قصر الرياش
الكاتبة ..ليال الهاشمي
..صلو على محمد وبلشو بالقصة
موعد التنزيل بين يوم ويوم
باوعت على ساعتي الي بأيدي شفت الوقت تأخر
هسة امي راح يضل بالها علية
ودواها بعدني ماطيتة الها اووووف هاي شلون مصيبة ياربي شنو ماكو غيري هنا
مرن ساعتين والوقت تأخر كلش رحت للدكتور دكيت الباب
الدكتور::- تفضل
دخلت للمكتب
جان كاعد على الكرسي وبيدة قلم ويكتب رفع راسة شافني ابتسم ورجع يكتب واردف
الدكتور::-تفضلي رايدة شي
::-دكتور اتأخر الوقت ولازم اروح ماما وحدهة وانتة تعرف ضروفي ودوامي انتهى أكدر أروح
الدكتور::- اي نعم تكدرين ترحين
فرحت وبسرعة مشيت دخلت لغرفة تبديل الملابس غيرت ملابسي وطلعت
اجت صديقتي شافتني طالعة كالت
ازل::-اوكفي طالعة وياج
::-جا بسرعة استعجلي
بسرعة غيرت ملابسهة وطلعنة أجرنا تكسي ووصلنا للبيت بيتنة بنفس المنطقة دخلت للبيت بسرعة لكيت جيرانا ام حسن موجودة وكاعدة وي امي ومسوية عشة
::- خالة ليش تعبتي نفسج اني اجي واسوي
::-لا خالة انتي تجين تعبانة وامج من صفحة والشغل من صفحة وين تلحكن هية نمونة بسرعة سويتة
يلا خالة انا اترخص هم يالا اروح البنات وحدهن
::-خالة مشكورة وماقصرتي
راحت خالتي تقربت من امي بست راسهة حيل وحضنتهة
::-اسفة اتأخرت
كوة رفعت ايدهة ومسحت على راسي
::-شلونج يمة اصبلج عشة
كوة حجت ::-اي يمة صبيلنا
كمت بسرعة صبيت الاكل وعشيت امي وكلتها بأيدي لان ماتكدر تاكل وترفع ايدها
شربتها دواها ونامت
دخلت للحمام بسرعة سبحت ولبست ونشفت شعري
وكمت اخذت تليفوني
وكعدت برة بصف الشباك فعلت النت من جيرانا والجو بي برودة بس مو كلش ضليت اكلب إلى أن اتأخر الوقت كمت نضفت البيت بسرعة ونمت بصف امي
كعدت الصبح على صوت المنبه بسرعة رحت سويت الغدة ركبتة وكملت وسويت ريوك تريكت وريكت امي وياي وطيتهة الدوة ورحت غيرت ملابسي بسرعة
كملت تجهيز نفسي وامي تباوعلي وتتحسر لان ملابسي قديمات بس انا عندي عادي عاجباتني انا مقتنعة بالحياة الي عايشتها والملابس واكلنا وكلشي انا مقتنعة بي وأحمد ربي واشكرة
بس عندي أمنية وحدة هوة كون امي أطيب بسرعة واشوفهة واكفة كدامي ومابها شي
طلعت من البيت دكيت باب ام حسن طلعتي بنتهم فاطمة
أنت تقرأ
قصر الرياش
Mystery / Thrillerكل من يرى القصر يتمنى العيش فيه وكل من عاش فيه يتمنى لو انهُ لم يولد
