💔ضحيه ثقه💔 روايات ليبيه

الحلقه الثالثه♡

الحلقه الثالثه من روايه ضحيه ثقه😔💔
للكاتبه: الغࢪيانيہ‏‏الغࢪيانيہ‏‏🦋🫧
بعد يومين 💜
انا.. وداد
وداد.. نعم
انا.. خديت قرار
وداد.. شنصار معاك
انا.. بنسيب 😔💔
وداد.. كييف يحمااره
انا.. بننهي كل شي قبل مايبدا اصلا 💔
وداد.. مئاب حرام عليك
انا.. هدا الي صار والله مانبي نظلمه معاي اني ماحسيتش بمشاعر تجاهه مافيش حب ومانبيش نبني علاقه على كدب
وداد.. هوا صح كلامك مادامه مافيش حب انهي خير
انا.. اي 💔
وداد.. مئاب لكن فوتي على روحك طرف كيف ماحبيتيشي مافهمتش 😂💔
انا.. مش كل شيء اشكال لما بتحب بتحب شخصيه الشخص بتحب اسلوبه حنيه وكلامه واخر شي ينشبحله الشكل
وداد.. امم اي صوح
وداد.. قلتيله انتي
انا.. لالا ماقدرتش 💔
وداد.. تبي نقوله «وداد كان في تواصل بينها وبين هيثم لانه لما تختفي مئاب هيثم كان يكلم فوداد يسال فاها».
انا.. مش عارفه لكن خلي تو اني نقوله
وداد.. خساره قبل بيجو صغارك قنينين😂💔
انا.. باه فهمنا 😂💔
.
.
.
ــــــــــــــــــــــــــــــــــــ
هيثم.. مئاب
انا.. نعم
هيثم.. اني معاش نبي نستنا هي توا قوليلي شن صار فيك بتكملي معاي والا لا
انا«قلبي وجعني وندمت اني سمعت كلام عبدو وكلمته من الاول ماكنتش نبي تكون هكي النهايه».. اصلا خديت قرار
هيثم.. نسمع فيك
انا.. هيثم انت كنت معاي ولد كويس وعمري ماشفت منك شي غلط لكن الله غالب اني ماحسيت شي تجاهك 😔💔
هيثم.. المعنى
انا.. هيثم اني مانقدرش نكمل معاك شوف غيري حتلقى زيني واحسن وربي يرزقك ببنيت حلال اني هدا الي عندي💔
هيثم.. تمام
انا.. هيثم بالله ماتزعلش مني لكن اني نبيش نضلمك معاي💔
هيثم.. لالا عادي هي معرفه طيبه
انا.. معرفه طيبه🤍

وجعني قلبي حسيت روحي كسرت بخاطره وكسرتله قلبه لكن اني ماغلطتش فقراري اني ماحسيت بشي تجاهه فهادا كان احسن حل

يوم الجمعه 💗
تقى.. مئاب تعالي هيا بنغسلو الماعين
انا.. هيا هي

الغࢪيانيہ‏‏الغࢪيانيہ‏‏: اكتر شي نحبه فيوم الجمعه لما تبدا العيله ملتمه ويخشو بنات العيله للكوجينه وينقسمو فريقين بنات يغسلو الماعين وبنات يديرو القهوه ويبدا الجو حلو هدرزه وضحك 🥹🤍

منار.. هي اقسمو يا بنات زوز يغسلو زوز يديرو القهوه وزوز يمشو يضمو الحوش
ميس.. اني بنهدرز عليكم 😂
انا.. حتني 😂😂
منار.. اي هدا هوا شن تبو شاهي والا قهوه خلي نصبولكم 😂
انا.. مانشربش فيهم الزوز 🤭😂
ميس.. 🤣🤣
وفجأه خش عمي 😨
عمي.. مئاب
انا.. نعم
عمي.. ديريلي قهوه وتعاليلي فحوشي
انا.. اهو مدايرين قريب اطيب
عمي.. اني نبيك انتي اديراها وديراها ولا نقطه سكر وجيبيهالي فحوشي وتعالي هي
انا.. حاضر
طلع عمي
تقى.. مئاب حليلك شن مدايره
انا.. شش ش شن مدايره 😨
منار.. مئاب عمي مايناديش وحده ويقوللها قهوه مره الا وشاد علاها حاجه
انا.. يحليلي حاجه شن
تقى.. ديري بسرعه وبريله شوفيه خير من يرقاله
انا.. تتت تت تمام😥
درتها ومشيت
طق طق طق
عمي.. خشي
انا.. اهي القهوه يا عمي
عمي.. صحيتي
انا.. سلمك وجيت طالعه طول «هاربه😂»
عمي.. تعالي جاي قلتلك اطلعي اني
انا.. هاا ءء
عمي.. تعالي قعمزي
انا«قلبي بيوقف».. نعم
عمي.. اني مش عيل ونفهم فكل شي وعارفتيني تخصصي حاسب وتقنيات ونفهم فالتكنلوجيا
انا.. 😥
عمي.. اني عارف كل شي وانتي فاهمتيني شن نقصد
انا.. ءء مافهمتش
عمي.. لا فاهمه واني عارف قصتك كلها وعارفك نهيتاها لكن والله والله لو نشد عليك حاجه تانيه مش حيصير خير وانتي عارفتيني مانعرفش رصاص فالراس طول فاهمه والا
انا.. ففف فاهمه 💔
عمي.. توا تقدري تطلعي
انا.. تمام
وطلعت قعدت واقفه قدام الحوش وحطيت ايدي على رقبتي وقلت خلاص مئاب انسي كل شي وابدي حياه جديده خير من تخسري رقبتك 💔باهي الي سيبت هيثم كان هدا ره توا ميته  افف قلبي كان حاس انه حتجيني مصيبه به اهو مشت على خير  تنهدت بحزن ورجعت لحوش جدي 😮‍💨💔