💔ضحيه ثقه💔 روايات ليبيه

الحلقه الخامسه♡

لحلقه الخامسه من روايه ضحيه ثقه 💔

للكاتبه: الغࢪيانيہ‏‏الغࢪيانيہ‏‏🦋🫧

قراءه ممتعه🤍🤍

انا..طق طق طق
بابا.. خشي «وكان يدخن وواضح عليه راقيله هلبا»
انا.. خشيت
بابا.. قعمزي
انا.. قعمزت وماقلتش حرف 🤐
بابا.. فالبدايه قعد ساكت بعدين تكلم
بابا.. انتي عارفه روحك شن مدايره والا
انا.. 🤐
بابا.. انا كنت نتوقعها من الدنيا كلها الا منك انتي اني كنت دايرك قدوه كنت نشوف فيك العاقله الكبيره الفاهمه الرزينه الي ينعبى علاها فالعيله لكن انتي شن درتي خيبتي املي فيك كنت نشوف فيك حاجه كبيره، اني نمشي للشرق ونتغرب ونخدم صبح وليل باش مانقص عليك شي كنت نمشي ومتهني انه انتي فالحوش وماتقصريش نشوف فيك مراء بالف راجل وينعبى عليك وتتحملي المسؤوليه لكن هكي تكافيني كسرتي ثقتي الي كانت ماتنهزش من ناحيتك دمرتي كل شي بغلطه وحده منك
انا.. كنت ساكته ودموعي يتكلمو 😔😭😭💔
بابا.. اني عندي ليك كلمتين
القرايا تنساها وتوا غر فات فيك وباديه فيهم الامتحانات قلت خلي اتمهم باش ماحد ينتبه او يعطي اهتمام واول عريس حيجيك حنزوجك والطلوع والخشوش انتي محرومه منه حوش جدك من الجمعه للجمعه ومعانا تلفون انسيه نت انسيه وهدا اخركلامي
انا..قعدت ساكته وفخاطري 😭😭💔.. اكتر شي وجعني قرايتي الي راحت بسبب غبائي ندمتت ندمتتت ندمتت على هالغلطه خسرت ثقه بابا وثقه عيلتي بدو يكرهوني بسبب غلطي اهوا بابا معاش يحبني زي الاول. واني نستهال نستاهل هدا العقاب نستاهل كل قرار وعقاب قاله توا اللهغالب شيطان وسوسلي واني مشيت وراه 😔😭💔💔
بابا طلع وخلاني واني فحاله يرثى لها اني خسرت كل شي مستقبلي دمرته بايديه تحت عنوان "الحب" 💔
ــــــــــــــــــــــــــــــــــــــــــــ
للكاتبه: الغࢪيانيہ‏‏الغࢪيانيہ‏‏🦋🫧

بعد مرور يومين 💔
وداد.. وينك معاش تقابلي، فالثانويه منكده وماتهدرزيش ومعاش جيتيني وكل مانكلمك راقده
انا.. بالله خليني ساكته 😔
وداد.. خيرك
انا.. شي
وداد.. مئاب احكي شن شي
انا.. انهرت بالبكي ماقدرتش نسيطر على دموعي 😭😭😭😭💔
وداد .. مئاب خيرك شنفي احكيلي كنت حاسه انه في شي صاير اني مئاب
انا.. حكيتلها كل شي 😭😭💔
وداد.. حييي مئاب شن هالعمله حي عليك حي 😱
انا.. بالله ماتزيديني😭😭💔
وداد.. عادي يا مئاب كله يفوت ره وخالي حيولي زي قبل صدقيني وحتولي لحياتك غر فتره هادي انصدم بعدها تو يرتخى عادي
انا.. قالي معاش في قرايا كسرت ثقته خلاص😭😭
وداد.. تو تولي عادي تو تولي💔
بعد مرور ثلاثة ايام
ماما.. هيا بنمشو حوش جدك
انا.. علاش
ماما.. عماتك جايات
انا.. به هي
ــــــــــــــــــــــــــــــــــــــــــــــــ
للكاتبه: الغࢪيانيہ‏‏الغࢪيانيہ‏‏🦋🫧

ومشينا استقبلتني ميس من قدام باب الحوش بالاحضان
ميس.. قالتلي فودني وهيا حاضنتني.. هيثم يدور فيك وخشلي باش تكلميه بعدين مششغول عليك هلبا 😉
انا.. 😳تمام
فخاطري يحليلي شن بنقوله توا هيثم وهوا ديما مبهدلاته فجرتي 😔🤦🏻‍♀️يناري ميس فرحانه قاعده مش عارفه شن صاير معاي 😔💔💔💔
قعمزنا هدرزنا شويه وجت حتى وداد واختها شدى وتقى كانت موجوده هيا ومنار«طبعا منار تكون اخت ميس»
ميس.. بست مئاب
انا.. نعم
ميس.. الحقيني للدار
انا.. تمام ولحقتها
ميس.. هاك التلفون كلمي هيثم ليه اسبوووع كل يوم يبعتلي يسال شن ماتلاقيتيش مع مئاب يبي يكلمك ضروري
انا.. خديت التلفون وكنت متوتره وخايفه ومنحبطه ومخلطه عليا بس نفس الوقت استاحشته هيثم 😔💔 حتقولو قاعده ماشعفتيش بعد الي صارلك كله لكن اني الله غالب حبيته مع انه حبه غلطه بس حبيته شن بندير هدا الشي يتحكم فيه قلبي 💔💔
انا.. هيثم
هيثم.. نعم
انا.. شنجوك
هيثم.. كويس وانتي
شن قاعده ماتلاقيتيش مع مئاب
انا.. رديت لوز اللوز
هيثم.. مئاب 😳
انا.. اي
«طبعا حتسالو كيف عرفها مئاب، مئاب عندها كلمتها الي تحبها لما هيثم يسالها على جوها تقول لوز اللوز وهوا مقايللها انه الكلمه الي عرفها باها هيا الكلمه اهيا وهيا ديما تقوله فاها راجعو الحلقات الاولى حتلقاها»
هيثم.. شنجوكك وين مغيبه شنصاير معاك ليا اسبووع مشغول عليك
انا.. شي بابا خدي مني التلفون بس
هيثم.. علاش
انا.. شدوني 😔💔
هيثم.. 😳ككك كيف امتى
انا.. من لما سكرت نت واختفيت
هيثم.. به كيف صار شن دارلك شن قالك
انا.. شي وققني عالقرايا وخدي تلفوني وخلاص
هيثمم.. كيف شن دخل قرايتك
انا.. هدا الي صار
هيثم.. اني حسيت انه صاير شي
انا.. 😔💔قالي بيزوجني
هيثم.. لمني وكيف
انا.. اول عريس يجيني بنقبل بيه وخلاص
هيثمم.. عليك قصههه
انا.. تجي تتزوجني انت 😂😂
هيثم.. مني اني 😕
انا.. اي انت مش تحبني
هيثم.. والله ربي يهنيك لكن اني مش حنجيك
انا.. انصدمت 😳ثلتها ببصاره لكن ماتوقعتش رده هكي 😔💔
هيثم.. مئاب
انا.. نعم
هيثم.. انا ناخد وستين ناخدك ومستحيل نرخي بيك
انا.. ☺️🤍
انا زدت خممت فاها قلت انه اني مفروض ماقلتش وبعد شفت ردة فعله حسيت انه هادي غلطه ولازم تترقع صح قالها ببصاره لكن قلبي ماطمنيش
انا.. به اسمع نقولك حاجة
هيثم.. نعم
انا.. مقلب 😂🤭
هيثم.. مقلب شني 😳
انا.. هدا كله مقلب بابا لا شدني لا شي اني قلت نردلك الضربه 😂😂
هيثم.. حتني حسيتك تفيلمي بتشوفي رده فعلي قلت نتمهتك 😂😂
انا.. اي شن غر انت ومهاب تمقلبوني 😂💔
هيثم.. 😂😂لكن اسمعي مادامه بوك لا شادك لاشي وين مختفيه
انا.. خدي مني تلفوني على خاطر الامتحانات بس
هيثم.. اها
انا.. اي
«عرفت كيف نرقعهها فاخر لحضه 😂💔😮‍💨»
ـــــــــــــــــــــــــــــــــــــــــــــــ
للكاتبه: الغࢪيانيہ‏‏الغࢪيانيہ‏‏🦋🫧

تسرييعع فالاحداث 🌝🤍
فات رمضان واني كنت مش قادره نبعد على هيثم مع انه عارفه انه هدا الشي غلط بس ماقدرتش نبعد كلمته مره او اتنين بعد هديكا المره من وداد وخلاص ووداد شدها عمي تكلم فنوري فمشت حضراته من كل الموقع وانقطعو من بعض نهائيا وهدا هوا وجانا العيد 😁💗
نبيش تفاصيل عيدنا زي اي عيد فكل حوش ليبي
اعطتني وداد نكلم هيثم نعيد عليه وبعتلي صورته بالزبون وكان يوووهبلل بكل معنى الكلمهه 🥹💜وسالني على تلقوني علاش ماردوهوليش مع انه تميت امتخانات قلتله انكسر كسره خوي ويبي تصليح وخلاص💔
المهم بعد مرور شهر
كملت امتحانات وطلعت نتيجتي وطلعت ناجحه بنسبه 91فالميه عالعاده من الاوائل🥹💗
بابا.. الف مبروك بنتي💜
انا.. يبارك فيك بابا 💗
طبعا رجعت علاقتي ب بابا كويسه مش زي قبل لكن الحمدلله سامحني بس اني قعد يانب فيا ضميري لانه مازلت نتواصل مع هيثم 😔💔
بابا.. نسالك سؤال
انا.. نعم
بابا.. معاش غلطتي
انا.. كيف يعني
بابا.. انتي فاهمه
انا..«قلبي غصني 😔💔» لالا معاش غلطت
بابا.. بكل بكل
انا. اي
بابا.. به اسمعي اني اهو بنردلك تلفونك لكن معاش في فرصه تانيه بنشد عليك حاجه تانيه مش حيصير خير بكلل
انا.. به 😔مافرحتش بيه بكل تمنيته قعد عنده 💔💔
ـــــــــــــــــــــــــــــــــــــــــــ
للكاتبه: الغࢪيانيہ‏‏الغࢪيانيہ‏‏🦋🫧
طق طق طق
انا.. مني
رؤى.. افتخي يا حيوانه افتحي
انا.. حي عليا رؤى يحليلي ليك وحشاااااااااتتت
رؤى.. اي واضح لدرجه مش مدورتيني بكللل تي ويين مختفيه
انا.. قصه طويييييله تو نحكيلك خشي
ونتفاجأ برفيف جايه معاها 🥹🤭
انا.. يحليلي رفيف 🥹🤍
رفيف.. شنجوكك ليك وحشه يفرخهه
انا.. ليك اكتر وربي
وخشو وهدرزنا هدرزنا لين فرغنا خواطرنا
انا.. حيي قصدك رؤى خلاص
رؤى.. اي 😔💔
انا.. 😳قاعده مصدومه
رؤى.. محرها يا مئاب لما تجي من الصحاب
انا.. لا مش مصدقه انه سلمى ادير هكي 😨
رؤى.. دارتها 😔
انا.. وولد عمي الحماار وولد عمتي الحمار التاني يحليلي شن هدا نخساب روحي نعاني بروحي طلعنا كلنا نفس الشي 🤦🏻‍♀️💔
رؤى.. طحنا #ضحيه_ ثقه _كلنا 💔💔
انا.. المشكله فرمضان جت اهني وبكل ثقه تهدرز على مهاب وتهدرز معاك وهيا تخون فيكم الزوز 😨💔
رؤى.. هادي الي توجع هيا 💔
اكيد انتم توا مش فاهمين فخلي نفهمكم شن صاير 🤷🏻‍♀️
قصتهم ملخبطه فلازم تركزو معاي 🤓
رؤى تكلم فولد عم مئاب
وسلمى تكلم فولد عمت مئاب والي هوا مهاب
الي صار هوا انه سلمى خشت لحبيب رؤى ولفت عليه ولعبت بعقله وخلاته يحبها وبدت تكلم فيه
وهوا قعد يكلم فاها ويكلم فرؤى وهدا الشي صاير من قبل رمضان
المعنى انه سلمى خانت اقرب صاحباتها وخانت حبيبها برضو رؤى خانها حبيبها
وطاحت#ضحيه_ثقه 💔من اقرب الناس ليها 💔
نصيحه ردو بالكم من الصاحبات بالذات صحبات السوء لانهم يدورو عليك بدون مايحسسوك زي مادارت سلمى كانت تقابل فيهم بكل وجه صحيح وهيا تخون فيهم كلهم
وعمرك تقولي هادي ثقه وماتخونيش وقتنا هدا مافيش حد فيه ثقه
«الثقه فالرسول والرسول مات ﷺ»
وهدا اول درس فروايتنا خدو منه العبره وماتغلطوش الغلطه اهيا واطيحو فالحفره الي طاحت فاها رؤى 💔
للكاتبه: الغࢪيانيہ‏‏الغࢪيانيہ‏‏🦋🫧
توقعاتكم للجاي 🤍🤍