلم فيه اقرب انسان ليا بعد عليا وهدا الشي درته لروحي بسبب اغلاطي كنت عارفه انه حبي لهيثم غلط بس ماقدرتش نبعد حتقولو علاش ماحاولتيش تولي لبوك نقوللكم انه علاقتي بيه مش حتولي لانه مرتين نكسر فاها ثقته ومش حيردهالي زي قبل💔💔
تغيرت بديت اخي انقلبت 180درجه وصلت لدرجه معاش نعرف فروحي مئاب الاوله مهناش مئاب الي تلعب الي جوها حلو الي ماتعرفش الزعل والنكد مش موجوده ندور علاها معاش نلقى فاها، وصلت درجات نلقى فعيلتي فرحانين نبعد باش مانفسدش فرحتهم نحس انه اني مصدر كئابه وازعاج ليهم بعدت عالدنيا كلها انعزلت عالعالم تماما حتى هيثم بعدت عليه ومعاش حاولت نتواصل معاه وحسيت انه هدا الاحسن ليا وللناس الي نعرفهم وخترت "العزله" 💔💔.
ــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
ماما.. مئاب
انا.. نعم
ماما.. وتّو ارواحكم بنمشو للبحر اخني وخلاتك وعيلت خالك نقعدو يومين هكي
انا.. به
وتينا شناطينا ونستنو فالصبح باش ننطلقو للبحر المكان الي يريح النفسيه🕊💙.
الساعه 7صباحا 🌤✨
احمد.. مئاب هاتي شنطتك هيا
انا.. به اهو بنجيبها
رتيل.. مئاب جبتي واقي شمس 🙂
انا.. اي
رتيل.. به وجبتي الطاقيه «الكبوس» 👒
انا.. جبت😤
رتيل.. امم بالك نسينا حاجه
انا.. لالا كل شي موجود  🙂😂
رتيل.. به كويس هي اركبي مالا 😂😂
انا.. شويه بنجيب شبشب 😂
رتيل.. الناس نقعد حفيانا فالبحر والا بتعومي بيه🙂😂
انا.. بنعوم بيه 🙂
رتيل.. واضح انك بنت البحر يوخيتي😂😂
انا.. اي مالا شن 😂
رتيل.. 😂😂
وطلعنا متجهين لصبراته، بجديات بحرها يهبلل 🤍✨
الطريق كلها وخوتي يغنو وفاتحين اغاني ودايرين جو واني حاولت نغير جوي شويه ونطلع من الاكتئاب الي ضاربني 🙂💅
واخيرا وصلنا لصبراته والله كان هواها يكفي بانه ينسيني كل شي قداش ارتحت لما مشيت 😇🫧
خالتي.. اهلا اهلا 😊
انا.. اهلين 😊
خالتي.. شن جوكم شن اخباركم
انا.. كويسين اهو
بنات خالتي.. اوبي اوبي «وجوني يجرو قعدو يحضنو فيا🥹💞»
انا.. حبيباتي استاحشتكم❤
هما.. حتى احني علاش روحتي 😕
انا.. مه بابا قالي روحي
هما.. مه نبوك احني
انا.. تو نجيكم مره تانيه
احمد.. مئاب هي تخشي للبحر
انا.. استنى نبدل ونجي
احمد.. تم
بدلت وخشيت للبحر مع احمد خوي والبنات ومعانا خالتي ومرت خالي وبعدين خش خالو يلعب فبناته وكان جو يهبل (قداش كان يريح بجد هواه النظيف يريح فقلبي نحس فيه كانه اعاده تدوير ليا كل سنه 🤍✨)
ـــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
كان في شاب حسيته يراقب فيا وللامانه خفت منه كان يراقب فتحركاتي واني تعقدت من شبحاته بس كان حليوه🤭
وطاحت الشمس وتعشينا وكان جو خياال 🌅✨.
خالتي.. مئاب
انا.. نعم
خالتي..نطلعو نتمشو
انا.. عادي
خالتي.. هي نطلعو كلنامع بعض
انا.. اوكك
وطلعنا نتمشو وكنت لابسه فستان ابيض فيه وردات سمائيات وفيه شويه اخضر وفيه حزام كنت نحبه هلبا 💙✨.
خالاتي الزوز ومرت خالو وماما رجعو لخيمتنا او العشه او منعرفش شن تقولولها 😂 المهم
واني قعدت نتمشى بروحي ونتامل فالبحر ونشكيله فهمومي ممكن هوا الوحيد الي يقدر يحمل همي معاي💔 كنت شاده تلفون ماما ف ايدي وفتحت الوتس وقعدت نفكر زعما نخش لهيثم نكلمه بما انه حافظه رقمه او لا قاطعني حد حط ايده على كتفي 😳
   يتبع.